ಸೆ.19: ರೆಂಜಾಳ ಜಿ.ಪಂ.ಹಿ.ಪ್ರಾ ಶಾಲೆದ ಕಲಾ ಮಂದಿರಡ್ ಚೌತಿ

ಕಾರ್ಲ: ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಮುತಾಲಿಕೆಡ್ 15ನೇ ವರ್ಷೊದ ಚೌತಿ ಸೆ.19 ಅಂಗಾರೆ ರೆಂಜಾಳ ಜಿ.ಪಂ.ಹಿ.ಪ್ರಾ ಶಾಲೆದ ಕಲಾ ಮಂದಿರಡ್ ನಡಪರೆ ಉಂಡು.

ಬೊಲ್ಪುಗು ಪ್ರಾರ್ತನೆ, ಗಣಪತಿ ಪ್ರತಿಷ್ಠೆ, ಗಣಹೋಮ, ಮಹಾಪೂಜೆ ಬೊಕ್ಕ ಸಾರ್ವಜನಿಕೆರೆಗ್ ಕೊಜಪುದ ಕರ ದರ್ಪುನ ಪಂತೊ, ವಾಲಿಬಾಲ್, ಕ್ರಿಕೆಟ್ ಪಂತೊ, ಪೊಂಜೋವ್ ನಕ್ಲೆಗ್ ಸಂಗೀತ ಕುರ್ಚಿ ನಡಪರೆ ಉಂಡು. ಮಧ್ಯಾಹ್ನ ನುಪ್ಪುಪ್ರಸಾದ ಸೇವೆ ಆದ್ ಭಜನೆ ಕಾರ್ಯಕ್ರಮ ನಡಪರೆ ಉಂಡು. ಬಯ್ಯಗ್ ರಂಗಪೂಜೆ, ಮಹಾಪೂಜೆ ಆದ್ ಗಣಪತಿನ್ ಮೆರವಣಿಗೆಡ್ ಕೊನೊದು ಜಲಸ್ತಂಭನ ಮಲ್ಪರೆ ಉಂಡು.

ಈ ಲೇಸ್ ಡ್ ಸಾರ್ವಜನಿಕೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್ ಗಣಪತಿ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ರೆಂಜಾಳ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಗುರ್ಕಾರೆ ರಮೇಶ್ ಶೆಟ್ಟಿ, ಮಾನಾದಿಗೆದ ಗುರ್ಕಾರೆ ಬಿ.ಮಹಾವೀರ ಹೆಗ್ಡೆ ಬ್ರಾಣಬೆಟ್ಟು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.