November 20, 2025

ನಾರಾಯಣ ಗುರು- ಮಹಾತ್ಮಾ ಗಾಂಧಿ ಸಂವಾದ ಶತಮಾನೋತ್ಸವದ ಆಚರಣೆ

ಕುಡ್ಲ : ಬ್ರಹ್ಮಶ್ರೀ ನಾರಾಯಣ ಗುರು ಬೊಕ್ಕ ಮಹಾತ್ಮ ಗಾಂಧಿ ಸಂವಾದ ಶತಮಾನೋತ್ಸವದ ಆಚರಣೆದ ನಿಲೆಟ್ಟ್ ಪ್ರಯುಕ್ತ ದಕ್ಷಿಣ ಕನ್ನಡ ಜಿಲ್ಲಾ ತೀಯಾ ಪ್ರಮುಖೆರ್”‌ನ ಪೂರ್ವ ತಯಾರಿ ಸಭೆ ಕುದ್ರೋಳಿ ಶ್ರೀ ಭಗವತೀ ಕ್ಷೇತ್ರದ ಕೂಟುಕಲಾಡ್ ನ.18 ಅಂಗಾರೆ ಬಯ್ಯಡ್ ದ. ಕ ಜಿಲ್ಲೆದ ನಾಲ್ ತೀಯಾ ಭಗವತೀ ಕ್ಷೇತ್ರದ ಪ್ರಮುಖೆರ್ನ ಉಪಸ್ಥಿತಿಡ್ ನಡತ್ಂಡ್.

ಈ ಸಭೆಟ್ಟ್ 2025ರ ರಾಜ್ಯೋತ್ಸವ ಪ್ರಶಸ್ತಿ ಪಡೆಯಿನ ರೇಖಿ ಮಾಸ್ಟರ್, ಆಧ್ಯಾತ್ಮಿಕ ಜಗತ್ತ‌್‌ಡ್ ಎಡ್ಡೆ ಸಾಧನೆ ಮಲ್ತ್‌ದಿನ ಶ್ರೀ ಶ್ರೀ ವಿಜಯ ಸುವರ್ಣ ಗುರೂಜಿ ಮಾದುಕೋಡಿ ಅಂಚೆನೆ ದಕ ಜಿಲ್ಲಾ ರಾಜ್ಯೋತ್ಸವ ಪಡೆಯಿನ ತೀಯಾ ಪ್ರತಿಭೆ,ಉದಯವಾಣಿ ಛಾಯಾಗ್ರಾಹಕೆರ್ ಸತೀಶ್ ಇರಾ ಮೊಕ್ಲೆನ ಮಾನಾದಿಗೆ ನಡತ್ಂಡ್ . ಶ್ರೀ ಶ್ರೀ ಶ್ರೀ ಜ್ಯಾನತೀರ್ಥ ಸ್ವಾಮೀಜಿ ಶಿವಗಿರಿ ಆಶೀರ್ವಚನ ಮಲ್ತೆರ್.
ತೀಯಾ ಸೇವಾ ಸಹಕಾರ ಸಂಘ (ನಿ )ದ ಅಧ್ಯಕ್ಷೆರ್
ಎಂ ದಿನೇಶ್ ಕುಂಪಲ ಪ್ರಾಸ್ತವಿಕವಾದ್ ಪಾತೆರ್ದ್, ತೀಯಾ ಸಮಾಜಗ್ ಶ್ರೀ ನಾರಾಯಣ ಗುರು ಅಭಿವೃದ್ಧಿ ನಿಗಮರ್ದ್ ತಿಕ್ಕೊಡಾಯಿನ ಬೇಡಿಕೆಲೆನ್ ದುಂಬು ದೀದ್ ಸಂಬಂಧ ಪಟ್ಟಿನ ಅಧಿಕಾರಿಲೆಗ್ ಮನವಿ ಕೊರ್ರೆ ಉಂಡು ಪಂದ್ ಪಂಡೆರ್. ಭಗವತೀ ಅಮ್ಮನ ಸೇವೆ ಮಲ್ಪುನ ಆಚಾರಪಟ್ಟ್‌ದಿನಕ್ಲೆಗ್ ಮಸಾಶನ, ಇಲ್ಲ್‌ದ ವ್ಯವಸ್ಥೆ, ಸಮಾಜದ ವಿದ್ಯಾರ್ಥಿಲೆಗ್ ವಿದ್ಯಾರ್ಥಿವೇತನ , ನಿಗಮಲೆಡ್ ತೀಯಾ ಸಮಾಜಗ್ ಕೆಲವು ಸ್ಥಾನಮಾನ ಕೊರೊಡು ಪನ್ಪಿನ ಬಿನ್ನಯದ ಓಲೆನ್ ಸಂಬಂಧಪಟ್ಟಿನಕಲೆಗ್ ಹಸ್ತಾಂತರ ಮಲ್ತೆರ್.
ಉಂದೆಕ್ಕ್ ಸ್ಪಂದಿಸಾಯಿನ
ಪಿ. ವಿ ಮೋಹನ್ ತೀಯಾ ಸಮಾಜದ ಬೇಡಿಕೆ ಈಡೇರಿಸಾವರೆ ಪ್ರಯತ್ನ ಮಲ್ಪುವೆ ಪಂಡೆರ್.
ಮಿತ್ತರ್ಮೆಡ್ ಬಿನ್ನೆರಾದ್ ಭಾರತೀಯ ತೀಯಾ ಸಮಾಜದ ಕೇಂದ್ರ ಸಮಿತಿದ ಅಧ್ಯಕ್ಷೆರ್ ಸದಾಶಿವ ಉಳ್ಳಾಲ್, ಉಳ್ಳಾಲ ಚೀರುoಭ ಭಗವತೀ ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಸುರೇಶ್ ಭಟ್ನಗರ್, ಅಧ್ಯಕ್ಷೆರ್ ಚಿದಾನಂದ ಗುರಿಕಾರ ನಂದ್ಯಾ, ಶ್ರೀ ಭಗವತೀ ಬ್ಯಾಂಕ್ ಉಪಾಧ್ಯಕ್ಷೆರ್ ದೇವದಾಸ್ ಕೊಲ್ಯ, ವಾಮನ ಇಡ್ಯಾ, ಉಮೇಶ್ ಕುಮಾರ್ ಬಿಕರ್ನಕಟ್ಟೆ, ಆಶಾ ಚಂದ್ರ ಮೋಹನ್, ಮಾಧವಿ ಉಳ್ಳಾಲ್, ಸುರೇಖಾ ಚಂದ್ರಹಾಸ್, ವಿಶ್ವನಾಥ್ ಮಂಕಿಸ್ಟ್ಯಾಂಡ್, ಗಂಗಾಧರ್ ನೇಜಾರ್, ಬೋಲ್ನಾಡ್ ಶ್ರೀ ಭಗವತೀ ಕ್ಷೇತ್ರದ ಅಧ್ಯಕ್ಷೆರ್ ಶ್ರೀಧರ್ ಮಾಸ್ಟರ್, ಚಂದ್ರಹಾಸ್ ಕರ್ಕೇರ, ಅಣ್ಣಯ್ಯ ಪಾಲನ್, ಸಂತೋಷ್ ಮುರ, ಜಗದೀಶ್ ಕದ್ರಿ ಹಾಗೂ ಸತ್ಯಜಿತ್ ಸುರತ್ಕಲ್, ರಕ್ಷಿತ್ ಶಿವರಾಮ್ ಮೊಕುಲು ಮಾತ ಇತ್ತೆರ್ .
ಸಭೆತ್ತ ಅಧ್ಯಕ್ಷತೆನ್ ಗಣೇಶ್ ಕುಂಟಲ್ಪಾಡಿ ವಹಿಸ್‌ದಿತ್ತೆರ್. ಕುದ್ರೋಳಿ ಕ್ಷೇತ್ರದ ಪ್ರಧಾನ ಕಾರ್ಯದರ್ಶಿ ಸುಧೀರ್ ಬಿ. ಕಾರ್ಯಕ್ರಮ ನಿರ್ವಹಣೆ ಮಲ್ತೆರ್ ಸುಕೇಶ್ ಮಂಜನಾಡಿ ಸಹಕಾರ ಮಲ್ತೆರ್.