ಬೋಲ್ತೆರ್ ಗೃಹರಕ್ಷಕದಳ ಘಟಕಾಧಿಕಾರಿ ಜಯಾನಂದೆರೆಗ್ ಮುಖ್ಯಮಂತ್ರಿಲೆರ್ದ್ ಬಂಗಾರ್ದ ಪದಕ

ಬೋಲ್ತೆರ್: ಬೋಲ್ತೆರ್ ಗೃಹರಕ್ಷಕ ದಳತ ಘಟಕಾಧಿಕಾರಿ ಸೇವೆ ಸಲ್ಲಿಸಾದ್ ಅಂಚನೆ ಬೇತೆ ಬೇತೆ ಚಟುವಟಿಕೆಡ್ ಸಕ್ರೀಯವಾದ್ ಸಾಧನೆ ಮಲ್ತಿನ ಜಯನಂದ ಲಾಯಿಲ ಮೆರ್ 2021, 2022, 2023 ನೇ ಸಾಲ್ ದ ಮುಖ್ಯ ಮಂತ್ರಿ ಬಂಗಾರ್ದ ಪದಕಗ್ ಆಯ್ಕೆ ಆತೆರ್.

ಬೋಲ್ತೆರ್ ತಾಲೂಕುದ ಗೃಹ ರಕ್ಷಕ ದಳಟ್ ಘಟಕಾಧಿಕಾರಿಯಾದ್ ಕರಿನ 33 ವರ್ಷರ್ದ್ ಸೇವೆ ಮಲ್ತೊಂದು ಇಪ್ಪುನ ಮೆರೆನ್ ಪರಿಗಣಿಸಾದ್ ಮುಖ್ಯಮಂತ್ರಿ ಬಂಗಾರ್ದ ಪದಕ ಕೊರ್ದ್ ಗೌರವಿಸಾದೆರ್. ಸೆ.22 ದಾನಿ ಬೆಂಗ್ಲೂರುದ ಆರ್.ಎ ಮುಂಡ್ಕೂರು ಅಗ್ನಿಶಾಮಕ ಬೊಕ್ಕ ತುರ್ತು ಸೇವೆದ ತರಬೇತಿ ಅಕಾಡೆಮಿ ಬನ್ನೇರುಘಟ್ಟಡ್ ನಡತ್ತಿನ ಲೇಸ್ ಡ್ ಗೃಹ ಸಚಿವೆರಾಯಿನ ಡಾ. ಪರಮೇಶ್ವರ್ ಪ್ರಶಸ್ತಿ ಪ್ರಧಾನ ಮಲ್ತೆರ್.