ದಕ್ಷಿಣ ಕನ್ನಡ ಜಿಲ್ಲೆದ ಲೋಕಸಭೆ ಅಭ್ಯರ್ಥಿ ಪದ್ಮರಾಜ್ ಮೇರ್ ಮುಲ್ಕಿದ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಗ್ ಶುಕ್ರಾರ ಬೊಲ್ಪುಗು ಭೇಟಿ ಕೊರ್ದು ಅಪ್ಪೆನ ಅನುಗ್ರಹ ಪಡೆದ್ ಪ್ರಸಾದ ಸ್ವೀಕಾರ ಮಲ್ತೆರ್.
ಈ ಪೊರ್ತುಡು ಮಾಧ್ಯಮದೊಟ್ಟಿಗೆ ಪಾತೆರ್ನ ಪದ್ಮರಾಜ್, ಈ ಸರ್ತಿ ಕಾಂಗ್ರೆಸ್ ಪಕ್ಷನ್ ಅಧಿಕಾರಗ್ ಕನಯೆರೆ ದೈವ ದೇವೆರ್ನ ಅನುಗ್ರಹ ಅಂಚೆನೆ ಜನಕ್ಲೆನ ಆಶೀರ್ವಾದ ಖಂಡಿತಾ ಬೋಡು. ಜಿಲ್ಲೆದ ಅಭಿವೃದ್ಧಿಗಾದ್ ಎಂಕ್ ಬೆಂಬಲ ಕೊರ್ಲೆ ಪಂದ್ ಪಂಡೆರ್.
ಈ ಪೊರ್ತುಡು ಮಾಜಿ ಸಚಿವೆರ್ ಕೆ.ಅಭಯ ಚಂದ್ರ ಜೈನ್, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ, ಮುಲ್ಕಿ, ಬೆದ್ರ ವಿಧಾನಸಭಾ ಕ್ಷೇತ್ರದ ವೀಕ್ಷಕೆರ್ ವಸಂತ್ ಬರ್ನಾಡ್, ಬೆದ್ರ ಬ್ಲಾಕ್ ಕಾಂಗ್ರೆಸ್ ವ್ಯಾಪ್ತಿದ ವೀಕ್ಷಕೆರ್ ಗುರುರಾಜ್ ಎಸ್ ಪೂಜಾರಿ, ಮುಲ್ಕಿ ನಪಂ ಸದಸ್ಯೆರ್ ಪುತ್ತು ಭಾವ, ಯೋಗೀಶ್ ಕೋಟ್ಯಾನ್, ಮಂಜುನಾಥ ಕಂಬಾರ, ಕಾಂಗ್ರೆಸ್ ಪಕ್ಷದ ನಾಯಕೆರ್ ಪ್ರಕಾಶ್ ಕಿನ್ನಿಗೋಳಿ, ಶರತ್ ಕಾರ್ನಾಡ್, ಧರ್ಮಾನಂದ ಶೆಟ್ಟಿಗಾರ್, ರಕ್ಷಿತ್ ಕೊಳಚಿಕಂಬಳ, ಚಂದ್ರಶೇಖರ್ (ಕೆಂಚ) ಮೊಕುಲು ಮಾತ ಇತ್ತೆರ್.
pallavi shetty