ಪಣಿಯೂರು: ನಾಂಜಾರು ಶ್ರೀ ಧರ್ಮ ಜಾರಂದಾಯ ದೇವಸ್ಥಾನಡ್ ವರ್ಷದ ಬಂಡಿ ನೇಮ ಬೊಕ್ಕ ಅನ್ನ ಪ್ರಸಾದ ಸೇವೆ ಎ.21 ಐತಾರ ನಡಪರೆ ಉಂಡು.
ಮಧ್ಯಾಹ್ನ ದೊಂಪ ಏರಿಯೆರೆ, ಬಯ್ಯಗ್ ಭಂಡಾರ ಜಪ್ಪೆರೆ, ಬೊಕ್ಕ ಬೊಳ್ಳಿದ ಅಣಿತ್ತ ಮೆರವಣಿಗೆ ರಾತ್ರೆ ಅನ್ನ ಪ್ರಸಾದ ಸೇವೆ, ಸಿರಿ-ಸಿಂಗಾರದ ನೇಮ, ಶ್ರೀ ಧರ್ಮ ಜಾರಂದಾಯನ ಬಂಡಿ ಸವಾರಿಡ್ ಎಲ್ಲೂರು ಉಳ್ಳಾಯನ ಭೇಟಿ, ಧರ್ಮ ಜಾರಂದಾಯ ಬೊಕ್ಕ ಪಣಿಯೂರು ಶ್ರೀ ಬಬ್ಬುಸ್ವಾಮಿ ದೈವದ ಭೇಟಿ ನಡಪರೆ ಉಂಡು
ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಪಾಲ್ ಪಡೆದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ನಾಂಜಾರ್ ಸಾನದಮನೆ ಕುಟುಂಬಸ್ಥೆರ್, ನಾಂಜಾರ್ ಶ್ರೀ ಧರ್ಮ ಜಾರಂದಾಯ ಸೇವಾ ಸಮಿತಿದ ಅಧ್ಯಕ್ಷೆರ್ ನಡಿಮನೆ ಸುಕುಮಾರ್ ಶೆಟ್ಟಿ, ಪದುಕೆರ್ ಬೊಕ್ಕ ಸರ್ವಸದಸ್ಯೆರ್, ಗುತ್ತಿನಾರ್ ಯೋಗೀಶ್ ಶೆಟ್ಟಿ ಪಣಿಯೂರು ಗುತ್ತು ಲೆಪ್ಪೋಲೆಡ್ ತೆರಿಪಾದೆರ್.
Editorial