ಉಜಿರೆ: ಪಾಲಿಟೆಕ್ನಿಕ್ ಕಲ್ಪಾರ್ಥಿಲೆಗ್ ಒಡಿಪು ಬೊಕ್ಕ ದಕ್ಷಿಣ ಕನ್ನಡ ಮಟ್ಟದ ಪಾಲಿಟೆಕ್ನಿಕ್ ಆಂಜೊಕ್ಲೆಗ್ ವಾಲಿಬಾಲ್ ಬೊಕ್ಕ ಕಬಡ್ಡಿ ಪಂದ್ಯಾಟ ಆಯೋಜನೆ ಮಲ್ತ್ದ್ ಉಂದುವೆ ಅಕ್ಟೋಬರ್ 4 ಕ್ಕ್ ವಾಲಿಬಾಲ್ ಬೊಕ್ಕ 6 ಕ್ಕ್ ಕಬಡ್ಡಿ ಪಂದ್ಯಾಟ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಪಾಲಿಟೆಕ್ನಿಕ್ ಕ್ಯಾಂಪಸ್ಡ್ ನಡಪೆರೆ ಉಂಡು.
ವಾಲಿಬಾಲ್ ಪಂದ್ಯಾಟದ ಉದಿಪನನ್ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಬಂದಾರು ಶಾಲೆದ ವಾಲಿಬಾಲ್ ಕೋಚ್ ಪ್ರಶಾಂತ್ ಸುವರ್ಣ ಮಲ್ಪೆರೆ ಉಲ್ಲೆರ್. ಕಬಡ್ಡಿ ಪಂದ್ಯಾಟನ್ ರಾಷ್ಟ್ರ ಮಟ್ಟಡ್ ಕರ್ನಾಟಕ ತಂಡನ್ ಪ್ರತಿನಿಧಿಸಾಯಿನ ತ್ಯಾಗರಾಜ್ ಉದಿಪನ ಮಲ್ಪೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಶ್ರೀ ಧರ್ಮಸ್ಥಳ ಶಿಕ್ಷಣ ಸಂಸ್ಥೆದ ಕಾರ್ಯದರ್ಶಿ ಸತೀಶ್ಚಂದ್ರ, ಲಕ್ಷ್ಮಿ ಗ್ರೂಪ್ಸ್ ದ ಧಣಿ ಮೋಹನ್ ಕುಮಾರ್, ಅಮೃತ್ ಟೆಕ್ಸ್ಟ್ ಟೈಲ್ಸ್ ಧಣಿ ಪ್ರಶಾಂತ್, ಧರ್ಮಸ್ಥಳ ಶಿಕ್ಷಣ ಸಂಸ್ಥೆದ ವಿದ್ಯಾರ್ಥಿ ಕ್ಷೇಮ ಪಾಲನಾ ಅಧಿಕಾರಿಲಾಯಿನ ಸೋಮಶೇಖರ್ ಶೆಟ್ಟಿ, ಯುವರಾಜ್ ಜೈನ್, ಶ್ರೀ ಧರ್ಮಸ್ಥಳ ಶಿಕ್ಷಣ ಸಂಸ್ಥೆದ ಕಬಡ್ಡಿ ಕೋಚ್ ಕೃಷ್ಣಾನಂದ್ ರಾವ್, ವಾಲಿಬಾಲ್ ಕೋಚ್ ಸುದಿನ್ ಪಾಲ್ ಪಡೆಯೆರೆ ಉಲ್ಲೆರ್.
pallavi shetty