ಬೆದ್ರದ ಸುದ್ದಿ | Moodbidri News

ಇಂಡಿಯಾ ಬುಕ್ ಆಫ್ ರೆಕಾರ್ಡ್‌ಡ್ ದಾಖಲೆ ಮಲ್ತಿನ ಆರ್ಯಭಟ ಪ್ರಶಸ್ತಿ ವಿಜೇತ ವಿದ್ವಾನ್ ಮಂಜುನಾಥ್ ಪುತ್ತೂರು

ಮೇ 13: ಭರತನಾಟ್ಯದ ಕೆಲವು ಪರಿಕಲ್ಪನೆನ್ ದೀಯೊಂದು ರಡ್ಡ್ ಕೈಟ್ ವಿಭಿನ್ನ ತಾಳ ಪ್ರಯೋಗಗ್ ಆರ್ಯಭಟ ಪ್ರಶಸ್ತಿ ವಿಜೇತ ವಿದ್ವಾನ್ ಮಂಜುನಾಥ್ ಪುತ್ತೂರು ಮೆರ್ನ ಪುದರ್ ಪ್ರತಿಷ್ಠಿತ ಇಂಡಿಯಾ ಬುಕ್ ಆಫ್ ರೆಕಾರ್ಡ್‌ಡ್ ದಾಖಲೆಯಾತುಂಡು.

ದ.ಕ ಜಿಲ್ಲೆದ ಬಂಟ್ವಾಳ ತಾಲೂಕುದ ನೇರಳಕಟ್ಟೆ ನಿವಾಸಿಯಾದುಪ್ಪುನ ಮೆರ್ ಶಾಸ್ತ್ರೀಯ ಕಲಾಪ್ರಕಾರಡೇ ದ್ವಿತಾಳ ಪ್ರಯೋಗ ಮಲ್ದಿನ ಪ್ರಪ್ರಥಮ ದಾಖಲೆ ಉಂದು ಆತುಂಡು .

ಇಂಡಿಯಾ ಬುಕ್ ಆಫ್ ರೆಕಾರ್ಡ್‌ಡ್ ಒಂಜೇ ಸಲ ಒಂಜಿ ವ್ಯಕ್ತಿನ ರಡ್ಡ್ ಕೈಟ್ ಗರಿಷ್ಠ ತಾಳ ಪ್ರಾಯೋಗ ಪ್ರಸ್ತುತ ಮಲ್ದೆರ್ , 23 ನಿಮಿಷ, 52 ಸೆಕೆಂಡುಡು 20 ವಿಭಿನ್ನ ರೀತಿದ ದ್ವಿತಾಳ ಪ್ರಕ್ರಿಯೆ ಪೂರ್ಣ ಮಲ್ದೆರ್ .

ಅಂತರಾಷ್ಟ್ರೀಯ ಆರ್ಯಭಟ ಪ್ರಶಸ್ತಿ, ರಾಷ್ಟ್ರಮಟ್ಟದ ನಾಟ್ಯಮಯ್ಯೂರಿ ಪ್ರಶಸ್ತಿ ಸೇರಿನಂಚ ಅವ್ವೆತೋ ಮಾನದಿಗೆ ಪಡೆಯೊಂದಿನ ಮೆರ್ ಭರತನಾಟ್ಯ ವಿದ್ವತ್ ಪರೀಕ್ಷೆಡ್ ರಾಜ್ಯಗೆ 4ನೇ ರ‌್ಯಾಂಕ್ ಪಡೆತೆರ್ .

ಲೋಕದ ಕ್ಷೇಮ ಸಿದ್ಧಿಗಾದ್ ಒಡಿಪುದ ಕರಂಬಳ್ಳಿ ಶ್ರೀ ವೇಂಕಟರಮಣ ಸ್ವಾಮಿಗ್ ಮಲ್ಲಿಗೆ ಪೂತ್ತ ಅಲಂಕಾರ

ಒಡಿಪು, ಮೇ 12: ಓಡಿಪು ನಗರ ಬಿಜೆಪಿ ವತಿರ್ದ್ ಶಾಸಕ‌ ಕೆ ರಘುಪತಿ ಭಟ್ ಬೊಕ್ಕ ಮಹೇಶ್ ಠಾಕೂರ್ ಮುತಾಲಿಕೆಡ್ ಭಕ್ತೆರ್ನ ಸಕಾರಡ್ ಲೋಕಡ್ ಕೊರೊನಾ ವ್ಯಾಧಿದ ಸಂಕಟ ಹರಣವಾದ್ ಅತಿಶಯ ಶಾಂತಿ ಕ್ಷೇಮ ಸಿದ್ಧಿಗಾದ್ ಪ್ರಾರ್ಥನೆ ಮಲ್ತ್ ದ್ ಅಲಂಕಾರ ಪ್ರಿಯೆ ಆಯಿನ ಒಡಿಪುದ ಕರಂಬಳ್ಳಿ ಶ್ರೀ ವೇಂಕಟರಮಣ ಸ್ವಾಮಿಗ್ ಬುಧವಾರ ಮಲ್ಲಿಗೆ ಪೂತ ವಿಶೇಷ ಅಲಂಕಾರ ಮಲ್ತ್ ದ್ ಪೂಜೆ ಮಲ್ತೆರ್ . ಅರ್ಚಕ ನವೀನ್ ಐತಾಳ್ ಅಲಂಕಾರ ಮಲ್ತೆರ್ . ಈ ಮುಖೇನ ಸಂಕಷ್ಟಡ್ ಉಪ್ಪುನ ಶಂಕರಪುರ ಮಲ್ಲಿಗೆ ಬುಲೆಗಾರೆರೆಗ್ಲಾ ಒಂತೆ ಸಾಕಾರ ಕೊರಿಲಕ ಆಂಡ್ ಪಂದ್ ಸಂಯೋಜಕೆರ್ ತೆರಿಪಾಯೆರ್ .‌