ತೆಂಕುತಿಟ್ಟು ಯಕ್ಷಗಾನದ ಬಹುಮುಖ ಪ್ರತಿಭೆ, ಪುಗರ್ತೆದ ಯುವ ವೇಷಧಾರಿ, ಯಕ್ಷ ಗುರು, ಸಂಘಟಕೆ, ಪ್ರಯೋಗ ಶೀಲ ನಿರ್ದೇಶಕೆ ರಾಕೇಶ್ ರೈ ಅಡ್ಕ ಮೆರೆಗ್ ಕದ್ರಿ ಕಂಬಳ ಗುತ್ತು ಬಾಲಕೃಷ್ಣ ಶೆಟ್ಟಿ ಸ್ಮೃತಿ ಪ್ರಶಸ್ತಿ ಪ್ರದಾನ ಮಲ್ಪುನ ಲೇಸ್ ಜ.11 ಐತಾರ ಕದ್ರಿ ಕಂಬಳ ಗುತ್ತುಡು ಪಾವಂಜೆ ಮೇಳದ ಸೇವೆ ಆಟದ ರಂಗಸ್ಥಳೊಡು ನಡಪರೆ ಉಂಡು.
ರಾಕೇಶ್ ಮೇರ್ ಪ್ರಖರ ರಾಷ್ಟ್ರೀಯ ವಾದಿ ಸಂಘಟಕೆರ್, ಶಿಕ್ಷಕೆರ್ ದಿ. ಜಲoಧರ ರೈ ಮೆರೆನ ಶಿಷ್ಯೆರಾದ್ ಹವ್ಯಾಸಿ ವಲಯಡ್ ಸಿದ್ಧಿ ಪ್ರಸಿದ್ಧಿ ಪಡೆದ್ ಪುಂಡು ವೇಷ, ಸ್ತ್ರೀ, ರಾಜವೇಷ ನಿರ್ವಹಣೆಡ್ ಅನುಪಮ ಸಾಧನೆ ಮಲ್ತ್ದ್ ಕಟೀಲ್, ಬಪ್ಪನಾಡು ಮೇಳಡ್ ವೇಷ ಮಲ್ತ್ದ್, ಪಟ್ಲ ಭಾಗವತೆರ್ನ ಪಾವಂಜೆ ಮೇಳಡ್ ಕಲಾ ವ್ಯವಸಾಯ ಮಲ್ತೊಂದು ಬಪ್ಪನಾಡು ಮೇಳಡ್ ಅತಿಥಿ ಕಲಾವಿದೆರಾದ್ ಕಲಾ ಸೇವೆ ಮಲ್ತೊಂದುಲ್ಲೆರ್. ಅಂಚೆನೆ ಮೂರು ಜಿಲ್ಲೆಡ್ ೧೯ ಕೇಂದ್ರಡ್ ಯಕ್ಷ ಗುರು ಆದ್ ಸೇವೆ ಮಲ್ತೊಂದುಲ್ಲೆರ್.
ಕದ್ರಿ ಕಂಬಳಗುತ್ತುದ ಯಜಮಾನೆರಾದ್ ಹವ್ಯಾಸಿ ಯಕ್ಷಗಾನ ಅರ್ಥ ಧಾರಿ ಆದಿತ್ತಿನ ಕದ್ರಿ ಕಂಬಳ ಗುತ್ತು ಬಾಲಕೃಷ್ಣ ಶೆಟ್ಟಿ ಮೆರೆನ ನೆಂಪುದ ಒಟ್ಟುಗು ಪ್ರಶಸ್ತಿ ಪ್ರದಾನ ಆವರೆ ಉಂಡು. ಪುಗರ್ತೆದ ವೈದ್ಯೆರ್ ಡಾ. ಜಯಶಂಕರ ಮಾರ್ಲ ಪ್ರಶಸ್ತಿ ಪ್ರದಾನ ಮಲ್ಪರೆ ಉಲ್ಲೆರ್ ಪಂದ್ ಸೇವಾರ್ಥಿ ಉಷಾ ನವನೀತ ಶೆಟ್ಟಿ ತೆರಿಪಾದೆರ್. ಈ ಪೊರ್ತುಡು
ಕದ್ರಿ ಕಂಬುಲದ ಕಂಡೊಡು ಪಾವಂಜೆ ಮೇಳದ “ಶ್ರೀ ದೇವೀ ಮಹಾತ್ಮೆ ” ಯಕ್ಷಗಾನ ಸೇವೆ ಬಯಲಾಟ ನಡಪರೆ ಉಂಡು.