ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತಿನ ಶಕ್ತಿನಗರದ ಹರ್ಷದ್ ಕೌಶಲ್

ಕುಡ್ಲ: ದ್ವಿತೀಯ ಪಿಯುಸಿ ಕಲ್ಪಾರ್ಥಿ ಒರಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತಿನ  ಘಟನೆ ಶಕ್ತಿನಗರದ ನಾಲ್ಯಪದವುಡು ನಡತ್‌ಂಡ್.

ತೀರ್‌ಪೋಯಿನ ಕಲ್ಪಾರ್ಥಿ ಹರ್ಷಲ್ ಕೌಶಲ್(17ವ) ಪಂದ್ ತೆರಿದ್ ಬೈದುಂಡು.

ಕರಾಟೆ ಪಟು ಆದ್ ಇತ್ತಿನ ನಗರದ ಖಾಸಗಿ ಕಾಲೇಜಿಡ್ ಕಲ್ತೊಂದು ಇತ್ತೆ. ಆ.24 ದಾನಿ ಗುರುವಾರ ಬಯ್ಯಗ್ ಕಾಲೇಜ್‌ರ್ದ್ ಇಲ್ಲಗ್ ಬತ್‌ದ್ ಮಿತ್ ದ ಕಟ್ವಾನಡ್ ಕೌಶಲ್ ಮಾತ್ರ ಇತ್ತೆ. ಅಪ್ಪೆ ಬೊಕ್ಕ ಅಮ್ಮೆರ್ ಕೆಲಸಗ್ ಪೋದು ಇತ್ತೆರ್. ಬಯ್ಯಗ್ 5.30 ಗಂಟೆಗ್ ಅಪ್ಪೆ ಮಗಕ್ ಪೋನ್ ಮಲ್ಪುನಗ ಕೌಶಲ್ ಕಾಲ್ ದೆತ್ತಿಜೆ. ಅಪ್ಪೆ ಕೌಶಲ್‌ನ ಅಜ್ಜಿಗ್ ಕಾಲ್ ಮಲ್ತ್ ವಿಷಯ ಪನ್ನಗ ಕಟ್ವಾನದ ಕೋಣೆಡ್ ತೂನಗ ಬಲ್ ದೆತೊಂದು ಇತ್ತೆ. ಈ ಬಗೆಟ್ ಕಂಕನಾಡಿ ನಗರ ಠಾಣೆಡ್ ಪ್ರಕರಣ ದಾಖಲಾತ್‌ಂಡ್.