ಕುಡ್ಲ ನಾರಾಯಣ ಗುರು ಯುವವೇದಿಕೆ (ರಿ.) ದ ಮುತಾಲಿಕೆಡ್ 169 ನಾರಾಯಣ ಗುರು ಜಯಂತಿದ ಲೆಕ್ಕೊಡು ಕಲ್ಪಾರ್ಥಿಲೆಗ್ ಸ್ಕಾಲರ್ ಶಿಪ್ ಪಟ್ಟುನ ಲೇಸ್ ಸೆ.2 ಕ್ಕ್ ಕುಡ್ಲದ ಕೇರಳ ಸಮಾಜಂ ಕಟ್ವಾನಡ್ ಮಲ್ಪರೆ ಅಟ್ಟಣೆ ಮಲ್ದೆರ್.
ಮಧ್ಯಾಹ್ನ ಕಲ್ಪಾರ್ಥಿಲೆಗ್ ಭಾಷಣ ಪಂತೊ ಬೊಕ್ಕ ರಸಪ್ರಶ್ನೆ ಪಂತೊ ನಡಪರೆ ಉಂಡು. ಬಯ್ಯಗ್ ಸಭಾ ಲೇಸ್ ನಡಪರೆ ಇತ್ತ್ ದ್ ಕಲ್ಪಾರ್ಥಿ ವೇತನ ಬೊಕ್ಕ ಇನಾಮು ಪಟ್ಟುನ ಲೇಸ್ ನಡಪರೆ ಉಂಡು.
ಈ ಲೇಸ್ ದ ಗುರ್ಕಾರ್ಮೆನ್ ಕುಡ್ಲ ನಾರಾಯಣ ಗುರು ಯುವ ವೇದಿಕೆದ ಗುರ್ಕಾರ್ರೆ ಬ್ರಜೇಶ್ ಅಂಚನ್ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಹಿಂದುಳಿದ ವರ್ಗಲೆನ ಆಯೋಗದ ಸದಸ್ಯೆರ್ ಕೆ.ಟಿ ಸುವರ್ಣ, ಮುಲ್ಕಿ ಜೆ.ಕೆ ಮೊಸೈಕ್ಸ್ ದ ಧಣಿ ಲೋಕನಾಥ್ ಕೆ, ಕುಡ್ಲ ಕೇರಳ ಸಮಾಜಂದ ಗುರ್ಕಾರ್ರೆ ಟಿ.ಕೆ ರಾಜನ್, ಕೋಡಿಕಲ್ ಬೃಂದಾವನ ಕನ್ ಸ್ಟ್ರಕ್ಷನ್ಸ್ ದ ಧಣಿ ಚಂದ್ರಹಾಸ ಪೂಜಾರಿ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಕುಡ್ಲ ನಾರಾಯಣ ಗುರು ಯುವ ವೇದಿಕೆದ ಸಲಹಾ ನಿರ್ದೇಶಕೆರ್ ಬೊಕ್ಕ ಸದಸ್ಯೆರ್ ತೆರಿಪಾದೆರ್.
pallavi shetty