ಮುಲ್ಕಿ: ಹಳೆಯಂಗಡಿ ಕೈತಲ್ದ ಪಾವಂಜೆ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ದೇವಸ್ಥಾನ ನಾಗವೃಜ ಕ್ಷೇತ್ರಡ್ ಶ್ರೀ ದೇವೆರೆನ ಷಷ್ಠಿ ಮಹೋತ್ಸವ ನಡತ್ಂಡ್.
ಧಾರ್ಮಿಕ ಕಾರ್ಯಕ್ರಮದ ಅಂಗವಾದ್ ಬುದಾರ ಕ್ಷೇತ್ರದ ಅರ್ಚಕೆರೆನ ಮುತಾಲಿಕೆಡ್ ವಿಶೇಷ ಪ್ರಾರ್ಥನೆ, ಮಹಾಪೂಜೆ, ಶ್ರೀ ದೇವೆರೆನ ಉತ್ಸವ ಬಲಿ, ಪಲ್ಲಪೂಜೆ, ಮಹಾ ಅನ್ನಸಂತರ್ಪಣೆ ನಡತ್ಂಡ್.
ಬಯ್ಯ ರಂಗಪೂಜೆ, ಉತ್ಸವ ಬಲಿ, ಶ್ರೀ ಅಣ್ಣಪ್ಪ ಸ್ವಾಮಿನ ಭೇಟಿ, ಅವಭೃತೋತ್ಸವ ಕೊಡಿ ಜಾಯರೆ, ಸಂಪ್ರೋಕ್ಷಣೆ, ಮಂತ್ರಾಕ್ಷತೆ, ಅಣ್ಣಪ್ಪ ಸ್ವಾಮಿಗ್ ನೇಮ, ಭಂಡಾರನ್ ಮೂಲಸಾನ ಗ್ ಸೇರಾವುನಾ ಕಾರ್ಯಕ್ರಮ ನಡತ್ಂಡ್.
ಈ ಪೊರ್ತುಡು ದೇವಸ್ಥಾನದ ಆಡಳಿತ ಮಂಡಳಿ ಸದಸ್ಯೆರ್ ಭಕ್ತಾದಿಲು ಉಪಸ್ಥಿತರಿತ್ತೆರ್.