ಶಿಕ್ಷಣ–ಸಂಸ್ಕಾರರ್ದ್ ಸಮಾಜದ ಬದಲಾವಣೆ ಸಾಧ್ಯ – ಡಾ| ಹರಿಕೃಷ್ಣ ಪುನರೂರು

ಪುನರೂರು ಪ್ರತಿಷ್ಠಾನದ ಉಪಸಮಿತಿ ಜನ ವಿಕಾಸ ಸಮಿತಿ ಮುಲ್ಕಿದ ಪೊಸ ಪದುಕೆರೆನ ಪದಗ್ರಹಣ ಲೇಸ್ ಪುನರೂರು ಶ್ರೀ ವಿಶ್ವನಾಥ ದೇವಸ್ಥಾನದ ಸಭಾಂಗಣಡ್ ನಡತ್ಂಡ್.

ಈ ಲೇಸ್ ದ ಅಧ್ಯಕ್ಷತೆನ್ ಒಯಿಸೊನ್ನ ಪುನರೂರು ಪ್ರತಿಷ್ಠಾನದ ಗೌರವಾಧ್ಯಕ್ಷೆರ್ ಧರ್ಮದರ್ಶಿಲು ಡಾ| ಹರಿಕೃಷ್ಣ ಪುನರೂರು ಪಾತೆರ್ದ್, ಸಮಾಜಸೇವೆ ಪಂಡ ಕೇವಲ ಲೇಸ್ ಲೆಗ್ ಮಾತ್ರ ಅವಂದೆ, ಅಗತ್ಯ ಇಪ್ಪುನ ಪ್ರತಿಯೊರಿಯನಲ ಬದ್ ಕ್ ಗ್ ಸ್ಪಂದಿಸಾವುನ ಸೇವಾಭಾವನೆ ಅವೊಡು. ಶಿಕ್ಷಣ, ಆರೋಗ್ಯ, ಸಂಸ್ಕಾರ ಬೊಕ್ಕ ಮಾನವೀಯ ಮೌಲ್ಯಲೆನ್ ಬುಲೆಪಾವುನ ಕಾರ್ಯಲು ಸಮಾಜನ್ ಗಟ್ಟಿ ಮಲ್ಪುಂಡು. ಜವನೆರ್ ಸಂಘಟಿತೆರಾದ್ ನಿಸ್ವಾರ್ಥ ಸೇವೆನ್ ಮಲ್ತ್ಂಡ ಸಮಾಜದ ಅಭಿವೃದ್ಧಿ ಸಾಧ್ಯ ಪಂದ್ ತೆರಿಪಾಯೆರ್.

ಈ ಪೊರ್ತುಡು ಪೊಸ ಅಧ್ಯಕ್ಷೆರ್ ಸುರೇಶ್ ಪಿ. ಎಸ್., ಉಪಾಧ್ಯಕ್ಷೆರ್ ಗೀತಾ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಜೀವನ್ ಶೆಟ್ಟಿ ಅಂಗರಗುಡ್ಡೆ, ಕಾರ್ಯದರ್ಶಿ ಶೋಭಾ ರಾವ್ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಅಕ್ಷತಾ ಶೆಟ್ಟಿ, ಪ್ರಾಣೇಶ್ ಭಟ್ ದೇಂದಡ್ಕ, ಶಶಿಕರ ಕೆರೆಕಾಡು, ದಾಮೋದರ ಶೆಟ್ಟಿ ಕೊಡೆತ್ತೂರು ಬೊಕ್ಕ ಆನಂದ ಮೇಲಾಂಟ ಮೊಕುಲು ಪಾಲ್ ಪಡೆದಿತ್ತೆರ್.

ಪುನರೂರು ಪ್ರತಿಷ್ಠಾನದ ಅಧ್ಯಕ್ಷೆರ್ ದೇವಪ್ರಸಾದ್ ಪುನರೂರು ಅವರು ಪ್ರಾಸ್ತಾವಿಕವಾದ್ ಪಾತೆರ್ದ್, ಬತ್ತಿ ಬಿನ್ನೆರೆನ್ ಎದ್ಕೊನಿಯೆರ್. ಶಾರದಾ ಸೆಂಟ್ರಲ್ ಸ್ಕೂಲ್‌ದ ಪ್ರಾಂಶುಪಾಲೆರ್ ಜಿತೇಂದ್ರ ವಿ. ರಾವ್ ಪೆಜಮಾಡಿ ಲೇಸ್ ನ್ ಸುಧಾರಿಕೆ ಮಲ್ತೆರ್.