ಹಳೆಯಂಗಡಿ : ಸಸಿಹಿತ್ಲು ಶ್ರೀ ಭಗವತಿ ದೇವಸ್ಥಾನಡ್ ಮಾರ್ಚ್ 4-8 ಮುಟ್ಟ ಬ್ರಹ್ಮಕಲಶೋತ್ಸವ ನಡಪುನ ಹಿನ್ನೆಲೆಡ್ ಶ್ರೀ ಕ್ಷೇತ್ರಡ್ ಐತಾರ (ಫೆ.15) ಕಾಂಡೆರ್ದ್ ಬಯ್ಯ ಮುಟ್ಟ ಮಹಾ ಕರ ಸೇವೆ ನಡತ್ಂಡ್.
ಮಹಾ ಕರ ಸೇವೆಗ್ ಅಭಿವೃದ್ಧಿ ಸಮಿತಿದ ಅಧ್ಯಕ್ಷೆರ್ ಪ್ರಭಾಕರ ಪೂಜಾರಿ, ಕಿರಣ್ ಗುರಿಕಾರೆರ್, ಶ್ರೀ ಭಗವತೀ ಪಾತ್ರಿ ಗೋಪಾಲ ಆತಾರ್ ಮೊಕುಲು ಮಾತ ಚಾಲನೆ ಕೊರಿಯೆರ್.
ಅಂಗಣದ ಉಲಯಿದ ಪರತ್ತ್ ಪೊಯ್ಯೆ ದೆತ್ತ್ದ್ ಪೊಸತ್ತ್ ಪೊಯ್ಯೆ ಪಾಡುನ ಬೇಲೆ ಅಂಚೆನೆ ದೇವಸ್ಥಾನದ ಪಿರವು ಮೆಯಿತ್ತ ಒಡಿಲ್, ಮರತ್ತ ತುಂಡುಲೆನ್ ದೂರೊಡು ಜೋಡಿಸಾವುನ ಬೇಲೆ ನಡತ್ಂಡ್.
ಉಡುಪಿ ಜಿಲ್ಲೆದ ಬ್ರಹ್ಮಾವರರ್ದ್ ದ.ಕ. ಜಿಲ್ಲೆದ ತೊಕ್ಕೊಟ್ಟು ಮುಟ್ಟದ 10-20 ಸಂಘ ಸಂಸ್ಥೆದಕುಲು ಬೊಕ್ಕ ಊರುದ ಭಕ್ತೆರ್ ಸೇರ್ದ್ ಸುಮಾರ್ 500-600 ಜನ ಮಹಾ ಕರ ಸೇವೆಡ್ ಪಾಲ್ ಪಡೆಯೆರ್ ಪಂದ್ ಕಿರಣ್ ಗುರಿಕಾರೆರ್ ತೆರಿಪಾಯೆರ್.