ಉಜಿರೆ: ನಾಡ್ದ ಪವಿತ್ರ ಕ್ಷೇತ್ರವಾಯಿನ ಶ್ರೀ ಕ್ಷೇತ್ರ ಧರ್ಮಸ್ಥಳಡ್ 2026 ನೇ ಏಪ್ರಿಲ್ 29 ಬುಧವಾರ ಬಯ್ಯಡ್ 6.40 ಗಂಟೆದ ಗೋಧೂಳಿ ಲಗ್ನ ಸುಮುಹೂರ್ತಡ್ 54ನೇ ವರ್ಷದ ಧರ್ಮಾರ್ಥ ಸಾಮೂಹಿಕ ಮದಿಮೆ ನಡಪರೆ ಉಂಡು.
ಮದಿಮಯಗ್ ಧೋತಿ, ಶಾಲ್ ಬೊಕ್ಕ ಮದಿಮಲೆಗ್ ಸೀರೆ, ರವಿಕೆ ಕಣ ಬೊಕ್ಕ ಮಂಗಳಸೂತ್ರ ಅಂಚೆನೆ ಪೂತ್ತ ಮಾಲೆ ಉಚಿತವಾದ್ ಕೊರೊಂದುಲ್ಲ. ಮದಿಮೆದ ಮಾತ ಕೆ್ಚಿನ್ ಧರ್ಮಾಧಿಕಾರಿ ಪೂಜ್ಯ ಶ್ರೀ ಡಿ. ವೀರೇಂದ್ರ ಹೆಗ್ಗಡೆರ್ ಅಧ್ಯಕ್ಷೆರಾದುಪ್ಪುನ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಧರ್ಮೋತ್ಥಾನ ಟ್ರಸ್ಟ್ ವತಿರ್ದ್ ಕೊರೊಂದುಲ್ಲ. ರಡ್ನೇ ಮದಿಮೆ ಆಪಿನಕ್ಲೆಗ್ ಅವಕಾಶ ಇಜ್ಜಿ. ಬದಿ
(ವರದಕ್ಷಿಣೆ) ಬೊಕ್ಕ ಮದಿಮೆದ ದುಂದುವೆಚ್ಚ ತಡೆಪಿನ ಉದ್ದೇಶಡ್ ಧರ್ಮಾಧಿಕಾರಿಲಾಯಿನ ಪೂಜ್ಯ ಶ್ರೀ ಡಿ. ವೀರೇಂದ್ರ ಹೆಗ್ಗಡೆರ್ 1972ಟ್ಟ್ ಸುರು ಮಲ್ದಿನ ಉಚಿತ ಸಾಮೂಹಿಕ ವಿವಾಹ ಲೇಸ್ನ್ ಪ್ರತಿ ವರ್ಷ ಮಲ್ತೊಂದು ಬರೊಂದುಲ್ಲ. ಇದಮುಟ್ಟ ಒಟ್ಟು 13 ಸಾರ ಜೋಡಿ ಸಾಮೂಹಿಕ ವಿವಾಹಡ್ ಮದಿಮೆ ಆದ್ ಸುಖ-ಶಾಂತಿ, ನೆಮ್ಮದಿದ ಜೀವನ ಮಲ್ತೊಂದುಲ್ಲೆರ್. ಮದಿಮೆ ಆವರೆ ಇಚ್ಚೆ ಇತ್ತಿನಕುಲು 2026ದ ಏಪ್ರಿಲ್ 25 ತ್ತ ಉಲಯಿ ಸವಿವರ ಮಾಹಿತಿ ಬೊಕ್ಕ ಸೂಕ್ತ ದಾಖಲೆ ಸಮೇತ ಅರ್ಜಿ ಪಾಡೊಲಿ.
ಹೆಚ್ಚದ ಮಾಹಿತಿಗಾದ್ ಸಂಪರ್ಕ ಮಲ್ಪುಲೆ: ದೂರವಾಣಿ 08256-266644,
ವಾಟ್ಸಪ್ ನಂ. 9663464648, 8147263422