ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ (ರಿ.) ದ ಮುತಾಲಿಕೆಡ್ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯ ಮಲ್ತೆರ್.
ಬೆದ್ರ ತಾಲೂಕ್ ದ ಕೇಮಾರು ಪಾಲಡ್ಕ ನಿವಾಸಿ ಸುರೇಶ ಮೆರೆಗ್ ಇಂಚಿಪ್ಪ ಗಾಡಿ ಆಕ್ಸಿಡೆಂಟ್ ತರೆ ಕೈ ಕಾರ್ ಗ್ ಪೆಟ್ಟಾದ್ ಕೆಲಸ ಮಲ್ಪರೆ ಆವಂದಿನ ಪರಿಸ್ಥಿತಿಡ್ ಉಲ್ಲೆರ್. ಬಡಪತ್ತ್ ಡ್ ಇಪ್ಪುನ ಮೆರೆನ ಕುಟುಂಬ ಒಂಜಿ ಎಲ್ಯ ಇಲ್ಲ್ ನ್ ಮೂಜಿ ಸೆಂಟ್ಸ್ ಕಾಲನಿಡ್ ಕಟ್ಟೆರೆ ಸುರು ಮಲ್ತಿನ ಪೊರ್ತುಡೇ ಈ ಘಟನೆ ನಡತ್ಂಡ್.
ಅಂಚಾದ್ ಮೆರೆನ ಇಲ್ಲ್ ದ ನಿರ್ಮಾಣ ಕಾರ್ಯಡ್ ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ (ರಿ.) ಗ್ ಆಯಿನಾತ್ ಇಲ್ಲಗ್ ಬೋಡಾಯಿನ ಸೊತ್ತುಲೆನ್ ಸಕಾಯ ಮಲ್ಪರೆ ಬಿನ್ನಾಪು ಬತ್ತಿತ್ತ್ಂಡ್. ನೆಕ್ಕ್ ಸ್ಪಂದಿಸಾಯಿನ ಈ ಕೂಟ 25 ಸಾರ ರೂ.ದ ಚೆಕ್ಕ್ ನ್ ರೋಟರಿಕ್ಲಬ್ ಟೆಂಪಲ್ ಟೌನ್ ಬೆದ್ರ ಕಮ್ಯೂನಿಟಿ ಸರ್ವಿಸಸ್ ದ ಹರೀಶ್ ಎಂ. ಕೆ ಮೆರೆನ ಮುಖೇನ ಕೊರಿಯೆರ್.
ಈ ಪೊರ್ತುಡು ಯುವ ಉತ್ಸಾಯಿ ಬಳಗ (ರಿ.) ಕೇಮಾರು ನೆತ್ತ ಸಂಚಾಲಕೆರ್ ಜೀವಂಧರ್ ಶೆಟ್ಟಿಗಾರ್ ಬೋವಾಡಿ, ಪ್ರಧಾನ ಕಾರ್ಯದರ್ಶಿ ಸುದರ್ಶನ್ ಆಚಾರ್ಯ ಕೊಳಕೆಬೈಲು ಬೊಕ್ಕ ಪದಾಧಿಕಾರಿಲು ಇತ್ತೆರ್.
niriksha