ಮುಲ್ಕಿ: ಇತಿಹಾಸ ಪ್ರಸಿದ್ಧ ಮುಲ್ಕಿ ಸೀಮೆದ ಒರುಂಭ ಮಾಗಣೆದ ಬೆಳ್ಳಾಯರು ಶ್ರೀ ಚಂದ್ರಮೌಳೀಶ್ವರ ದೇವಸ್ಥಾನಡ್ ದೀಪೋತ್ಸವ ವಿಜೃಂಭಣೆಡ್ ನಡತ್ಂಡ್.
ಧಾರ್ಮಿಕ ಕಾರ್ಯಕ್ರಮದ ಅಂಗವಾದ್ ಕ್ಷೇತ್ರದ ಅರ್ಚಕೆರ್ ಗುರುಮೂರ್ತಿ ಭಟ್ ಮುತಾಲಿಕೆಡ್ ವಿಶೇಷ ಪ್ರಾರ್ಥನೆ , ಶ್ರೀ ದೇವೆರೆಗ್ ರುದ್ರಾಭಿಷೇಕ, ರಾತ್ರೆ ಶ್ರೀರಂಗ ಪೂಜೆ , ಬೇತೆ ಬೇತೆ ಭಜನಾ ಮಂಡಳಿರ್ದ್ ಭಜನಾ ಕಾರ್ಯಕ್ರಮ,ಪ್ರಸಾದ ವಿತರಣೆ ಮಹಾ ಅನ್ನ ಸಂತರ್ಪಣೆ ನಡತ್ಂಡ್.
ಈ ಪೊರ್ತುಡು ದೇವಸ್ಥಾನದ ಆಡಳಿತ ಮೊಕ್ತೇಸರ ಪಾದೆಮನೆ ಜಯಂತ ರೈ ಬೊಕ್ಕ ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ಗ್ರಾಮಸ್ಥೆರ್ ಉಪಸ್ಥಿತರಿತ್ತೆರ್.