ಮುಲ್ಕಿ: ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವೆರೆನ ಷಷ್ಠಿ ಬೊಕ್ಕ ಜಾತ್ರಾ ಮಹೋತ್ಸವದ ಅಂಗವಾದ್ ಶ್ರೀ ದೇವೆರೆನ ತೇರ್ ಬುದಾರ ನಡತ್ಂಡ್.
ಧಾರ್ಮಿಕ ಕಾರ್ಯಕ್ರಮದ ಅಂಗವಾದ್ ಕ್ಷೇತ್ರದ ತಂತ್ರಿಲಾಯಿನ ತಿಬಾರ್ ಗೋಪಾಲಕೃಷ್ಣ ತಂತ್ರಿ ಬೊಕ್ಕ ಅರ್ಚಕ ಮಧುಸೂದನ ಆಚಾರ್ಯ ಮುತಾಲಿಕೆಡ್ ವಿಶೇಷ ಪ್ರಾರ್ಥನೆ , ಮಹಾಪೂಜೆ, ಪಲ್ಲಪೂಜೆ, ಪಗೆಲ್ ತೇರ್, ಪ್ರಸಾದ ವಿತರಣೆ ಮಹಾ ಅನ್ನಸಂತರ್ಪಣೆ ನಡತ್ಂಡ್.
ರಾತ್ರೆ ಶ್ರೀ ದೇವೆರೆನ ಉತ್ಸವ ಬಲಿ,
ಚಂದ್ರಮಂಡಲ ರಥೋತ್ಸವ, ಪಲ್ಲಕ್ಕಿ ಉತ್ಸವ, ಕವಾಟ ಬಂಧನ ನಡತ್ಂಡ್.
ಈ ಪೊರ್ತುಡು ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲು ಗುರುರಾಜ ಎಸ್ ಪೂಜಾರಿ ಬೊಕ್ಕ ಸಮಿತಿ ಸದಸ್ಯೆರ್, ಪದಾಧಿಕಾರಿಲು ಗ್ರಾಮಸ್ತೆರ್ ಉಪಸ್ಥಿತರಿತ್ತೆರ್.
ಗುರುವಾರ ಕ್ಷೇತ್ರಡ್ ರಾತ್ರೆ ತೇರ್ ,ನೇಮೋತ್ಸವ, ದೈವ ದೇವೆರೆನ ಭೇಟಿ, ಕೊಡಿ ಜಾಪುನ, ಸುಕ್ರಾರ ಮಧ್ಯಾಹ್ನ ಮಹಾ ಸಂಪ್ರೋಕ್ಷಣೆ, ಸನಿಯಾರ ಕಟೀಲ್ ಮೇಳದ ಆಟ ನಡಪರೆ ಉಂಡು.