ಸೌಜನ್ಯಗ್ ನ್ಯಾಯ ತಿಕ್ಕರೆ ವಿಹಿಂಪ,ಬಜರಂಗ ದಳ ಪಾದಯಾತ್ರೆ

ಧರ್ಮಸ್ಥಳ: ಧರ್ಮಸ್ಥಳಡ್ ನಡತಿನ ಸೌಜನ್ಯ ಕೇಸ್ ಗ್ ನ್ಯಾಯ ತಿಕ್ಕರೆ ಗೋಸ್ಕರ ವಿಶ್ವ ಹಿಂದೂ ಪರಿಷತ್ ಭಜರಂಗದಳ ಆಯೋಜನೆ ಮಲ್ತಿನ ಪಾದಯಾತ್ರೆ ಆ.27 ದಾನಿ ನಡತ್ಂಡ್.

ಈ ಪ್ರತಿಭಟನೆ ಡ್ ಭಾರೀ ಜನಸಂಖ್ಯೆ ಸೇರ್ದ್ ಇತ್ತೆರ್. ನೆತ್ತ ಒಟ್ಟಿಗೆ ಸೌಜನ್ಯನ ಅಮ್ಮ ಕುಸುಮಾವತಿಲ ಇತ್ತೆರ್.

ಸೌಜನ್ಯನ ಅಮ್ಮ ಆರೋಪ ಮಲ್ತಿನ ಮೂಜಿ ಜನ ಆಯಿನ ಧೀರಜ್ ಕೆಲ್ಲ, ಮಲ್ಲಿಕ್ ಜೈನ್, ಉದಯ್ ಪ್ರಮಾಣಗ್ ಸಿದ್ದ ಪಂದ್ ಇತ್ತೆರ್.

ಈ ಕೇಸ್ ಗ್ ಸಂಬಂಧ ಪಟ್ಟಿನಂಚ ಆಣೆ ಪ್ರಮಾಣದ ಬದಲಾದ್ ಅಣ್ಣಪ್ಪ ಸನ್ನಿಧಿ ಡ್ ಮೂಜಿ ಜನಲ ಪ್ರಾರ್ಥನೆ ಸಲ್ಲಿಸಾಯೆರ್. ಎಂಕುಲು ಒವ್ವೆ ತಪ್ಪು ಮಲ್ತಿಜ ಎಂಕ್ಲೆನ ಮಿತ್ತ್ ಆರೋಪ ಮಲ್ಪುನಗಕ್ಲೆಗ್ ದೇವೆರ್ ಸರಿಯಾಯಿನ ಶಿಕ್ಷೆ ಕೊರಡ್ ಪಂದ್ ಪ್ರಾರ್ಥನೆ ಸಲ್ಲಿಸಾಯೆರ್.

ಪ್ರತಿಭಟನೆದ ಜಾಗೆಡ್ ಎಸ್ಪಿ ಸಿ.ಬಿ.ರಿಷ್ಯಂತ್ ಬಂದೋ ಬಸ್ತ್ ಮಲ್ತ್ ಇತ್ತೆರ್.

ಅಹಿತಕರ ಘಟನೆ ನಡಪೆರೆ ಬಲ್ಲಿ ಪಂದ್ ಪೊಲೀಸ್ ಗಾಡಿನ್ ಅಡ್ಡ ದೀದ್ ಇತ್ತೆರ್. ಅಂಚನೆ ಒವ್ವೆ ಘೋಷಣೆ ಮಲ್ಪೆರೆ ಬಲ್ಲಿ ಪಂದ್ ಪೊಲೀಸೆರ್ ಮನವಿ ಮಲ್ತ್ ಇತ್ತೆರ್.

ಸಾವಿರರ್ದ್ ಲ ಎಚ್ಚ ಜನ ಸೌಜನ್ಯ ಪರ ಹೋರಾಟಗಾರೆರ್ ಈ ಪ್ರತಿಭಟನೆ ಡ್ ಪಾಲ್ ಪಡೆದ್ ಇತ್ತೆರ್.