ಕುಡ್ಲ : ಯಸ್ ಬಿ ಗ್ರೂಪ್ಸ್ ಅರ್ಪಣೆ ಮಲ್ಪುನ ಶಿಯಾನ ಪ್ರೊಡಕ್ಷನ್ ಹೌಸ್ ಬ್ಯಾನರ್ ಡ್ ತಯಾರಾಯಿನ ಪ್ರತೀಕ್ ಯು. ಪೂಜಾರಿ ಕಾವೂರು ನಿರ್ಮಾಣದ, ಭರತ್ ಶೆಟ್ಟಿ ಮೆರೆನ ಕಥೆ, ಪರಿಕಲ್ಪನೆ ನಿರ್ದೇಶನದ, ವಿಭಿನ್ನ ತಂತ್ರಜ್ಞಾನದ “ಪಿಲಿಪಂಜ” ತುಳು ಸಿನಿಮಾ ಡಿಸೆಂಬರ್ 12ಕ್ಕ್ ಬಿಡುಗಡೆ ಆವರೆ ಉಂಡು ಪಂದ್ ನಿರ್ದೇಶಕೆರ್ ಭರತ್ ಶೆಟ್ಟಿ ತೆರಿಪಾಯೆರ್.
ಕುಡ್ಲದ ಪತ್ರಿಕಾ ಭವನಡ್ ಅಂಗಾರೆ ನಡತಿನ ಸುದ್ದಿ ಕೂಟೊಡು ಪಾತೆರ್ನ ಆರ್,
ಪಿಲಿಪಂಜ ಸಿನಿಮಾ ಕುಡ್ಲದ ಪಿವಿಆರ್, ಸಿನಿಪೊಲಿಸ್, ಭಾರತ್ ಸಿನಿಮಾಸ್, ಸುರತ್ಕಲ್ ದ ಸಿನಿಗ್ಯಾಲಕ್ಸಿ, ಪಡ್ಡೆದ್ರದ ಭಾರತ್ ಸಿನಿಮಾಸ್, ಉಡುಪಿದ ಕಲ್ಪನಾ, ಭಾರತ್ ಸಿನಿಮಾಸ್, ಮಣಿಪಾಲದ ಭಾರತ್ ಸಿನಿಮಾಸ್, ಕಾರ್ಕಳದ ರಾಧಿಕಾ, ಬೆಳ್ತಂಗಡಿದ ಭಾರತ್ , ಪುತ್ತೂರುದ ಭಾರತ್ ಸಿನಿಮಾಸ್, ಮುಡಿಪುದ ಭಾರತ್ ಸಿನಿಮಾಸ್ಡ್ ಸಿನಿಮಾ ಪ್ರದರ್ಶನ ಆವರೆ ಉಂಡು ಪಂಡೆರ್.
ಪಿಲಿಪಂಜ ಚಿತ್ರದ ಶೂಟಿಂಗ್ 35 ದಿನ ನರಿಂಗಾನ, ವರ್ಕಾಡಿ, ಕೊಕ್ಕಡ, ಇರಾ ಇಂಚಿನ ಜಾಗೆಡ್ ನಡದ್ಂಡ್. ಎಚ್ಚಾದ್ ರಾತ್ರೆಡೇ ಶೂಟಿಂಗ್ ಇತ್ತಿನೆರ್ದಾವರ ಎಂಕ್ಲೆಗ್ ಉಂದು ಒಂಜಿ ಸವಾಲ್ ಆದಿತ್ತ್ದ್ ಪೊಸ ಥ್ರಿಲ್ ಕೊರ್ತುಂಡು. ವೀಕ್ಷಕೆರೆನ ಅನುಕೂಲೊಗಾದ್ ಸಿನಿಮಾದ ಪೊರ್ತುನು 2 ಗಂಟೆ 5 ನಿಮಿಷೊಗು ಸೆಟ್ ಮಲ್ತ್ದ ಪಂಡೆರ್.
ಯುವ
ನಿರ್ಮಾಪಕೆರ್ ಪ್ರತೀಕ್ ಯು ಪೂಜಾರಿ ಕಾವೂರು ಪಾತೆರ್ದ್, ಉಂದು ಎನ್ನ ಸುರುತ್ತ ಸಿನಿಮಾ. ರಡ್ಡ್ ವರ್ಷದ ನಿರಂತರ ಬೇಲೆ ಮಲ್ತ್ದ್ ಈ ಪಿಕ್ಚರ್ ಮಲ್ತ್ದ. ಗಟ್ಟಿ ಕಥೆ ಉಂಡು. ವಿಭಿನ್ನ ಗ್ರಾಫಿಕ್ ವರ್ಕ್ ಉಂಡು.ಉಂದೆಟ್ ದೈವದ ಸಾಂಪ್ರದಾಯಿಕ ಸ್ಪರ್ಶ ಉಂಡು. ಎಡ್ಡೆ ಕಾಮಿಡಿ ಉಂಡು. ಈ ಸಿನಿಮಾನ್ ಗೆಂದಾದ್ ಕೊರ್ಲೆ ಪಂದ್ ಬಿನ್ನಾಪು ಮಲ್ತೆರ್.
ಸಿನಿಮಾಡ್ ರಮೇಶ್ ರೈ ಕುಕ್ಕುವಳ್ಳಿ, ಭೋಜರಾಜ್ ವಾಮಂಜೂರು, ಸುಂದರ್ ರೈ ಮಂದಾರ, ಶಿವಪ್ರಕಾಶ್ ಪೂಂಜ, ರವಿ ರಾಮಕುಂಜ, ರೂಪಶ್ರೀ ವರ್ಕಾಡಿ, ರಂಜನ್ ಬೋಳೂರು, ರಾಜ್ ಪ್ರಕಾಶ್ ಶೆಟ್ಡಿ, ಪ್ರತೀಕ್ ಯು ಪೂಜಾರಿ, ಪ್ರವೀಣ್ ಕೊಡಕ್ಕಲ್, ಜಯಶೀಲ, ಭಾಸ್ಕರ್ ಮಣಿಪಾಲ ಮೊಕುಲು ಅಭಿನಯ ಮಲ್ದೆರ್.
ಪತ್ರಿಕಾಗೋಷ್ಠಿಡ್ ಎಕ್ಸಿಕ್ಯುಟಿವ್ ಪ್ರೊಡ್ಯೂಸರ್ ರಮೇಶ್ ರೈ ಕುಕ್ಕುವಳ್ಳಿ, ಹೀರೊಯಿನ್ ದಿಶಾ ರಾಣಿ,
ಛಾಯಾಗ್ರಾಹಕೆ ಉದಯ್ ಬಳ್ಳಾಲ್,ಸಂಗೀತ ನಿರ್ದೇಶಕೆರ್ ಎಲ್ ವಿ ಯಸ್ ಇತ್ತೆರ್.