ಕಿನ್ನಿಗೋಳಿ ಬಸ್ ಚಾಲಕೆರ್ ನಿರ್ವಾಹಕೆರ್ ಶ್ರಮಜೀವಿಲು, ಊರುದ ರಾಯಭಾರಿಲು- ಸಂತೋಷ್ ಕುಮಾರ್ ಹೆಗ್ಡೆ

ಮುಲ್ಕಿ: ಕಿನ್ನಿಗೋಳಿ ಬಸ್ ಚಾಲಕರ ನಿರ್ವಾಹಕರ ಸಂಘದ 13ನೇ ವರ್ಷೊದ ಉಚ್ವಯ ಬೊಕ್ಕ ಸಾಧಕೆರೆಗ್ ಮಾನಾದಿಗೆ ಮಲ್ಪುನ ಲೇಸ್ ಕಿನ್ನಿಗೋಳಿ ಬಸ್ ನಿಲ್ದಾಣದ ಕೈತಲ್ ನಡತ್ಂಡ್.

ಎಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಸಂತೋಷ್ ಕುಮಾರ್ ಹೆಗ್ಡೆ ಮೇರ್ ಬತ್ತಿ ಬಿನ್ನೆರೆನ್ ಎದ್ಕೊಂದು ಪಾತೆರ್ದ್, ಬಸ್ ಚಾಲಕ ನಿರ್ವಾಹಕೆರ್ ಸಾಮಾಜಿಕ ಲೇಸ್ ದೊಟ್ಟಿಗೆ ಶ್ರಮಜೀವಿಲಾತೆರ್. ಊರುದ ರಾಯಭಾರಿಲು, ಸಂಘದ ಸದಸ್ಯೆರ್ ಸಂಚಾರಡ್ ನಿಯಮನ್ ಪಾಲಿಸುನೆತ್ತೊಟ್ಟಿಗೆ ಪ್ರಯಾಣಿಕೆರೆನ ಸುರಕ್ಷತೆಗ್ ಎಚ್ಚ ಆದ್ಯತೆ ಕೊರೊಡು ಪಂದ್ ಪಂಡೆರ್.

ಲೇಸ್ ದ ಅಧ್ಯಕ್ಷತೆನ್ ಜಾಗತಿಕ ಬಂಟರ ಸಂಘಲೆನ ಒಕ್ಕೂಟ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಒಯಿಸೊಂದು ಪಾತೆರಿಯೆರ್.

ಮಲ್ಲ ಬಿನ್ನೆರಾದ್ ಕಿನ್ನಿಗೋಳಿ ಉದ್ಯಮಿ ದೀಪಕ್ ರೋಡ್ರಿಗಸ್, ಯುಗಪುರುಷ ಸಂಪಾದಕೆರ್ ಭುವನಾಭಿರಾಮ ಉಡುಪ , ಕಿನ್ನಿಗೋಳಿ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಅಧ್ಯಕ್ಷೆರ್ ಪುರುಷೋತ್ತಮ ಶೆಟ್ಟಿ, ವೇದವ್ಯಾಸ ಉಡುಪ, ಕೊಡೆತ್ತೂರು ದೇವಸ್ಯ ಮಠತ್ತ ಮಾಜಿ ತಾ ಪಂ. ಸದಸ್ಯೆರ್ ದಿವಾಕರ ಕರ್ಕೇರ, ಕಿನ್ನಿಗೋಳಿ ಬಸ್ ಚಾಲಕರ ಮಾಲಕರ ಅಧ್ಯಕ್ಷೆರ್ ದುರ್ಗಾಪ್ರಸಾದ್ ಹೆಗ್ಡೆ, ಎಪಿಎಂಸಿ ಮಾಜಿ ಸದಸ್ಯೆರ್ ಪ್ರಮೋದ್ ಕುಮಾರ್, ಮೆನ್ನಬೆಟ್ಟು ಗ್ರಾ ಪಂ ಮಾಜಿ ಸದಸ್ಯೆರ್ ಮಹಮದ್ ರಫೀಕ್, ಕಿನ್ನಿಗೋಳಿ ಜೆ.ಬಿ ಫ್ರೆಂಡ್ಸ್ ಅಧ್ಯಕ್ಷೆರ್ ಸಂತೋಷ್ ಶೆಟ್ಟಿ, ಪುನರೂರು, ಬಸ್ ಚಾಲಕರ ನಿರ್ವಾಹಕರ ಸಂಘದ ಅಧ್ಯಕ್ಷೆರ್ ಭಾಸ್ಕರ ಉಲ್ಲಂಜೆ ಚಾವಡಿಡ್ ಪಾಲ್ ಪಡೆದಿತ್ತೆರ್.

ಹರೀಶ್ ಎದ್ಕೊನಿಯೆರ್. ರಘುನಾಥ ಕಾಮತ್ ಲೇಸ್ ದ ಸುಧಾರಿಕೆ ಮಲ್ತೆರ್. ಶರತ್ ಶೆಟ್ಟಿ ಸೊಲ್ಮೆ ಸಂದಾಯೆರ್. ಸಾಧಕೆರೆನ ನಿಲೆಟ್ಟ್ ಪೌರಕಾರ್ಮಿಕೆರೆಗ್, ಆಶಾ ಕಾರ್ಯಕರ್ತೆರೆಗ್ ಬೊಕ್ಕ ಬಸ್ ಚಾಲಕೆರೆಗ್ ಮಾನಾದಿಗೆ ನಡತ್ಂಡ್. ಬೊಕ್ಕ ಸಾಂಸ್ಕೃತಿಕ ಲೇಸ್ ನಡತ್ಂಡ್.