ರಾಯಚೂರು: ಅಮ್ಮೆನೇ ತನ್ನ ಬಾಲೆನ್ ಕೆರ್ನ ಘಟನೆ ರಾಯಚೂರು ಜಿಲ್ಲೆದ ಲಿಂಗಸೂಗೂರು ತಾಲೂಕುದ ಕನಸವಿಯ ಗ್ರಾಮಡ್ ನಡತ್ಂಡ್. ಕಂಡನಿ ಬುಡೆದಿನ ಲಡಾಯಿದ ಹಿನ್ನೆಲೆಡ್ ತನ್ನ ಬಾಲೆನೇ ಕೆರ್ದ್ ಬಾಲೆದ ಪುನನ್ ಕನಸಾವಿ ಗ್ರಾಮಡ್ ದೆಂಗಾದ್ ದೀದ್ ಇತ್ತೆ. ಲಿಂಗಸುಗೂರು ತಾಲೂಕುದ ಕನಸಾವಿ ಗ್ರಾಮದ ಮಹಾಂತೇಶ್(32ವ) ಆರೋಪಿ. ತೀರ್ ಪೋಯಿನ ಬಾಲೆ ಅಭಿನವ ಪಂದ್ ತೆರಿದ್ ಬೈದುಂಡು.
ಬುಡೆದಿ ಭೀಮವ್ವ ಬಾಲೆ ನಾಪತ್ತೆ ಆತ್ಂಡ್ ಪಂದ್ ಮುದಗಲ್ ಪೋಲಿಸ್ ಠಾಣೆಡ್ ದೂರು ಕೊರ್ದು ಇತ್ತೆರ್. ಪೋಲಿಸೆರೆಗ್ ಮಹಾಂತೇಶ್ ನ ಮಿತ್ತ್ ಅನುಮಾನ ಬತ್ತ್ ದ್ ವಿಚಾರಣೆ ಮಲ್ಪುನಗ ತಪ್ಪುನು ಒತ್ತೊಂದೆ. ಬಾಲೆನ್ ಕೆರ್ದ್ ಪೊತ್ತಾದ್ ಪಾರ್ದೆ ಪಂದ್, ಮೂಜಿ ದಿನ ಆಯಿನ ಬೊಕ್ಕ ದೇಹನ್ ದೆಂಗಾದ್ ದೀತಿನ ಜಾಗೆನ್ ತೊಜಪಾದೆ.
pallavi shetty