ಬೊಲ್ತೆರ್ ಸುದ್ದಿ | Belthangady News

ಕೊಲ್ಪದಬೈಲ್ ನಿವಾಸಿ ಅನಿಲ್ ಪ್ರವೀಣ ಪಿರೇರಾ ನಾಪತ್ತೆ

ಮಾಲಾಡಿ: ತರಬೇತಿದ ಜೋಕ್ಲೆನ್ ಎಕ್ಸಾಮ್ ಗ್ ಬೆಂಗ್ಲೂರುಗ್ ಲೆತೊಂದು ಪೋದು ಬರ್ಪೆ ಪಂದ್ ಇಲ್ಲರ್ದ್ ಪೋಯಿನ ವ್ಯಕ್ತಿ ವಾಪಾಸ್ ಇಲ್ಲಗ್ ಬರಂದೆ ನಾಪತ್ತೆಯಾಯಿನ ಬಗೆಟ್ ಪುಂಜಾಲಕಟ್ಟೆ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತ್‌ಂಡ್.

ಬೋಲ್ತೆರ್ ತಾಲೂಕುದ ಮಾಲಾಡಿ ಗ್ರಾಮದ ಕೊಲ್ಪದಬೈಲ್ ನಿವಾಸಿ ಅನಿಲ್ ಪ್ರವೀಣ ಪಿರೇರಾ ನಾಪತ್ತೆ ಆಯಿನ ವ್ಯಕ್ತಿ.

ಅನಿಲ್ ಪ್ರವೀಣ ಪಿರೇರಾ ವಿನ್ ನ್ಯಾಷನಲ್ ಸ್ಪೇಲ್ ಬಿ ತರಬೇತಿದ ರೀಜನಲ್ ಕೋ-ಆರ್ಡಿನೇಟರ್ ಆದ್ ಕೆಲಸ ಮಲ್ತೊಂದು ಇತ್ತೆರ್. ಸೆ.2 ದಾನಿ ಬಯ್ಯಗ್ 8.30 ಗಂಟೆಗ್ ವಿನ್ ನ್ಯಾಷನಲ್ ಸ್ಪೇಲ್ ಬಿ ತರಬೇತಿದ 5 ಜನ ಜೊಕ್ಲೆನ್ ಬೆಂಗ್ಲೂರುಡು ನಡಪುನ ಎಕ್ಸಾಮ್ ಗ್ ಲೆತೊಂದು ಪೋದು ಬರ್ಪೆ ಪಂದ್ ಪೊತೆರ್. ಬೊಕ್ಕ ಸೆ.3 ದಾನಿ ರಾತ್ರಿ 8.45 ಗಂಟೆಗ್ ಕಾಲ್ ಮಲ್ತ್ ವಿಚಾರಣೆ ಮಲ್ಪುನಗ ರಾತ್ರೆ 9 ಗಂಟೆಗ್ ಬೆಂಗ್ಲೂರುರ್ದ್ ಕುಡ್ಲಗ್ ಬಸ್ಸ್ ಉಂಡು ನನ ಪಿದಡೋಡಾತೆ ಪಂದ್ ಪಂತೆರ್.

ಆoಡ ಸೆ.4 ಬೊಲ್ಪುಗು 5 ಗಂಟೆಗ್ ಎಕ್ಸಾಮ್ ಗ್ ಪೋದು ಇತ್ತಿನ ಜೋಕ್ಲೆನ್ ಲೆತೊಂದು ಬರಿಯೆರೆ ಬಿಸಿ ರೋಡ್ ಗ್ ಪೋಯಿನ ಅನಿಲ್ ಡೇಸಾ ಪನ್ಪಿನ ವ್ಯಕ್ತಿ ಸಂಪರ್ಕ ಮಲ್ಪುನಗ ಅನಿಲ್ ಬೊಲ್ಪುಗು 5 ಗಂಟೆಗ್ ಬಿಸಿ ರೋಡ್ ಗ್ ಬತ್ತ್ ದ್ ಜೋಕ್ಲೆನ್ ಬಿಸಿರೋಡು ಡ್ ಜಪ್ಪಾದ್ ಬೊಕ್ಕ ಕುಡ್ಲಡ್ ಕೆಲಸ ಮುಗಿಪಾದ್ ಬರ್ಪೆ ಪಂದ್ ಇತ್ತೆರ್.

ಬೊಕ್ಕ ಅನಿಲ್ ಗ್ ಕಾಲ್ ಮಲ್ಪುನಗ ಪೋನ್ ಸ್ವಿಚ್ ಆಫ್ ಆದ್, ಬಯ್ಯ ಆಂಡಲ ಇಲ್ಲಗ್ ಬರಂದೆ ಇಪ್ಪುನೆದಾತ್ರ ಸಂಬoಧಿಕೆರೆಡ ಬೊಕ್ಕ ಪ್ರೆಂಡ್ಸ್ ನ್ ವಿಚಾರಣೆ ಮಲ್ಪುನಗ ಅನಿಲ್ ಪತ್ತೆ ಆವಂದಿನ ತೆರಿದ್ ಬೈದುಂಡು.

ಅನಿಲ್ ಪ್ರವೀಣ ಪಿರೇರಾ ಮೆರ್ ನ ಬುಡೆದಿ ಲವಿಟ ಡಿಸೋಜ ಕೊರ್ನ ದೂರುದಂಚ ಪುಂಜಾಲಕಟ್ಟೆ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತ್‌ಂಡ್

ಉಬಾರ್: ಅಕ್ರಮ ಮರ ಸಾಗಾಟ; ಒರಿ ಅರೆಸ್ಟ್

ಉಬಾರ್: ರಕ್ಷಿತಾರಣ್ಯರ್ದ್ ಮರನ್ ಕಡ್ತ್ ದ್ ಅಕ್ರಮವಾದ್ ಸಾಗಾಟ ಮಲ್ತೊಂದು ಇತ್ತಿನ ಪ್ರಕರಣನ್ ಉಬಾರ್ ವಲಯ ಅರಣ್ಯಾಧಿಕಾರಿ ನೇತೃತ್ವದ ತಂಡ ಪತ್ತೆ ಮಲ್ತ್ ದ್ ಆರೋಪಿನ್ ಅರೆಸ್ಟ್ ಮಲ್ತ್ ದೆರ್.

ಆರೋಪಿ ಬಂಟ್ವಾಳ ತಾಲೂಕುದ ಪಂಜಿಕಲ್ ಗ್ರಾಮದ ಜೀವನ್ ರಾಜ್ ಪಂದ್ ತೆರಿದ್ ಬೈದುಂಡು.

ಲಾರಿಡ್ ಹೆಬ್ಬಲಸು, ನಂದಿ, ಬಣ್ಪು ಸೇರಿನಂಚ ಬಗೆ ಬಗೆತ ಜಾತಿದ ಮರದ ದಿಮ್ಮೆಲೆನ್ ಪತೊಂದು ಪೋನಗ ಅರಣ್ಯಾಧಿಕಾರಿಲು ಸುಬ್ರಹ್ಮಣ್ಯ ಕ್ರಾಸ್ ಡ್ ತಪಾಸಣೆ ಮಲ್ತ್ ಸಾಗಾಟ ಮಲ್ತೊಂದು ಇತ್ತಿನ ಲಾರಿನ್ ವಶಕ್ ಪಡೆಯೊಂದೆರ್.

ಕಾರ್ಯಾಚರಣೆಡ್ ವಲಯ ಅರಣ್ಯಾಧಿಕಾರಿ ಜಯಪ್ರಕಾಶ್, ಉಪ ವಲಯ ಅರಣ್ಯಾಧಿಕಾರಿ ರಾವುತ್ತಪ್ಪ ಬಿರಾದಾರ್, ರೆಖ್ಯಾ ಉಪವಲಯ ಅರಣ್ಯಾಧಿಕಾರಿ ಸಂತೋಷ್ ತಡ್ಲಾಗಿ, ರಾಜೇಶ್, ಪ್ರತಾಪ್, ರವಿ, ಕಿಶೋರ್ ಈ ಪೊರ್ತುಡು ಇತ್ತೆರ್.

ನಾಲ್ಕೂರು: ಅಷ್ಟೆಮಿದ ಲೆಕ್ಕಡ್ ಮೊಸರು ಕುಡಿಕೆ ಉಚ್ಚಯ

ಬೋಲ್ತೆರ್: ಯುವಶಕ್ತಿನ ಫ್ರೆಂಡ್ಸ್ ನಾಲ್ಕೂರು ನೆತ್ತ ಮುತಾಲಿಕೆಡ್ ಶ್ರೀ ಕೃಷ್ಣ ಜನ್ಮಾಷ್ಟಮಿದ ಪ್ರಯುಕ್ತ ಮೊಸರು ಕುಡಿಕೆ ಉಚ್ಚಯ ಸೆ.10 ಐತಾರದಾನಿ ನಿಟ್ಟಡ್ಕ ಶಾಲಾ ಮೈದಾನಡ್ ನಡಪೆರುಂಡು.

ಲೇಸ್ ದ ಉದಿಪನನ್ ನಾಲ್ಕೂರು ತಾರಿಪಡ್ಪು ಪ್ರಗತಿಪರ ಕೃಷಿಕೆರ್ ತಿಮ್ಮಪ್ಪ ಪೂಜಾರಿ ಮಲ್ಪೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಬಳಂಜ ಗ್ರಾ.ಪಂ ದ ಉಪಾಧ್ಯಕ್ಷೆರ್ ಯಶೋಧರ ಶೆಟ್ಟಿ, ಮಜಲೋಡಿ ಪ್ರಗತಿಪರ ಕೃಷಿಕೆರ್ ಸೀತಾರಾಮ ಪೂಜಾರಿ, ನಿಟ್ಟಡ್ಕ ಜೈ ಮಾತಾ ಕೆಟರರ್ಸ್ ದ ಜನಾರ್ಧನ ಪೂಜಾರಿ, ಬಳಂಜ ಗ್ರಾ.ಪಂ ದ ಸದಸ್ಯೆರ್ ಜಯ ಶೆಟ್ಟಿ ಪಾದೆ, ಬಳಂಜ ಬ್ರಹ್ಮಶ್ರೀ ಕುಣಿತ ಭಜನೆದ ಸಂಚಾಲಕೆರ್ ಹರೀಶ್ ವೈ, ಉಬಾರ್ ಯುವ ಉದ್ಯಮಿ ಸಚಿನ್ ಶೆಟ್ಟಿ ಕುರೆಲ್ಯ, ಶ್ರೀ ಕಂಚನಿಡ್ಕ ಕ್ಷೇತ್ರದ ಗುರ್ಕಾರೆರ್ ವಿನಯ ಶೆಟ್ಟಿ ಲೇಸ್ ಡ್ ಪಾಲ್ ಪಡೆಯೆರುಲ್ಲೆರ್.

ಧಾರ್ಮಿಕ ಸಭಾ ಕಾರ್ಯಕ್ರಮದ ಗುರ್ಕಾಮೆನ್ ಬಳಂಜ ಬ್ರಹ್ಮಶ್ರೀ ನಾರಾಯಣ ಗುರು ಸೇವಾ ಸಮಿತಿದ ಗುರ್ಕಾರೆರ್ ಪ್ರವೀಣ್ ಕುಮಾರ್ ಹೆಚ್.ಎಸ್, ವಹಿಸೊನಿಯೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಬೋಲ್ತೆರ್ ಶಾಸಕೆರ್ ಹರೀಶ್ ಪೂಂಜ, ವಿಧಾನ ಪರಿಷತ್ ಶಾಸಕೆರ್ ಕೆ.ಹರೀಶ್ ಕುಮಾರ್, ಬಳಂಜ ಗ್ರಾ.ಪಂ ಗುರ್ಕಾರ್ದಿ ಶೋಭಾ ಕುಲಾಲ್, ಪ್ರಗತಿಪರ ಕರಷಿಕೆರ್ ಸುರೇಶ್ ಶೆಟ್ಟಿ ಕುರೆಲ್ಯ, ಬಳಂಜ ಗ್ರಾ.ಪಂ ಸದಸ್ಯೆರ್ ಬಾಲಕೃಷ್ಣ ಪೂಜಾರಿ ಯೈಕುರಿ, ಪ್ರಗತಿಪರ ಕೃಷಿಕೆರ್ ವಿಶ್ವನಾಥ ಹೊಳ್ಳ, ಗ್ರಾ.ಪಂ ಸದಸ್ಯೆರ್ ರವೀಂದ್ರ ಬಿ ಅಮೀನ್, ಕುಡ್ಲ ಶೀಮಾತ ಎಲೆಕ್ಟಿçಕಲ್ ದ ಪ್ರವೀಣ್ ಪೂಜಾರಿ, ಬಳಂಜ-ನಾಲ್ಕೂರು ಸಾರ್ವಜನಿಕ ಗಣೇಶೊತ್ಸವದ ಗುರ್ಕಾರೆರ್ ರಾಕೇಶ್ ಹೆಗ್ಡೆ ಬಳಂಜ, ಶ್ರೀ.ಗು.ನಾ.ಸ್ವಾ.ಸೇ.ಸಂಘದ ಮಾಜಿ ಗುರ್ಕಾರೆರ್ ಸುರೇಶ್ ಪೂಜಾರಿ ಜೈಮಾತ ನಾಲ್ಕೂರು, ಧಾರ್ಮಿಕ ಉಪನ್ಯಾಸನ್ ಪ್ರಗತಿಪರ ಕೃಷಿಕೆರ್ ಸಂತೋಷ್ ಕುಮಾರ್ ಮಲ್ಪೆರೆ ಉಲ್ಲೆರ್.

ಇಲ್ಲಲ್ ಕಾಕಜಿ ಬರೆದ್ ದೀದ್ ಕಲ್ಪಾರ್ಥಿ ನಾಪತ್ತೆ…!

ಬೋಲ್ತೆರ್: ಗುರುದೇವ ಕಾಲೇಜ್ ಕೈತಲ್ ದ ನಿವಾಸಿ ತೋಪೆ ಗೌಡ ಮೆರ್ ನ ಮಗೆ ಪುನೀತ್ ಎಸ್.ಟಿ(21ವ) ಮೆರ್ ಸೆ.4 ಸೋಮವಾದಾನಿ ನಾಪತ್ತೆ ಆತೆರ್. ಮೂಜನೇ ವರ್ಷದ ಬಿ.ಎಸ್.ಸಿ ಕಲ್ತೊಂದು ಇತ್ತೆರ್. ಮೆರ್ ನ ಮೆಗ್ದಿ ಕಾಲೇಜ್ ಗ್ ಪೋದ್ ಆಯಿಬೊಕ್ಕ ಒರಿಯೆ ಇಲ್ಲಲ್ ಇತ್ತೆರ್. ಅಪ್ಪೆ ಸಕಲೇಶ್ ಪುರರ್ದ್ ಬನ್ನಗ ಹಾಲ್ ದ ಬೆಡ್ ಡ್ ಕಾಕಜಿ ಬರೆದ್ ದೀದ್ ಪೊತೆರ್.

ಪುನೀತ್ ನ್ ಮಧ್ಯಾಹ್ನ ಕೈತಲ್ ಇಲ್ಲದ ಗಿರಿಜಾ ತೂದ್ ಇತ್ತೆರ್. ಮಾತಾ ಕಡೆ ನಾಡುಂಡಲ ತಿಕ್ಕಂದಿನ ಕಾರಣ ಅಪ್ಪೆ ಗೀತಾ ಬೋಲ್ತೆರ್ ಪೊಲೀಸ್ ಠಾಣೆಡ್ ದೂರು ಕೊರ್ತೆರ್. ನೆತ್ತ ಪ್ರಕಾರ ಪೊಲೀಸ್ ಠಾಣೆಡ್ ದೂರು ದಾಖಲಾತ್‌ಂಡ್.

ಬೋಲ್ತೆರ್:ತಾಲೂಕು ಮಟ್ಟದ ಕಲ್ಪಾದಿಲೆನ ದಿನಾಚರಣೆ

ಬೋಲ್ತೆರ್: ಶಿಕ್ಷಕರ ದಿನಾಚರಣೆ ಸಮಿತಿ ಬೋಲ್ತೆರ್ ಬೊಕ್ಕ ತಾಲೂಕು ಪಂಚಾಯತ್ ಬೋಲ್ತೆರ್, ಶಾಲಾ ಶಿಕ್ಷಣ ಬೊಕ್ಕ ಸಾಕ್ಷರತಾ ಇಲಾಖೆ ಬೊಕ್ಕ ಪಟ್ಟಣ ಪಂಚಾಯತ್ ಬೋಲ್ತೆರ್ ನೆತ್ತ ಒಟ್ಟು ಸೇರಿಗೆಡ್ ಬೋಲ್ತೆರ್ ತಾಲೂಕು ಮಟ್ಟದ ಡಾ. ಸರ್ವಪಲ್ಲಿ ರಾಧಾಕೃಷ್ಣನ್ ಮೆರ್ ನ ಪುಟ್ಟುದಿನ ದಿನ ಬೊಕ್ಕ ಕಲ್ಪಾದಿಲೆನ ದಿನಾಚರಣೆ ಸೆ.5 ಅಂಗಾರೆ ಬೋಲ್ತೆರ್ ಶ್ರೀ ಧರ್ಮಸ್ಥಳ ಮಂಜುನಾಥ ಸ್ವಾಮಿ ಕಲಾಭವನಡ್ ನಡತ್‌ಂಡ್.

ಲೇಸ್ ದ ಗುರ್ಕಾಮೆನ್ ಬೋಲ್ತೆರ್ ತಾಲೂಕುದ ಪಂಚಾಯತ್ ಕಾರ್ಯನಿರ್ವಾಹಣಾಧಿಕಾರಿ ಬಿ. ಕುಸುಮಾಧರ್ ವಹಿಸೊಂದು ಇತ್ತೆರ್. ಕ್ಷೇತ್ರ ಶಿಕ್ಷಣಾಧಿಕಾರಿ ಎಚ್.ಎಸ್ ವಿರೂಪಾಕ್ಷ ಪ್ರಸ್ತಾವಿಕವಾದ್ ಪಾತೆರ್ದ್ ಮಾತೆರೆನ ಎದ್ಕೊಂಡೆರ್.

ಪ್ರಧಾನ ಭಾಷಣಗಾರೆರಾದ್ ಉಜಿರೆ ಶ್ರೀ.ಧ.ಮಂ.ಕಾಲೇಜ್ ದ ನಿವೃತ್ತ ಪ್ರಾಂಶುಪಾಲೆರ್ ಡಾ.ಎ.ಜಯಕುಮಾರ್ ಶೆಟ್ಟಿ ಲೇಸ್ ದ ಉದಿಪನ ಮಲ್ತೆರ್. ಅಕ್ಷರ ದಾಸೋಹ ಇಲಾಖೆದ ಸಹಾಯಕ ನಿರ್ದೇಶಕಿ ತಾರಕೇಸರಿ, ಸಿಡಿಪಿಒ ಪ್ರಿಯಾ ಆಗ್ನೇಸ್, ರಾಜ್ಯ ಸರಕಾರಿ ನೌಕರರ ಸಂಘದ ತಾಲೂಕು ಗುರ್ಕಾರೆರ್ ಜಯರಾಜ್ ಜೈನ್, ಸಮನ್ವಯಾಧಿಕಾರಿ ಮೋಹನ್ ಕುಮಾರ್, ಕರ್ನಾಟಕ ಪ್ರಾಥಮಿಕ ಶಿಕ್ಷಕರ ಸಂಘದ ಗುರ್ಕಾರೆರ್ ಕಿಶೋರ್ ಕುಮಾರ್, ಪ್ರಾಥಮಿಕ ಮುಖ್ಯ ಶಿಕ್ಷಕರ ಸಂಘದ ಗುರ್ಕಾರೆರ್ ಎಡ್ವರ್ಡ್ ಡಿಸೋಜಾ, ಪ್ರೌಢಶಾಲಾ ಮುಖ್ಯ ಶಿಕ್ಷಕರ ಸಂಘದ ಗುರ್ಕಾರೆರ್ ವೆಂಕಟೇಶ್ ತುಳಪುಲೆ, ಉಪಾಧ್ಯಕ್ಷೆರ್ ಗೋಪಾಲಕೃಷ್ಣ ತುಳಪುಲೆ, ದೈಹಿಕ ಶಿಕ್ಷಣ ಶಿಕ್ಷಕರ ಸಂಘದ ಗುರ್ಕಾರೆ ಕೃಷ್ಣಾನಂದ ರಾವ್, ಪ್ರಾಥಮಿಕ ಶಿಕ್ಷಕರ ಪ್ರತಿನಿಧಿ ಶಿವಶಂಕರ, ಯೋಗಿಶ್ ಈ ಪೊರ್ತುಡು ಪಾಲ್ ಪಡೆದಿತ್ತೆರ್.

ಲಾಯಿಲ: ಅಷ್ಟೆಮಿದ ಲೆಕ್ಕಡ್ ಮೊಸರು ಕುಡಿಕೆ ಉಚ್ಚಯ

ಲಾಯಿಲ: ಶ್ರೀ ಕೃಷ್ಣ ಜನ್ಮಾಷ್ಟಮಿ ಸಮಿತಿದ ಮುತಾಲಿಕೆಡ್ 19ನೇ ವರ್ಷದ ಮೊಸರು ಕುಡಿಕೆ ಉಚ್ಚಯ ಸೆ.10 ಐತಾರದಾನಿ ಲಾಯಿಲ ಶ್ರೀ ವಿಘ್ನೇಶ್ವರ ಕಲಾಮಂದಿರಡ್ ನಡಪೆರೆ ಉಂಡು.

ಲೇಸ್ ದ ಉದಿಪನನ್ ಲಾಯಿಲ ಪಿಲಿಪಂಜರ ಸೇವಾ ಸಮಿತಿದ ಗುರ್ಕಾರೆರ್ ಸಂಜೀವ ಶೆಟ್ಟಿ ಕುಂಟಿನಿ ವಹಿಸೊನಿಯೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಮೂಲ್ಯರ ಯಾನೆ ಕುಂಬಾರರ ಸೇವಾ ಸಂಘದ ಗುರ್ಕಾರೆರ್ ಹರೀಶ್ ಕಾರಿಂಜ, ಬೋಲ್ತೆರ್ ಯುವ ಸಂಕೀರ್ಣದ ಗುರ್ಕಾರೆರ್ ಲಕ್ಷö್ಮಣ ಜಿ.ಎಸ್, ವಕೀಲೆರಾಯಿನ ಅನಿಲ್ ಯು, ಲಾಯಿಲ ಗ್ರಾ.ಪಂ ಗುರ್ಕಾರ್ದಿ ಜಯಂತಿ ಎಂ.ಕೆ, ಎಲ್.ಡಿ ಬ್ಯಾಂಕ್‌ದ ನಿವೃತ್ತ ವ್ಯವಸ್ಥಾಪಕೆರ್ ವೆಂಕಪಯ್ಯ, ಲಾಯಿಲ ಸಾರ್ವಜನಿಕ ಗಣೇಶೊತ್ಸವ ಸಮಿತಿದ ಗುರ್ಕಾರೆ ಅರವಿಂದ ಕುಮಾರ್ ಪಾಲ್ ಪಡೆಯೆರುಲ್ಲೆರ್.

ಮುಗಿತಲದ ಲೇಸ್ ದ ಗುರ್ಕಾಮೆನ್ ಶ್ರೀ.ಕೃ.ಜ.ಸಮಿತದ ಗುರ್ಕಾರೆ ಶಶಿಕುಮಾರ್ ಅಯೋಧ್ಯಾನಗರ ವಹಿಸೊನಿಯೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ವಿಧಾನ ಪರಿಷತ್ ಶಾಸಕೆರ್ ಪ್ರತಾಪಸಿಂಹ ನಾಯಕ್, ಸಹಾಯಕ ಕಾರ್ಯಪಾಲಕ ಇಂಜಿನಿಯರ್ ಪಂಚಾಯತ್ ರಾಜ್ ಉಪವಿಭಾಗದ ನಿತಿನ್ ಕುಮಾರ್, ಬೆನಕ ಹೆಲ್ತ್ ಸೆಂಟರ್ ದ ಎಂ.ಡಿ ಡಾ.ಗೋಪಾಲ ಕೃಷ್ಣ ಭಟ್, ಸೋಮಂತಡ್ಕ ಪಂಚಶ್ರೀ ಗ್ರೂಪ್ ದ ನಾರಾಯಣ ಗೌಡ, ಗುರುವಾಯನಕೆರೆ ಸಾಯಿರಾಂ ದ ಶಶಿರಾಜ್ ಶೆಟ್ಟಿ, ಉಜಿರೆ ಇಂಡಿಯನ್ ಅರ್ಥ್ ಮೂರ‍್ಸ್ ದ ಲಕ್ಷö್ಮಣ್ ಸಫಲ್ಯ, ಉಬಾರ್ ಹಿಂದೂ ಜಾಗರಣ ವೇದಿಕೆದ ಸಂಚಾಲಕೆರ್ ಸಂದೀಪ್ ಕುಪ್ಪೆಟ್ಟಿ ಈ ಲೇಸ್ ಡ್ ಪಾಲ್ ಪಡೆಯೆರುಲ್ಲೆರ್.

ರಾತ್ರೆ 8 ಗಂಟೆಗ್ ಲಯನ್ ಕಿಶೋರ್ ಡಿ ಶೆಟ್ರೆನ ನಿರ್ಮಾಣ, ನಿರ್ದೇಶನೊಡು ತುಳು ರಂಗಭೂಮಿಡ್ ಚರಿತ್ರೆ ನಿರ್ಮಾಣ ಮಲ್ತಿನ ಲೇಖಕೆ ನವೀನ್ ಶೆಟ್ಟಿ ಅಳಕೆ ರಚನೆ ಮಲ್ತಿನ “ಅವುದಾಲಾಪುಜಿ” ತುಳು ತೆಲಿಕೆದ ನಾಟಕ ನಡಪೆರುಂಡು.

ನಿಡ್ಲೆ: ಅಷ್ಟೆಮಿದ ಲೆಕ್ಕಡ್ ಮೊಸರು ಕುಡಿಕೆ ಉಚ್ಚಯ

ನಿಡ್ಲೆ: ಸಾರ್ವಜನಿಕ ಶ್ರೀ ಕೃಷ್ಣ ಜನ್ಮಾಷ್ಟಮಿ ಸಮಿತಿದ ಮುತಾಲಿಕೆಡ್ 17 ನೇ ವರ್ಷದ ಶ್ರೀ ಕೃಷ್ಣ ಜನ್ಮಾಷ್ಟಮಿದ ಲೆಕ್ಕಡ್ ಕೊಜಪುದ ಕರ ದರ್ಪುನ ಲೇಸ್ ಸೆ.10 ಐತಾರ ದಾನಿ ನಿಡ್ಲೆದ ಸರಕಾರಿ ಪ್ರೌಢಶಾಲೆಡ್ ನಡಪೆರುಂಡು.

ಲೇಸ್ ದ ಉದಿಪನನ್ ಪ್ರಗತಿಪರ ಕೃಷಿಕೆರ್ ದೇವಪ್ಪ ಗೌಡ ಕಲ್ಲಕೋಟೆ ಮಲ್ಪೆರೆ ಉಲ್ಲೆರ್. ಬಿನ್ನೆರಾದ್ ನಿಡ್ಲೆ ಗ್ರಾ.ಪಂ ದ ಸದಸ್ಯೆರ್ ಮೋಹನ ಪೂಜಾರಿ ಪಾಲ್ ಪಡೆಯೆರೆ ಉಲ್ಲೆರ್.

ಮುಗಿತಲದ ಲೇಸ್ ದ ಗುರ್ಕಾಮೆನ್ ನಿಡ್ಲೆ ಶ್ರೀ.ಕೃ.ಜ. ಸಮಿತಿದ ಗುರ್ಕಾರೆ ವಾಸುದೇವ ಗೌಡ ಪಿಲಿಕಜೆ ವಹಿಸಾಯೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ನಿಡ್ಲೆ ಗ್ರಾ.ಪಂ ದ ಗುರ್ಕಾರ್ದಿ ಶ್ಯಾಮಲ, ನ್ಯಾಶನಲ್ ಬಯೋಫ್ಯುಯಲ್ ಎನರ್ಜಿ ಸೌ.ಕೋ-ಆಪರೇಟಿವ್ ಸೊಸೈಟಿದ ಗುರ್ಕಾರೆರ್ ನಾಗೇಶ್ ಕುಮಾರ್ ಎಂ, ಗ್ರಾ.ಪಂ ಸದಸ್ಯೆರ್ ಹೇಮಾವತಿ ಅಲ್ತಿಮಾರು, ಜಗದೀಶ್ ಶೆಟ್ಟಿ, ಕಾಯರ್ತಡ್ಕ ಸ.ಪ್ರೌ.ಶಾಲೆದ ಅಧ್ಯಾಪಕಿ ವಿನಾಯಕ ಜೋಶಿ, ನಿಡ್ಲೆ ನಾಟಿ ವೈದ್ಯೆರ್ ಬಾಬು ನಲಿಕೆ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್.

ಕಬಡ್ಡಿ ಮ್ಯಾಚ್ ಡ್ ಮನ್‌ಶರ್ ಶಾಲೆದ ಜೋಕುಲು ತಾಲೂಕು ಮಟ್ಟಗ್ ಆಯ್ಕೆ

ಬೋಲ್ತೆರ್: ಕರ್ನಾಟಕ ಸರಕಾರ, ಶಾಲಾ ಶಿಕ್ಷಣ ಬೊಕ್ಕ ಸಾಕ್ಷರತಾ ಇಲಾಖೆ, ಶಿಕ್ಷಣಾಧಿಕಾರಿ ಕಚೇರಿ ಬೋಲ್ತೆರ್ ಬೊಕ್ಕ ಸ.ಉ.ಪ್ರಾ.ಶಾಲೆ ಮಾಲಾಡಿ ನೆತ್ತ ಒಟ್ಟು ಸೇರಿಗೆಡ್ ಗುರುವಾಯನಕೆರೆ ಬೊಕ್ಕ ಪುಂಜಾಲಕಟ್ಟೆ ವಲಯ ಮಟ್ಟದ ಪ್ರಾಥಮಿಕ ಶಾಲಾ ಆಂಜೊಕುಲ್ ಬೊಕ್ಕ ಪೊಂಜೊಕುಲ್ ನ ಕಬಡ್ಡಿ ಪಂದ್ಯಾಟ ಸೆ.4 ಸೋಮವಾರ ದಾನಿ ನಡತ್‌ಂಡ್.

ಈ ಗೊಬ್ಬುಡು ಮನ್ ಶರ್ ವಿದ್ಯಾಸಂಸ್ಥೆ ಗೇರುಕಟ್ಟೆದ ಪ್ರಾಥಮಿಕ ಆಂಗ್ಲ ಮಾಧ್ಯಮ ಶಾಲೆದ ಆಂಜೊಕುಲ್ ನ ತಂಡ ಸುರುತ ಇನಾಮು ಪಡೆತೆರ್. ಗೊಬ್ಬುಡು ನಿಹಾಲ್ ಬೆಸ್ಟ್ ಕ್ಯಾಚರ್ ಆದ್, ಶಾಹಿಲ್ ಬೆಸ್ಟ್ ಆಲ್ ರೌಂಡರ್ ಇನಾಮು ಗೆಂದಿಯೆರ್.

ಬೋಲ್ತೆರ್ ದ ಮೂಜಿ ಜನಕ್ ಜಿಲ್ಲಾ ಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿ

ಬೋಲ್ತೆರ್: 2023 ನೇ ಸಾಲ್ ದ ದ.ಕ ಜಿಲ್ಲಾ ಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿಗ್ ಬೋಲ್ತೆರ್ ದ ಮೂಜಿ ಜನ ಶಿಕ್ಷಕೆರ್ ಆಯ್ಕೆಯಾತೆರ್.

ಪ್ರೌಢಶಾಲಾ ವಿಭಾಗಡ್ ಬೆಳಾಲು ಶ್ರೀ ಧ.ಮ.ಪ್ರೌಢ ಶಾಲೆದ ಮುಖ್ಯ ಶಿಕ್ಷಕೆರ್, ಸಾಹಿತಿ ರಾಮಕೃಷ್ಣ ಭಟ್ ಹಿರಿಯ ಪ್ರಾಥಮಿಕ ಶಾಲಾ ವಿಭಾಗದ ಸರಕಾರಿ ಉನ್ನತೀಕರಿಸಿದ  ಹಿರಿಯ ಪ್ರಾಥಮಿಕ ಶಾಲೆ ಬಂದಾರ್ ದ ದೈಹಿಕ ಶಿಕ್ಷಣ ಶಿಕ್ಷಕ ಪ್ರಶಾಂತ್ ಸುವರ್ಣ, ಕಿರಿಯ ಪ್ರಾಥಮಿಕ ಶಾಲಾ ವಿಭಾಗಡ್ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ ಮುಂಡೂರುದ ಮುಖ್ಯ ಶಿಕ್ಷಕೆರ್ ಕಲ್ಲೇಶಪ್ಪ ಬಿ ಆಯ್ಕೆ ಆತೆರ್.