ಸುಬ್ರಹ್ಮಣ್ಯ: ಸೌಜನ್ಯ ಕುಟುಂಬೊಗು ನ್ಯಾಯೊಗಾದ್ ಪೊರ್ಂಬಾಟ ಸಮಿತಿ ಬೊಕ್ಕ ಬೇತೆ ಬೇತೆ ಸಂಘ ಸಂಸ್ಥೆಲೆನ ಒಟ್ಟುಸೇರಿಗೆಡ್ ಸೌಜನ್ಯ ಕೇಸ್ ದ ಪಿರ ತನಿಖೆಗ್ ಒತ್ತಾಯ ಮಲ್ತ್ ದ್ ಆ.31 ಕ್ಕ್ ಸುಬ್ರಹ್ಮಣ್ಯದ ಕುಮಾರಧಾರರ್ದ್ ದೇವಲ್ಯ ಮುಟ್ಟ ಮೌನ ಮೆರವಣಿಗೆ ಬೊಲ್ಪುಗು 9 ಗಂಟೆಗ್ ನಡಪರೆ ಉಂಡು ಪಂದ್ ಸಮಿತಿದ ಡಾ.ರವಿ ಕಕ್ಕೆಪದವು ಪಂಡೆರ್.
ಮೇರ್ ಸನಿಯಾರ ಸುಬ್ರಹ್ಮಣ್ಯಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿಯೆರ್. ಪಾದಯಾತ್ರೆಡ್ ದೇವಲ್ಯ ಮುಟ್ಟ ಪೋದು ಅಲ್ಪ ಕೇಸ್ ದ ನಿಜ ಆರೋಪಿಲೆಗ್ ಶಿಕ್ಷೆ ತಿಕ್ಕಡ್ ಪಂದ್ ಪ್ರಾರ್ತನೆ ಮಲ್ಪರೆ ಉಂಡು. ಬೊಕ್ಕ ಸಭೆ ನಡಪುಂಡು. ನೆಟ್ಟ್ ಮಹೇಶ್ ಶೆಟ್ಟಿ ತಿಮರೋಡಿ, ಸೌಜನ್ಯನ ಅಮ್ಮ ಕುಸುಮಾವತಿ, ರೋಟರಿ ಕ್ಲಬ್ ಸುಬ್ರಹ್ಮಣ್ಯ, ಲಯನ್ಸ್ ಕ್ಲಬ್ ಸುಬ್ರಹ್ಮಣ್ಯ, ಜೆಸಿಐ ಸುಬ್ರಹ್ಮಣ್ಯ, ಬಿಎಂಎಸ್ ಆಟೋ ಚಾಲಕ ಮಾಲಕ ಸಂಘ ಸುಬ್ರಹ್ಮಣ್ಯ, ಕುಕ್ಕೇ ಶ್ರೀ ಆಟೋ ಚಾಲಕ ಮಾಲಕ ಸಂಘ, ಕುಕ್ಕೇ ಶ್ರೀ ಟ್ಯಾಕ್ಸಿ ಚಾಲಕ ಮಾಲಕ ಸಂಘ, ಸಂಜೀವಿನಿ ಒಕ್ಕೂಟ, ರವಿಕಕ್ಕೆಪದವು ಸಮಾಜ ಸೇವಾ ಟ್ರಸ್ಟ್, ಸುಬ್ರಹ್ಮಣ್ಯ ವರ್ತಕರ ಸಂಘ, ಗೌಡ ಸಮಿತಿ ಸುಬ್ರಮಣ್ಯ ವಲಯದ ಬೇತೆ ಬೇತೆ ಸಂಘ ಸಂಸ್ಥೆಲು ಬೊಕ್ಕ ಕೈತಲ್ ದಕುಲು ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಪಂಡೆರ್.
ಪತ್ರಿಕಾಗೋಷ್ಠಿಡ್ ಸಮಿತಿದ ಗೋಪಾಲ ಎಣ್ಣೆಮಜಲು, ದಿನೇಶ್ ಸಂಪ್ಯಾಡಿ, ಚಿದಾನಂದ ಕಂದಡ್ಕ, ಗುರುಪ್ರಸಾದ್ ಮೇಲ್ನಾಡ್, ಸತೀಶ್.ಕೆ.ಪಿ. ಕೊಮ್ಮೆಮನೆ, ದಿನೇಶ್ ಶಿರಾಡಿ, ವಿವೇಕಾನಂದ ದೇವರಗದ್ದೆ, ತಿಲಕ್ ಎ.ಎ. ಭಾರತಿ ದಿನೇಶ್, ಶೇಖರ್ ಆಗೋಲಿಕಜೆ, ಮಾದವ ದೇವರಗದ್ದೆ ಪಾಲ್ ಪಡೆದಿತ್ತೆರ್.
ವರದಿ: ಗೋಪಿಚಂದನ್ ಕೆ ಎಸ್
pallavi shetty