ಬೆದ್ರದ ಸುದ್ದಿ | Moodbidri News

ಕೋವಿಡ್ ವಿಚಾರಡ್ ಅಗತ್ಯ ಮಂಜಾಗ್ರತಾ ಕ್ರಮಕ್ಲೆನ್ ದೆತೊನ್ಲೆ : ಕೋಟ ಶ್ರೀನಿವಾಸ ಪೂಜಾರಿ

ಕುಡ್ಲ, ಮೇ 12: ಜಿಲ್ಲೆದ ನಗರ ಪ್ರದೇಶಡ್ ಜಾಸ್ತಿ ಆವೊಂದು ಉಪ್ಪುನ ಕೋವಿಡ್-19 ಪ್ರಕರಣಲು ತೊಜಿದ್ ಬರೊಂದು ಉಂಡು ಉಂದೆನ್ ಪರಿಣಾಮಕಾರಿಯಾದ್ ಉಂತಾವುನ ನೆಲೆಟ್ಟ್ ಅಗತ್ಯ ಮಂಜಾಗ್ರತಾ ಕ್ರಮಕ್ಲೆನ್ ದೆತೊನೊಡು ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ಮುಲ್ಪದ ಮಹಾನಗರ ಪಾಲಿಕೆದ ಮಂಗಳ ಸಭಾಂಗಣಡ್ ಸೋಮವಾರ ಮಹಾನಗರ ಪಾಲಿಕೆದ ವ್ಯಾಪ್ತಿಡ್ ಕೋವಿಡ್ ಸೋಂಕು ಪರಡುನ ನಿಯಂತ್ರಣದ ಬಗ್ಗೆ ಮಹಾನಗರ ಪಾಲಿಕೆ ಸದಸ್ಯೆರ್ ನೊಟ್ಟಿಗೆ ನಡತಿನ ಸಭೆತ ಗುರ್ಕಾರ್ಮೆ ವಯಿಸೊಂದು ಆರ್ ಪಾತೆರಿಯೆರ್.

ಮಾನವೀಯತೆ ಮೆರೆಯಿನ ಪುತ್ತೂರ್ದ ಗ್ರಾಮಾಂತರ ಠಾಣೆದ ಸಿಬ್ಬಂದಿಲು

ಪುತ್ತೂರು, ಮೇ 12: ಲಾಕ್ ಡೌನ್ ಪೊರ್ತುಡು ಗಾಡಿ ಇಜ್ಜಂದೆ ಕುಡ್ಲರ್ದ್ ಮಡಿಕೇರಿಗ್ ನಡತೊಂದು ಪೋನಗ ನುಪ್ಪು ನೀರ್ ಇಜ್ಜಂದೆ ಬಡವು ಇತ್ತಿನ ವಕ್ತಿಗ್ ಆಹಾರ ಬೊಕ್ಕ ಗಾಡಿದ ವ್ಯವಸ್ಥೆ ಮಲ್ಪುನ ಮುಖೇನ ಪುತ್ತೂರು ಗ್ರಾಮಾಂತರ ಠಾಣೆದ ಸಿಬ್ಬಂದಿಲು ಮಾನವೀಯತೆ ಮೆರೆತೆರ್ .

ತಾರೀಖ್ 01-05-2021 ದಾನಿ ಮಡಿಕೇರಿದ ರಾಣಿಪೇಟೆ ನಿವಾಸಿಯೊರಿ ಕರಿನ 5 ದಿನತ ಪಿರವು ಬೇಲೆಗ್ ಪಂದ್ ಕುಡ್ಲಗ್ ಬತ್ತದ್ ಬೇಲೆ ಇಜ್ಜಂದೆ ಕುಡ ಊರುಗು ಪೋಯೆರೆ ಬಸ್ ಇಜ್ಜಂದಿನಿರ್ದಾವರ ಕುಡ್ಲರ್ದ್ ಮಡಿಕೇರಿಗ್ ನಡತೊಂದು ಪೋಯೆರೆ ನಿರ್ಧಾರ ಮಲ್ತಿತ್ತೆರ್.

ಸಂಕಷ್ಟಡ್ ಉಪ್ಪುನ ರಿಕ್ಷಾ ಡ್ರೈವರ್ ಕುಟುಂಬಗ್ ಸಾಕಾರ ಕೊರಿನ ಮಂಗಳಾ ಅಂಗಡಿ

ಬೆಳಗಾವಿ, ಮೇ 10: ಕೋವಿಡ್ 2ನೇ ಅಲೆ ತಡೆಗಟ್ಟರೆ ಸರ್ಕಾರ ಜನತಾ ಕಫ್ರ್ಯೂ ಪಾರ್ದಿನ ನೆಲೆಟ್ಟ್ ಸಂಕಷ್ಟಡ್ ಉಪ್ಪುನ ರಿಕ್ಷಾ ಡ್ರೈವರ್ ಕುಟುಂಬಲೆಗ್ ನೂತನ ಸಂಸದೆ ಮಂಗಳಾ ಅಂಗಡಿ ಸಾಕಾರ ಕೊರ್ತೆರ್.

ಬೆಳಗಾವಿದ ಎಪಿಎಂಸಿ ಬೊಕ್ಕ ಸದಾಶಿವನಗರದ ರೀಕ್ಷಾ ಸ್ಟಾಂಡ್‍ಡ್ ಐತಾರ ಸುಮಾರ್ 100 ರೀಕ್ಷಾ ಡ್ರೈವರ್ ನಕ್ಲೆಗ್ ಸಂಸದೆ ಮಂಗಳಾ ಅಂಗಡಿ ಮೇರ್ ಆಹಾರ ಸಾಮಗ್ರಿದ ಕಿಟ್ ಕೊರ್ಪಿನ ಮುಖೇನ ಧೈರ್ಯ ಕೊರಿಯೆರ್ .

ಐರ್ದ್ ಬೊಕ್ಕ ಬೆಳಗಾವಿಗ್ ಒಟ್ಟಿಗೆ ಪಾತೆರಿನ ಮಂಗಳಾ ಅಂಗಡಿ ಕೋವಿಡ್ ಮಹಾಮಾರಿ ಮಾತಾ ಕಡೆ ದಿನರ್ದ್ ದಿನ ಜಾಸ್ತಿ ಆವೊಂದು ಉಂಡು.ರೀಕ್ಷಾ ಡ್ರೈವರ್‍ನಕ್ಲೆಗ್ ಬಂಗ ಆವೊಂದು ಉಂಡು ಪಂದ್ ಪಂಡೆರ್.