ಪೆಜಮಾಡಿ ಗ್ರಾಮೀಣ ಕಾಂಗ್ರೆಸ್ ದ ಪೊಸ ಅಧ್ಯಕ್ಷೆರಾದ್ ಪ್ರಭೋದ್ ಚಂದ್ರ ಪೆಜಮಾಡಿ ಆಯ್ಕೆ ಆತೆರ್.
ಮಾಜಿ ಸಚಿವೆರ್ ಬೊಕ್ಕ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಪ್ರಚಾರ ಸಮಿತಿದ ಅಧ್ಯಕ್ಷೆರ್ ವಿನಯ್ ಕುಮಾರ್ ಸೊರಕೆ ಮೆರೆನ ಆದೇಶದ ಮಿತ್ತ್, ಕಾಪು ಬ್ಲಾಕ್ ಕಾಂಗ್ರೆಸ್ ಸಮಿತಿ (ದಕ್ಷಿಣ)ದ ಅಧ್ಯಕ್ಷೆರ್ ವೈ. ಸುಕುಮಾರ್ ಮೆರೆನ ಶಿಫಾರಸ್ ದಂಚೆನೆ, ಪೆಜಮಾಡಿ ಗ್ರಾಮೀಣ ಕಾಂಗ್ರೆಸ್ ಅಧ್ಯಕ್ಷೆರ್ ಪ್ರಭೋದ್ ಚಂದ್ರ ಮೆರೆನ್ ನೇಮಕ ಮಲ್ತೆರ್.
ಈ ಬಗೆಟ್ಟ್ ಇನಿ ಕಾಪು ರಾಜೀವ ಭವನಡ್ ವಿನಯ್ ಕುಮಾರ್ ಸೊರಕೆ ಮೇರ್ ಪ್ರಭೋದ್ ಚಂದ್ರ ಮೆರೆಗ್ ನೇಮಕಾತಿ ಪತ್ರನ್ ಕೊರ್ದು, ಎಡ್ಡೆಪ್ಪು ಬಯಕಿಯೆರ್.
ಈ ಪೊರ್ತುಡು ಕಾಂಗ್ರೆಸ್ ಪಕ್ಷದ ಹಿರಿಯ ಮುಖಂಡೆರ್, ಪೆಜಮಾಡಿ ಗ್ರಾಮೀಣ ಕಾಂಗ್ರೆಸ್ ದ ಸದಸ್ಯೆರ್ ಸುಧೀರ್ ಎಸ್ ಕರ್ಕೇರ, ಸುಭಾಶ್ ಸಾಲ್ಯಾನ್, ಶೇಖರ್, ಯೋಗೀಶ್ ಪೆಜಮಾಡಿ ಪಾಲ್ ಪಡೆದಿತ್ತೆರ್.
ಅಂಚೆನೆ ಪೊಸತಾದ್ ಆಯ್ಕೆ ಆಯಿನ ಪ್ರಭೋದ್ ಚಂದ್ರ ಮೇರ್ ಪಕ್ಷನ್ ಗ್ರಾಮೀಣ ಮಟ್ಟಡ್ ನನಾತ್ ಮಲ್ಲ ಮಲ್ಪುನ ದಿಟ್ಟಿಡ್ ಬೇಲೆ ಮಲ್ಪುನ ವಿಶ್ವಾಸನ್ ಕೊರಿಯೆರ್.
ಈ ನೇಮಕಾತಿದ ಮುಕೇನ ಪೆಜಮಾಡಿ ಗ್ರಾಮೀಣ ಪ್ರದೇಶಡ್ ಕಾಂಗ್ರೆಸ್ ಪಕ್ಷದ ಸಂಘಟನೆ ನನಾತ್ ಗಟ್ಟಿ ಆವೊಡು ಪಂದ್ ಪಂಡೆರ್.