ಥಾಣೆ ನವೋದಯ ಶಿಬಿರದ ಜೋಕ್ಲೆನ ಸಾಂಸ್ಕೃತಿಕ ಪ್ರತಿಭಾ ಸ್ಪರ್ಧೆ

ಚಿಣ್ಣರ ಬಿಂಬ ಜೋಕ್ಲೆಗ್ ಕಲೆ, ಸಂಸ್ಕಾರದ ಮಹತ್ವನ್ ತೆರಿಪಾವುನ ಸಂಸ್ಥೆ : ಸುನಿಲ್ ಜೆ.ಶೆಟ್ಟಿ

ಬೊಂಬೈ : ಚಿಣ್ಣರ ಬಿಂಬದ ಜೋಕುಲ್ ನ ಲೇಸ್ ನ್ ಭಾರಿ ಅಚ್ಚುಕಟ್ಟಾದ್ ನಡಪಾದ್ ಕೊರ್ಪೆರ್. ಕನ್ನಡ ಡ್ ಸ್ಪಷ್ಟವಾದ್ ಭಾಷಣ ಮಲ್ಲುನ ತೂನಗ ಖುಷಿ ಆಪುಂಡು. ಕಲೆ ,ಪದ, ಕಲೆನ್ ಕಲ್ಪಾಪುನ ಒಟ್ಟಿಗೆ ಸಂಸ್ಕಾರನ್ ಕೂಡಾ ಕಲ್ಪಾದ್ ಎಡ್ದೆ ಪ್ರಜೆ ಆದ್ ಮಲ್ಪುನ ಕಾರ್ಯನ್ ಚಿಣ್ಣರಬಿಂಬ ಮಲ್ತೊಂದು ಉಂಡು. ಪ್ರಕಾಶ ಭಂಡಾರಿ ನೇತೃತ್ವಡ್ ಇರ್ವತೊಂಜಿ ವರ್ಷರ್ದ್ ಈ ಸಂಸ್ಥೆ ಮಸ್ತ್ ಶಿಬಿರನ್ ನಡಪಾವೊಂದು ಬೈದುಂಡು. ಪುಗರ್ತೆ ನ್ ಪಡೆಯೊಂದು ಜನಮಾನಸಡ್ ಅಚ್ಚರಿ ಆದ್ ಒರಿತ್ಂಡ್ ಪಂದ್ ಥಾಣೆ ಬಂಟ್ಸ್ ಅಸೋಸಿಯೇಷನ್ ದ ಗುರ್ಕಾರ್ಲು ಸುನಿಲ್ ಜೆ.ಶೆಟ್ಟಿ ಚಿಣ್ಣರ ಬಿಂಬದ ಕಾರ್ಯಕಲಾಪನ್ ಕಾರ್ಯಾಧ್ಯಕ್ಷತೆನ್ ಮೆಚ್ಚ್ ದ್ ಪ್ರಶಂಸೆದ ಪಾತೆರನ್ ಪಂಡೆರ್.

ಸೆ.10 ದಾನಿ ನವೋದಯ ಕನ್ನಡ ಸೇವಾ ಸಂಘದ ಸಂಚಾಲಕತ್ವಡ್ ನಡತ್ತಿನ ನವೋದಯ ಇಂಗ್ಲೀಷ್ ಹೈ ಸ್ಕೂಲ್ ಬೊಕ್ಕ ಜ್ಯೂನಿಯರ್ ಕಾಲೇಜ್ ದ ಚಾವಡಿಡ್ ಸಂಪನ್ನ ಆಯಿನ ಥಾಣೆ ನವೋದಯ ಶಿಬಿರದ ಜೋಕ್ಲೆನ ಸಾಂಸ್ಕೃತಿಕ ಪ್ರತಿಭಾ ಸ್ಪರ್ಧೆದ ಕಾರ್ಯಕ್ರಮದಡ್ ಮಲ್ಲ ಬಿನ್ನೆರಾದ್ ಪಾತೆರಿಯೆರ್.

ಲೇಸ್ ದ ಉದಿಪನ ಮಲ್ತ್ ಚಾಲನೆ ಕೊರ್ನ ನವೋದಯ ಕನ್ನಡ ಸೇವಾ ಸಂಘ (ರಿ) ನೆತ್ತ ಗುರ್ಕಾರ್ಲು ಎಳತ್ತೂರುಗುತ್ತು ದಯಾನಂದ ಎಸ್.ಶೆಟ್ಟಿ ಚಿಣ್ಣರ ಬಿಂಬ ಸುಮಾರ್ 20 ವರ್ಷರ್ದ್ ಜೋಕ್ಲೆಗ್ ಆಚಾರ ,ವಿಚಾರ ,ಸಂಸ್ಕೃತಿ,ಸಂಸ್ಕಾರ ಕಲ್ಪಾಪುನ ಒಟ್ಟಿಗೆ ಯೋಗ್ಯ ಮಾರ್ಗದರ್ಶನನ್ ಕೊರೊಂದುಂಡು.ರೂವಾರಿ ಆಯಿನ ಪ್ರಕಾಶ ಭಂಡಾರಿ , ಸುರೇಂದ್ರಕುಮಾರ್ ಹೆಗ್ಡೆ ಬೊಕ್ಕ ಅರೆನ ಕೇಂದ್ರ ಸಮಿತಿದ ತಂಡ ದಕ್ಲೆನ ಸಹಕಾರರ್ದ್ ಚಿಣ್ಣರಬಿಂಬ ಎಡ್ದೆ ರೀತಿಡ್ ಕಾರ್ಯ ಮಲ್ತೊಂದು ಉಂಡು. ನವೋದಯ ಜ್ಯೂನಿಯರ್ ಕಾಲೇಜ್ ಡ್ ನಡತೊಂದು ಇಪ್ಪುನ ನವೋದಯ ಥಾಣೆ ಶಿಬಿರದ ಕಾರ್ಯಕ್ರಮ, ತರಗತಿ ಕೂಡಾ ಎಡ್ದೆ ರೀತಿಡ್ ನಡಪುನ ಶ್ಲಾಘನೀಯ. ಪೊಸ ಜೋಕ್ಲೆನ ಸೇರ್ಪಡೆಗಾದ್ ನಮ್ಮ ಶಾಲೆದ ಶಿಕ್ಷಕರೆನ್ ಸಂಪರ್ಕ ಮಳ್ಪೋಲಿ ಪಂದ್ ಪಂಡೆರ್. ನಮ್ಮ ನವೋದಯ ಕನ್ನಡ ಸೇವಾ ಸಂಘದ ಸಹಕಾರ ಏಪಗ್ಲಾ ಚಿಣ್ಣರಬಿಂಬಗ್ ಉಂಡು ಪಂದ್ ಆಶ್ವಾಸನೆದ ಪಾತೆರ ಪಂಡೆರ್.

ಗೌರವಾನ್ವಿತ ಅತಿಥಿಯಾದ್ ಬತ್ತಿನ ತಾರಾಪ್ರಕಾಶ್ ಶೆಟ್ಟಿ ಪಾತೆರ್ದ್ ಚಿಣ್ಣರಬಿಂಬ ಆಂಗ್ಲ ಮಾಧ್ಯಮದ ಜೋಕ್ಲೆಗ್ ಕನ್ನಡ ಕಲ್ಪಾವುನ ಒಟ್ಟಿಗೆ ಧಾರ್ಮಿಕತೆಗ್ ಒತ್ತು ಕೊರ್ದು ಪೌರಾಣಿಕ ಕಥೆಕ್ಲೆನ್ ತೆರಿಪಾದ್ ಉತ್ತಮ ಜೀವನಗಾದ್ ಮೂಲ ಪಾಠನ್ ಪಂದ್ ಕೊರೊಂದುಂಡು. ಸಂಸ್ಕಾರ ,ಸಂಸ್ಕ್ರತಿ ಕಲ್ತ್ ದ್, ಜೋಕುಲ್ ಭಾರಿ ಆತ್ಮ ವಿಶ್ವಾಸರ್ದ್ ಭಜನೆ , ಭಾಷಣ ,ಭಾವಗೀತೆ, ಜಾನಪದ ಗೀತೆ, ಏಕಪಾತ್ರಾಭಿನಯ ಮಲ್ಪುನ ತೂದ್ ಎಂಕ್ ಎನ್ನ ಬಾಲ್ಯದ ನೆನಪಾಂಡ್. ಚಿಣ್ಣರಬಿಂಬನ್ ಸ್ಥಾಪಿಸಾದ್ ಇಂಚಿನ ಪುಣ್ಯಕೆಲಸನ್ ಮಲ್ತಿನ ಪ್ರಕಾಶ್ ಭಂಡಾರಿ ಬೊಕ್ಕ ನೆಟ್ಟ್ ಬೆನೊಂದು ಉಪ್ಪುನ ಮಾತೆರೆಗ್ ದೇವೆರ್ ಆಯುರಾರೋಗ್ಯ ಭಾಗ್ಯನ್ ಕೊರಡ್ ಪಂದ್ ಪಂಡೆರ್.

ವಿನಯ ಹರೀಶ್ ಶೆಟ್ಟಿ ಚಿಣ್ಣರ ಬಿಂಬಗ್ ನವೋದಯ ಕನ್ನಡ ಸೇವಾ ಸಂಘಗ್ ಒಂಜಿ ಅವಿನಾಭಾವ ಸಂಬಂಧ. ಚಿಣ್ಣರ ಬಿಂಬ ನವೋದಯಡ್ ಸುರುಕ್ಕೆ ನವೋದಯ ಕನ್ನಡ ಸೇವಾ ಸಂಘ ಮಾತಾ ರೀತಿದ ಸಹಕಾರನ್ ಕೊರೊಂದು ಬೈದುಂಡು ಉಂದೆನ್ ಎಂಕುಲ್ ಮದಪುಜ. ಚಿಣ್ಣರ ಬಿಂಬಗ್ ಬೆನೊಂದು ಇಪ್ಪುನ ಮಾತೆರೆಗ್ ಸೊಲ್ಮೆ ಸಂದಾವೆ ಪಂಡೆರ್.

ರವಿ ಹೆಗ್ಡೆ ಚಿಣ್ಣರ ಬಿಂಬದ ಕಾರ್ಯಕಲಾಪ ಬೊಕ್ಕ ಧ್ಯೇಯೋದ್ಧೇಶದ ಬಗ್ಗೆ ತೆರಿಪಾದ್ ಮಲ್ಪುನ ಕೆಲಸಡ್ ಸತತ ಪರಿಶ್ರಮ ಬೊಕ್ಕ ಶ್ರದ್ಧೆದ ಒಟ್ಟಿಗೆ ಅಪ್ಪ ಅಮ್ಮಗ್ ಬೊಕ್ಕ ಗುರು ಹಿರಿಯರೆಗ್ ಗೌರವನ್ ಕೊರೊಡ್ ಪಂದ್ ಪಂಡೆರ್. ಶಿಬಿರ ಮುಖ್ಯಸ್ಥೆ ಕುಶಲಾ ಮೋಹನ್ ಹೆಗ್ಡೆ ಅತಿಥಿ ಗಣ್ಯರೆನ್ ಬೊಕ್ಕ ಬತ್ತಿನ ಸಭಿಕೆರೆನ್ ಎದ್ಕೊಂದು, ಪ್ರಾದೇಶಿಕ ಮುಖ್ಯಸ್ಥೆ ಸ್ಮಿತಾ ವರ್ಕಾಡಿ ಪ್ರಾಸ್ತಾವಿಕ ಪಾತೆರನ್ ಪಾತೆರ್ಯೆರ್.ಚಿಣ್ಣರ ಭಜನೆರ್ದ್ ಕಾರ್ಯಕ್ರಮ ಸುರು ಆಂಡ್. ಸಭಾ ಕಾರ್ಯಕ್ರಮದ ಸುರುಕ್ ಪ್ರಾರ್ಥನೆದ ಮೂಲಕ ವಿಘ್ನ ವಿನಾಶಕನ್ ಗ್ರೀಷ್ಮ,ಸುಚಿತ್ ,ಮೈತ್ರಿಕಾ ಧೃತಿ ಬೊಕ್ಕ ಆರ್ಯನ್ ಸ್ತುತಿ ಮಲ್ತೆರ್. ಅತಿಥಿಲೆನ ಪರಿಚಯನ್ ಸುಚಿತ್ ,ದನ್ವಿತ್ ಧೃತಿ ಬೊಕ್ಕ ಕೃತಿಕಾ ಮಲ್ತೆರ್.

ಸಾಂಸ್ಕೃತಿಕ ಪ್ರತಿಭಾ ಸ್ಪರ್ಧೆದ ನಿರೂಪಣೆನ್ ಕವನ ಪೂಜಾರಿ ಬೊಕ್ಕ ಮೇಘ ಬಂಗೇರ ಮಲ್ತೆರ್. ಸಭಾ ಕಾರ್ಯಕ್ರಮನ್ ಸೃಷ್ಟಿ ಎಸ್.ಶೆಟ್ಟಿ ಬೊಕ್ಕ ದಕ್ಷ್ ಯು. ಶೆಟ್ಟಿ ಸುಧಾರಿಕೆ ಮಲ್ತೆರ್. ಶಿಕ್ಷಕಿ ಶೋಭಾ ಎಸ್ ಶೆಟ್ಟಿ ನೆಲ್ಲಿದಡಿಗುತ್ತು ಕಾರ್ಯಕ್ರಮನ್ ನಿರ್ವಹಣೆ ಮಲ್ತೆರ್.ಚಾವಡಿ ಡ್ ಬಿನ್ನೆರ್ ನ ಒಟ್ಟುಗೆ ಕೇಂದ್ರ ಸಮಿತಿಯ ಸದಸ್ಯರಾಯಿನ ವಿಜಯ್ ಕೋಟ್ಯಾನ್ ,ಅಶೋಕ್ ಶೆಟ್ಟಿ ಕಲ್ವಾ ,ರವಿ ಹೆಗ್ಡೆ , ಪ್ರಾದೇಶಿಕ ಮುಖ್ಯಸ್ಥೆ ಸ್ಮಿತಾ ವರ್ಕಾಡಿ , ಶಿಬಿರ ಮುಖ್ಯಸ್ಥೆ ಕುಶಲಾ ಹೆಗ್ಡೆ, ಸಾಂಸ್ಕೃತಿಕ ಮುಖ್ಯಸ್ಥೆ ಸುಕನ್ಯಾ ಪೂಜಾರಿ ಇತ್ತೆರ್.

ಜೋಕ್ಲೆನ ಈ ಪ್ರತಿಭಾ ಸ್ಪರ್ಧೆಗ್ ತೀರ್ಪುಗಾರರಾ‍ದ್ ಮಧು ವಸ್ತ್ರದ್ ಬೊಕ್ಕ ಸರೋಜಾ ಅಮಾತಿ ಬತ್ತ್ ಇತ್ತೆರ್.

ಮಧು ವಸ್ತ್ರದ್ ಮೆರ್ ಜೋಕುಲ್ ಎಡ್ದೆ ರೀತಿಡ್ ಸ್ಪರ್ಧೆ ಡ್ ಪಾಲ್ ಪಡೆದ್ ತನ್ನ ಪ್ರತಿಭೆಲೆನ್ ಅನಾವರಣ ಮಲ್ತೆರ್ ಪಂದ್ ಪಂಡೆರ್. ಜೋಕ್ಲೆನ ಒಟ್ಟಿಗೆ ಅಪ್ಪ ಅಮ್ಮ ಕೂಡ ಅಕ್ಲೆನ ಒಟ್ಟಿಗೆ ಸೇರೊಡ್ ಪಂದ್ ಪಂಡೆರ್. ನಾನೊರಿ ನಿರ್ಣಾಯಕೆರಾಯಿನ ಸರೋಜಾ ಅಮಾತಿ ಮೆರ್ ಸ್ಪರ್ಧೆಡ್ ಪಾಲ್ ಪಡೆನ ಮಾತಾ ಪುಟಾಣಿಲು ಮಾಸ್ತ್ ಪ್ರತಿಭಾವಂತೆರ್ . ಅತ್ಯುತ್ತಮವಾದ್ ಪಾಲ್ ಪಡೆದ್ ನಿರರ್ಗಳವಾದ್ ಕನ್ನಡಡ್ ಭಾಷಣ ,ಏಕಪಾತ್ರಾಭಿನಯ ಮಲ್ತ್ ನ ಅತ್ತಂದೆ ಸುಮಧುರವಾದ್ ಜಾನಪದ ಗೀತೆ ,ಭಾವಗೀತೆನ್ ಪಂತೆರ್. ಸಮಯದ ಇತಿಮಿತಿನ್ ತೆರಿದ್ ಸ್ಪರ್ಧೆ ಮಲ್ತ್ಂಡ ನನಲ ಎಡ್ದೆ ಪಂದ್ ಪ್ರೋತ್ಸಾಹ ಕೊರಿಯೆರ್.

ವಿವಿಧ ಸಂಘ ಸಂಸ್ಥೆರ್ದ್ ಬತ್ತಿನ ಬಿನ್ನೆರೆನ್ ಪುಷ್ಪ ಗುಚ್ಚ ಕೊರ್ದ್ ಗೌರವಿಸಾಯೆರ್. ಪುಷ್ಪ ದೇವಾಡಿಗ ನಿರ್ವಹನೆ ಮಲ್ತೆರ್. ಸುಪ್ರಿಯ ಹೆಗ್ಡೆ ಭಕ್ತಿಗೀತೆ ಪಂದ್ ಪ್ರೇಕ್ಷಕೆರೆನ್ ರಂಜಿಸಾಯೆರ್.ತೀರ್ಪುಗಾರರ ಪರಿಚಯನ್ ಕನ್ನಡ ಶಿಕ್ಷಕಿ ಶೋಭಾ ಎಸ್.ಶೆಟ್ಟಿ ಬೊಕ್ಕ ಜ್ಯೋತಿ ಎನ್ ಶೆಟ್ಟಿ ಮಲ್ತೆರ್. ಬಹುಮಾನ ವಿಜೇತೆರ್ನ ಪಟ್ಟಿನ್ ಭಜನಾ ಶಿಕ್ಷಕಿ ಶೋಭಾ ಜೆ. ಶೆಟ್ಟಿ ಓದಿಯೆರ್.

ದನ್ಯವಾದ ಸಮರ್ಪಣೆನ್ ಸುಕನ್ಯಾ ಪೂಜಾರಿ ಮಲ್ತೆರ್ .ಕಾರ್ಯಕ್ರಮದ ಯಶಸ್ಸಿಗ್ ಸುಗಂಧಿ ಹೆಗ್ಡೆ , ಶಾಂತಿ ಶೆಟ್ಟಿ , ಶೋಭಾ ಶೆಟ್ಟಿ ಜ್ಯೋತಿ ಶೆಟ್ಟಿ, ಶ್ರದ್ಧಾ ಶೆಟ್ಟಿ, ಸ್ಮಿತಾ ವರ್ಕಾಡಿ ,ಕುಶಲಾ ಹೆಗ್ಡೆ, ಸುಕನ್ಯಾ ಪೂಜಾರಿ, ಚೇತನಾ ಶೆಟ್ಟಿ ,ಪ್ರತಿಮಾ ಪೂಜಾರಿ ,ಪುಷ್ಪ ದೇವಾಡಿಗ , ಹೇಮಲತಾ ಬಂಗೇರ, ಸ್ನೇಹ ಬೊಬಟೆ, ಭಾರತಿ , ಪ್ರತಿಭಾ ಶೆಟ್ಟಿ, ಶ್ವೇತಾ ಶೆಟ್ಟಿ ,ಸುಜಾತ ಕೋಟ್ಯಾನ್, ಶೋಭಾ ಎಸ್ .ಶೆಟ್ಟಿ ನೆಲ್ಲಿದಡಿಗುತ್ತು ಬೊಕ್ಕ ಪಾಲಕೆರ್ ಸಹಕಾರ ಕೊರಿಯೆರ್.

ಗೆಂದಿನಕ್ಲೆನ ಪಟ್ಟಿ :-
ಜ್ಯೂನಿಯರ್ ವಿಭಾಗ:

ಛದ್ಮವೇಷ
ಸುರುತ ಇನಾಮು:- ಆದ್ಯಾ ಆರ್ ಶೆಟ್ಟಿ
ರೆಡ್ಡನೆ ಇನಾಮು :- ಸುಚಿತ್ ಶೆಟ್ಟಿ
ಮೂಜನೆ ಇನಾಮು:- ನಿವಾನ್ ಬಂಗೇರ

ಜಾನಪದ ಗೀತೆ :-
ಸುರುತ ಇನಾಮು:- ಸುಚಿತ್ ಶೆಟ್ಟಿ
ರಡ್ಡನೆ ಇನಾಮು:- ಆದ್ಯಾ ಆರ್.ಶೆಟ್ಟಿ
ಮೂಜನೆ ಇನಾಮು :-ಅಮಯ್ ದೇವಾಡಿಗ

ಭಾಷಣ :-
ಸುರುತ ಇನಾಮು :- ಸುಚಿತ್ ಶೆಟ್ಟಿ
ರಡ್ಡನೆ ಇನಾಮು :- ಸಾನ್ವಿ ಹೆಗ್ಡೆ
ಮೂಜನೆ ಇನಾಮು:- ಆತ್ಮಿಕಾ ಶೆಟ್ಟಿ

ಸೀನಿಯರ್ ವಿಭಾಗದ ಸ್ಪರ್ಧೆ:-
ಭಾವ ಗೀತೆ :-
ಸುರುತ ಇನಾಮು :- ಧೃತಿ ಮಲ್ಲಿ
ರಡ್ಡನೆ ಇನಾಮು :-ರಿತೇಶ್ ಶೆಟ್ಟಿ
ಮೂಜನೆ ಇನಾಮು :- ಆರ್ಯನ್ ದೇವಾಡಿಗ

ಚರ್ಚಾ ಸ್ಪರ್ಧೆ :-
ಸುರುತ ಇನಾಮು :- ದ್ರವ್ಯ ಶೆಟ್ಟಿ
ರಡ್ಡನೆ ಇನಾಮು :- ಸೃಷ್ಟಿ ಶೆಟ್ಟಿ
ಮೂಜನೆ ಇನಾಮು :- ಗ್ರೀಷ್ಮ ಶೆಟ್ಟಿ

ಏಕಪಾತ್ರಾಭಿನಯ:-
ಸುರುತ ಇನಾಮು:- ಸೃಷ್ಟಿ ಶೆಟ್ಟಿ
ರಡ್ಡನೆ ಇನಾಮು :- ಕೃತಿಕಾ ಪೂಜಾರಿ
ಮೂಜನೆ ಇನಾಮು:- ದ್ರವ್ಯ ಶೆಟ್ಟಿ

ಪಾಲಕರ ಸ್ಪರ್ಧೆ:-

ದೇಶಭಕ್ತಿ ಗೀತೆ :-
ಸುರುತ ಇನಾಮು :- ಪುಷ್ಪ ದೇವಾಡಿಗ
ರಡ್ಡನೆ ಇನಾಮು :- ಸುಕನ್ಯಾ ಪೂಜಾರಿ
ಮೂಜನೆ ಇನಾಮು :- ಮಮತಾ ಶೆಟ್ಟಿ

ವರದಿ: ಯೋಗೀಶ್ ಪುತ್ರನ್ ಬೊಂಬೈ