ಕೊಳಚಿಕಂಬಳ ಶ್ರೀ ಜಾರಂದಾಯ ದೈವಸ್ಥಾನಡ್ ಗೌಜಿದ ನೇಮ

ಮುಲ್ಕಿ ಸೀಮೆದ ಪುಗರ್ತೆದ ಕೊಳಚಿಕಂಬಳ ಶ್ರೀ ಜಾರಂದಾಯ ದೈವಸ್ಥಾನಡ್ ಶ್ರೀ ಜಾರಂದಾಯ, ಶ್ರೀ ಧೂಮಾವತಿ ಬೊಕ್ಕ ಪರಿವಾರ ದೈವೊಲೆನ ನೇಮ ಗುರುವಾರ ಭಾರಿ ಗೌಜಿಡ್ ನಡತ್ಂಡ್.

ಎ.3 ಕ್ಕ್ ದೈವಸ್ಥಾನಡ್ ಭಂಡಾರ ಜತ್ತ್ ದ್ ಕೊಡಿ ಏರ್ಂಡ್.‌ ಎ.4 ಗುರುವಾರ ಬೊಲ್ಪುಗು ನಾಗಸನ್ನಿಧಿಡ್ ನಾಗತಂಬಿಲ, ದೈವಸ್ಥಾನಡ್ ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ, ರಾತ್ರೆ ಶ್ರೀ ಜಾರಂದಾಯ ಶ್ರೀ ಧೂಮಾವತಿ ಬೊಕ್ಕ ಪರಿವಾರ ದೈವೊಲೆನ ನೇಮ ಗೌಜಿರ್ದ್ ನಡತ್ಂಡ್.

ಈ ಪೊರ್ತುಡು ದೈವಸ್ಥಾನದ ಗುರಿಕಾರೆರ್, ಆಡಳಿತ ಸಮಿತಿದ ಅಧ್ಯಕ್ಷೆರ್, ಸದಸ್ಯೆರ್, ಪದುಕೆರ್ ಪಾಲ್ ಪಡೆದಿತ್ತೆರ್. ಎ.5 ಸುಕ್ರಾರ ಮಾಯಂದಾಲೆ ನೇಮ ನಡತ್ಂಡ್.