ಬಾಹುಬಲಿ ಸ್ವಾಮಿ ಮಹಾ ಮಸ್ತಕಾಭಿಷೇಕ ಮಹೋತ್ಸವದ ಪೂರ್ವಭಾವಿ ಸಭೆತ ಮನವಿ ಪತ್ರ ಬುಡುಗಡೆ

ವೇಣೂರು: ದಿಗಂಬರ ಜೈನ ತೀರ್ಥಕ್ಷೇತ್ರ ಸಮಿತಿ ವೇಣೂರು ದ.ಕ ಬೊಕ್ಕ ವೇಣೂರು ಭಗವಾನ್ ಬಾಹುಬಲಿ ಸ್ವಾಮಿ ಮಹಾ ಮಸ್ತಕಾಭಿಷೇಕ ಮಹೋತ್ಸವ-2024 ನೆತ್ತ ಒಟ್ಟು ಸೇರಿಗೆಡ್ 2024 ಪೆ.22 ರ್ದ್ ಮಾರ್ಚ್ 1 ಮುಟ ವೇಣೂರು ಭಗವಾನ್ ಬಾಹುಬಲಿ ಸ್ವಾಮಿ ಮಹಾಮಸ್ತಕಾಭಿಷೇಕ ಮಹೋತ್ಸವದ ಪೂರ್ವಭಾವಿ ಸಭೆತ ಮನವಿ ಪತ್ರ ಬುಡುಗಡೆ ಸಮಾರಂಭ ಬೆದ್ರದ ಜೈನಮಠದ ಪರಮಪೂಜ್ಯ “ಭಾರತಭೂಷಣ ಡಾ| ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಪಂಡಿತಾಚಾರ್ಯವರ್ಯ ಮಹಾಸ್ವಾಮೀಜಿನ ಶುಭಾಶೀರ್ವಾದದ ಒಟ್ಟಿಗೆ ಸೆ.24 ಐತಾರ ಬಾಹುಬಲಿ ಸಭಾಭವನಡ್ ನಡಪೆರೆ ಉಂಡು.

ಕಾರ್ಲ ಶ್ರೀ ಜೈನಮಠ ದಾನಶಾಲಾ ಪರಮಪೂಜ್ಯ ಧ್ಯಾನಯೋಗಿ ರಾಜಗುರು ಸ್ವಸ್ತಿಶ್ರೀ ಲಲಿತಕೀರ್ತಿ ಭಟ್ಟಾರಕ ಪಟ್ಟಾಚಾರ್ಯವರ್ಯ ಮಹಾಸ್ವಾಮೀಜಿ ಪಾವನಸಾನಿಧ್ಯ ಬೊಕ್ಕ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಪದ್ಮವಿಭೂಷಣ ರಾಜರ್ಷಿ ಡಾ|ಡಿ. ವೀರೇಂದ್ರ ಹೆಗ್ಗಡೆ ಧರ್ಮಾಧಿಕಾರಿಲು, ಧರ್ಮಸ್ಥಳ ಮೇರ್ ಸಭಾಧ್ಯಕ್ಷತೆ ಬೊಕ್ಕ ಮನವಿ ಪತ್ರ ಬುಡುಗಡೆ ಮಲ್ಪೆರೆ ಉಲ್ಲೆರ್. ಅಂಚನೆ ಅರ್ವ ಅರಮನೆ, ಮಹಾಮಸ್ತಕಾಭಿಷೇಕ ಮಹೋತ್ಸವದ ಕಾರ್ಯಧ್ಯಕ್ಷೆರ್ ತಿಮ್ಮಣ್ಣರಸೆರಾಯಿನ ಡಾ. ಪದ್ಮಪ್ರಸಾದ್ ಅಜಿಲೆರ್ ಈ ಪೊರ್ತುಡು ಪಾಲ್ ಪಡೆಯೆರೆ ಉಲ್ಲೆರ್.