ಕಾಸ್ರೋಡ್ ಸುದ್ದಿ | Kasargod News

ಕೊರೋನಾ ಸೋಂಕುಗು ರಾಜ್ಯದ 31 ಪತ್ರಕರ್ತೆರ್ ಬಲಿ:ಶಿವಾನಂದ ತಗಡೂರು

ಒಡಿಪು , ಜೂ.19: ರಾಜ್ಯಡ್ ಕೋವಿಡ್-19 ಸೋಂಕು ಬೈದಿನಿ ಪತ್ರಕರ್ತೆರ್ನೆಟ್ಟ್ ಒಟ್ಟು 31 ಪತ್ರಕರ್ತೆರ್ ತೀರ್ ಪೋತೆರ್ , ಮೆಕ್ಲೆಗ್ ಸರಕಾರರ್ದ್ ತಲಾ 5ಲಕ್ಷ ರೂ. ಪರಿಹಾರ ಬೊಕ್ಕ ರಡ್ಡ್ ಕುಟುಂಬಗ್ ಇಲ್ಲ್ ಕೊರ್ಪಿನಲ್ಪ ಕರ್ನಾಟಕ ರಾಜ್ಯ ಕಾರ್ಯನಿರತ ಪತ್ರಕರ್ತರ ಸಂಘ ಶ್ರಮ ಬೈದುಂಡು ಪಂದ್ ಸಂಘದ ರಾಜ್ಯಾಧ್ಯಕ್ಷ ಶಿವಾನಂದ ತಗಡೂರು ಪಂಡೆರ್ .

ಒಡಿಪು ಜಿಲ್ಲೆಗ್ ಅಧಿಕೃತವಾದ್ ಭೇಟಿ ಕೊರಿನ ನೆಲೆಟ್ಟ್ ಇನಿ ಒಡಿಪು ಪ್ರೆಸ್‌ಕ್ಲಬ್‌ಡ್ ಅಟ್ಟನೆ ಮಲ್ತಿನ ಲೇಸ್ ಡ್ ಆರ್ ಪತ್ರಕರ್ತೆರ್ನ ಪರವಾದ್ ಪಾತೆರಿಯೆರ್. ಸುಮಾರ್ 8000 ಜನ ಸಂಘದ ಸದಸ್ಯತ್ವ ಪಡೆತೆರ್ . ಕೋವಿಡ್-19 ಸಂದಿಗ್ನ ಸ್ಥಿತಿಟ್ ಲಾ ವೃತ್ತಿ ಬದ್ಧತೆರ್ದ್ ಕರ್ತವ್ಯ ಮಲ್ದಿನ ಪತ್ರಕರ್ತೆರ್ ಕೋವಿಡ್‌ಗ್ ಬಲಿಯಾತೆರ್ . ಮೃತ ಕುಟುಂಬಗ್ ಆಸರೆಯಾವೊಡು ಪನ್ಪಿ ನೆಲೆಟ್ಟ್ ಮುಖ್ಯಮಂತ್ರಿಯನ್ ಭೇಟಿ ಯಾದ್ 5 ಲಕ್ಷ ರೂ. ಪರಿಹಾರ ಕೊರೊಡು ಪಂದ್ ಮನವಿ ಮಲ್ತಿತ್ತೆರ್ . ನೆರ್ದ್ ಮೃತ ಒಟ್ಟು 31 ಪತ್ರಕರ್ತೆರ್ನ ಕುಟುಂಬಗ್ ಪರಿಹಾರ ತಿಕ್ಕ್ ದುಂಡು ಪಂಡೆರ್ .
ಕೋವಿಡ್-19 ಕಾರಣರ್ದ್ ಕರಿನ ಒಂಜರೆ ವರ್ಷರ್ದ್ ರಾಜ್ಯಮಟ್ಟದ ಪತ್ರಿಕೆ, ದೃಶ್ಯ ಮಾಧ್ಯಮ ಸೇರಿನಂಚ ಕೈತಲ್ ದ ಪತ್ರಿಕೆಗ್ ಬಾಕಿ ದೀತಿನ 56 ಕೋಟಿ ರೂ. ಸರಕಾರಿ ಜಾಹೀರಾತು ಬಿಲ್‌ನ್ ಒಂಜೇ ಕಂತ್ ಡ್ ಬುಡುಗಡೆ ಮಲ್ಪರೆ ಸಾಧ್ಯ ಆತುಂಡು ಪಂದ್ ಪಂಡೆರ್.

ಏಷ್ಯನ್ ಕಾರ್ಯನಿರತ ಪತ್ರಕರ್ತರ್ತೆರ್ನ ಸಂಘದ ಸಂಚಾಲಕ ಮಾದನ್ ಗೌಡ ಪಾತೆರ್ದ್ , ಬೆಂಗ್ಳೂರುದ ಮೈಸೂರು ಮಾರ್ಗಡ್ ರಾಜ್ಯ ಸರಕಾರ ಕೊರ್ತಿನ 2 ಕೋಟಿ ರೂ. ವೌಲ್ಯದ ನಿವೇಶನಡ್ ಸುಮಾರ್ 10 ಕೋಟಿ ರೂ. ವೆಚ್ಚಡ್ ಪತ್ರಕರ್ತೆರ್ನ ಭವನ ನಿರ್ಮಾಣ ಮಲ್ಪರೆ ತೀರ್ಮಾನ ಮಲ್ದೆರ್ , ನೆತ್ತ ಶಂಕು ಸ್ಥಾಪನೆ ಬೇಗಡೆ ನಡಪಾವ ಪಂದ್ ಪಂಡೆರ್ .

ಈ ಪೊರ್ತುಡು ಒಡಿಪು ಜಿಲ್ಲಾ ಸಂಘ ಬೊಕ್ಕ ಪ್ರತಕರ್ತೆರ್ನ ಬೇಡಿಕೆದ ಬಿನ್ನಾಪುನು ರಾಜ್ಯಾಧ್ಯಕ್ಶೆರೆಗ್ ಕೊರಿಯೆರ್ . ನಮ್ಮ ಕುಂದಾಪ್ರ ಕನ್ನಡ ಗಲ್ಫ್ ಕೂಟದ ವತಿರ್ದ್ ಕೊರಿನ ಫೇಸ್ ಶೀಲ್ಡ್‌ಲೆನ್ ಪತ್ರಕರ್ತೆರೆಗ್ ಕೊರಿಯೆರ್.
ಒಡಿಪು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ಅಲೆವೂರು ರಾಜೇಶ್ ಶೆಟ್ಟಿ ಪ್ರಾಸ್ತಾವಿಕವಾದ್ ಪಾತೆರಿಯೆರ್. ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಎದುಕೊಂಡೆರ್ . ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಸೊಲ್ಮೆ ಸಂದೈತ ಮಲ್ತೆರ್ . ಪತ್ರಕರ್ತೇರಾಯಿನ ರಾಕೇಶ್ ಕುಂಜೂರು ಬೊಕ್ಕ ದೀಪಕ್ ಜೈನ್ ಲೇಸ್ ನಡಪಾದ್ ಕೊರಿಯೆರ್.