ಒಡಿಪು: ಶಂಕರಪುರ ಶ್ರೀ ಮುಖ್ಯಪ್ರಾಣ ಕ್ಷೇತ್ರಡ್ 19 ಅಡಿ ಎತ್ತರದ ಶಿಲಾಮೂರ್ತಿಗ್ ಪ್ರತಿಷ್ಠೆ, ಬ್ರಹ್ಮಕಲಶ ಉಚ್ಚಯ ಮಾ.31ರ್ದ್ ಎ.3 ಮುಟ್ಟ ನಡಪರೆ ಉಂಡು.
ಈ ಲೇಸ್ ಸಾಯಿ ಈಶ್ವರ್ ಗುರೂಜಿಲೆನ ಮಾರ್ಗದರ್ಶನಡ್, ಶ್ರೀ ಕ್ಷೇತ್ರದ ತಂತ್ರಿಲಾಯಿನ ದೇವದಾಸ್ ತಂತ್ರಿ ಬೊಂಬೈ ಮೆರೆನ ಮುತಾಲಿಕೆಡ್ ನಡಪರೆ ಉಂಡು.
ಮಾ.31 ಅಂಗಾರೆ ಮಧ್ಯಾಹ್ನ ಅನ್ನಸಂತರ್ಪಣೆ, ಬಯ್ಯಗ್ ಪ್ರಾರ್ತನೆ, ಆಲಯ ಪರಿಗ್ರಹ, ಅಸ್ತ್ರ ಕಲಶ ನಡಪುಂಡು.
ಎ.1 ಬುದಾರ ಬೊಲ್ಪುಗು ಗಣಪತಿ ಹೋಮ, ನವಕಾಭಿಷೇಕ, ಮಧ್ಯಾಹ್ನ ಅನ್ನಸಂತರ್ಪಣೆ, ಸಂಗೀತ ಲೇಸ್ ಬಯ್ಯಗ್ ಬ್ರಹ್ಮಕಲಶ ಪೂಜೆ ನಡಪರೆ ಉಂಡು.
ಎ.2 ಗುರುವಾರ ಬೊಲ್ಪುಗು ಪ್ರತಿಷ್ಠೆ, ಬ್ರಹ್ಮಕಲಶಾಭಿಷೇಕ, ಮಹಾಪೂಜೆ, ಸ್ಯಾಕ್ಷೋಫೋನ್ ಸಾಂಸ್ಕೃತಿಕ ಲೇಸ್ ಮಧ್ಯಾಹ್ನ ಅನ್ನಸಂತರ್ಪಣೆ, ಸಂಗೀತ ಗಾನ ಸಂಭ್ರಮ, ಧರ್ಮಸಭೆ ಬಯ್ಯಗ್ ರಂಗಪೂಜೆ ನಡಪುಂಡು.
ಎ.3 ಸುಕ್ರಾರ ಬೊಲ್ಪುಗು ಹನುಮಯಾಗ, ಮಧ್ಯಾಹ್ನ ಅನ್ನಸಂತರ್ಪಣೆ ಬಯ್ಯಗ್ ಶ್ರೀ ಕಾಲಭೈರವ ಸ್ವಾಮಿ ಬಲಿ ನಡಪರೆ ಉಂಡು.
ಅಂಚೆನೆ ಮಾ.29 ಐತಾರ ಒಡಿಪು ಜೋಡುಕಟ್ಟೆರ್ದ್ ಪುದೆಕಾಣಿಕೆ ಮೆರವಣಿಗೆ ಬೊಕ್ಕ ಹನುಮ ಧ್ವಜ, ಹನುಮ ಜ್ಯೋತಿ ಬೊಕ್ಕ ನಿತ್ಯಾನಂದ ಸ್ವಾಮಿ ಮೂರ್ತಿನ ಮೆರವಣಿಗೆ ಶ್ರೀ ಕ್ಷೇತ್ರಗ್ ಬರಿಯೆರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಗಂಧ ಪ್ರಸಾದ ದೆತೊಂದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಮುಖ್ಯಪ್ರಾಣ ಶಿಲಾಮೂರ್ತಿ ಪ್ರತಿಷ್ಠಾಪನಾ ಸಮಿತಿ, ಶ್ರೀ ಕ್ಷೇತ್ರದ ಭಕ್ತೆರ್, ಶ್ರೀ ಸನಾತನ ಸೇವಾದಳ, ಆಡಳಿತ ಮಂಡಳಿ, ಶ್ರೀ ಕ್ಷೇತ್ರದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.