ಬೋಲ್ತೆರ್: ಸೌಜನ್ಯ ಪ್ರಕರಣ ಡ್ ಉನ್ನತ ಮಟ್ಟದ ತನಿಖೆಲು ವಿಫಲ ಆತಿನ ಮಾಮಲ್ಲ ದುರಂತ. ಇಲ್ಲದ ಉಲಾಯಿ ಇತ್ತಿನ ಕಲ್ವ ಪುಚ್ಚೆ ದೆಂಗ್ ದ್ ಕುಲ್ದುಂಡು ಅವೆನ್ ಪತ್ತೊಡು ಸತ್ಯ, ನ್ಯಾಯ ನೀತಿ ಧರ್ಮದ ಹೋರಾಟಡ್ ಆದಿಚುಂಚನಗಿರಿ ಮಠ ಒಟ್ಟಿಗೆ ಉಲ್ಲ ಪಂದ್ ಆದಿಚುಂಚನಗಿರಿ ಶಾಖಾ ಮಠದ ಶ್ರೀ ಧರ್ಮಪಾಲನಾಥ ಸ್ವಾಮೀಜಿ ಪಂಡೆರ್.
ಬೋಲ್ತೆರ್ ಡ್ ಪ್ರಜಾಪ್ರಭುತ್ವ ವೇದಿಕೆ ಬೊಕ್ಕ ರಾಷ್ಟ್ರೀಯ ಹಿಂ.ಜಾ.ವೇದಿಕೆ ಮುತಾಲಿಕೆಡ್ ಐತಾರ ನಡತಿನ ಸೌಜನ್ಯ ಪರ ಹೋರಾಟದ ಸಭೆಟ್ಟ್ ಆಶೀರ್ವಚನ ಕೊರ್ದು ಪಾತೆರಿಯೆರ್.
ಒವ್ವೆ ಪೊಣ್ಣು ಜೋಕ್ಲೆಗ್ ಈ ರೀತಿದ ಅನ್ಯಾಯ ಆವೆರೆ ಬಲ್ಲಿ. ಸಂತೋಷ್ ಅಪರಾಧಿ ಅತ್ತ್ ಪಂದ್ ನನೊಂಜಿ ಅಪರಾದಿ ಇಪ್ಪುನ ಸೂರ್ಯ ಚಂದ್ರನಾಥೆ ಸತ್ಯ. ನಿರಪರಾಧಿ ಸಂತೋಷ್ ಗ್ ಸರ್ಕಾರ ಪರಿಹಾರ ಕೊರೊಡು ಪಂದ್ ಆಗ್ರಹ ಮಲ್ತೆರ್.
ಸೌಜನ್ಯನ ಅಪ್ಪೆ ಕುಸುಮಾವತಿ ಬೊಕ್ಕ ಅಕ್ಲೆನ ಕುಟುಂಬಗ್ ರಕ್ಷಣೆ ಕೊರೊಡು. ಪ್ರಕರಣ ಡ್ ತನಿಖಾಧಿಕಾರಿ ಆದ್ ಇತ್ತಿನ ವ್ಯಕ್ತಿಲೆನ್ ವೈದ್ಯರೆನ್, ಮಂಪರು ಪರೀಕ್ಷೆ ಮಲ್ಪೊಡು, ತಿಮರೋಡಿ ಹೋರಾಟ ಶ್ಲಾಘನೀಯ. ಅರೆನ ಹೋರಾಟಗ್ ಸ್ವಾಮೀಜಿ ಬೊಕ್ಕ ಮಠ ಒಟ್ಟಿಗೆ ಉಂಡು. ಸೌಜನ್ಯ ಕಾಳಿ ಶಕ್ತಿಯಾದ್ ಆವೀರ್ಭವಿಸಾದಲ್. ಸರ್ಕಾರ ನ್ಯಾಯಯುತ ತನಿಖೆ ಮಲ್ಪೊಡು ಪಂದ್ ಸ್ವಾಮೀಜಿ ಆಗ್ರಹ ಮಲ್ತೆರ್.
ಸಭೆಟ್ ಲಕ್ಷಾಂತರ ಜನ ಪಾಲ್ ಪಡೆದ್ ಇತ್ತೆರ್, ಸಭಾ ಕಾರ್ಯಕ್ರಮ ಬೋಲ್ತೆರ್ ಮಿನಿ ವಿಧಾನಸೌದ ಎದುರು ನಡತ್ಂಡ್.
pallavi shetty