ಮುಲ್ಕಿ: ಇತಿಹಾಸ ಪ್ರಸಿದ್ಧ ಮುಲ್ಕಿ ಸೀಮೆದ ಒರುಂಭ ಮಾಗಣೆದ ಒಳಲಂಕೆ ಶ್ರೀ ವೆಂಕಟರಮಣ ದೇವಸ್ಥಾನಡ್ ಮಾರ್ಗಶಿರ ಶುದ್ಧ ದ್ವಾದಶಿ ದಿನತಾನಿ ಮುಕ್ಕೋಟಿ ದ್ವಾದಶಿ ವಿಜೃಂಭಣೆಡ್ ನಡತ್ಂಡ್.
ಧಾರ್ಮಿಕ ಕಾರ್ಯಕ್ರಮದ ಅಂಗವಾದ್ ಕ್ಷೇತ್ರದ ಅರ್ಚಕೆರೆನ ನೇತೃತ್ವಡ್ ವಿಶೇಷ ಪ್ರಾರ್ಥನೆ ನಡತ್ ದ್, ಶ್ರೀ ದೇವೆರೆನ್ ಪಲ್ಲಂಕಿಡ್ ಕುಲ್ಲಾದ್ ಮೆರವಣಿಗೆಡ್ ಶಾಂಭವಿ ತುದೆಕ್ ಕನತ್ ದ್ , ಶ್ರೀ ದೇವೆರೆಗ್ ವಿಶೇಷ ಪೂಜೆ ಪ್ರಸಾದ ವಿತರಣೆ ನಡತ್ಂಡ್.
ಬೊಕ್ಕ ಪಲ್ಲಂಕಿ ಡ್ ಶ್ರೀದೇವೆರೆನ ಪೇಂಟೆ ಸವಾರಿ, ಬಿಂದು ಮಾದವ ದೇವೆರೆಗ್ ಅಭಿಷೇಕ, ಸಾನಿಧ್ಯ ಹವನ, ಮಹಾ ನೈವೇದ್ಯ ಮಂಗಳಾರತಿ ನಡತ್ಂಡ್. ಬಯ್ಯ ಭೂರಿ ಸಮಾರಾಧನೆ ರಾತ್ರೆ ದರ್ಶನ ಸೇವೆ, ದೀಪಾರಾಧನೆ, ಸಣ್ಣ ರಥೋತ್ಸವ ,ನಿತ್ಯೋತ್ಸವ, ಭಂಡಿ ಗರುಡೋತ್ಸವ, ವಸಂತ ಪೂಜೆ ನಡಪರೆ ಉಂಡು.
ಈ ಪೊರ್ತುಡು ಆಡಳಿತ ಮಂಡಳಿದ ಸದಸ್ಯೆರ್ ಭಕ್ತಾದಿಗಳು ಉಪಸ್ಥಿತರಿತ್ತೆರ್.
ಶ್ರೀ ದೇವಲ್ಯಡ್ ಡಿ4 ತಾನಿ ಮುಲ್ಕಿ ಪ್ರತಿಷ್ಠಾ ಪುಣ್ಣಮೆ” ಉತ್ಸವ ನಡಪರೆ ಉಂಡು