ಕುಡ್ಲ: ಡಿಜೆ ಸರ್ಕಲ್ ಕುಡ್ಲ ಬೊಕ್ಕ ಕೆಎಂಸಿ ಆಸ್ಪತ್ರೆ ಅತ್ತಾವರ ನೆತ್ತ ಒಟ್ಟುಸೇರಿಗೆಡ್ 77ನೇ ಸ್ವಾತಂತ್ರ್ಯ ದಿನಾಚರಣೆನ್ ಆಗಸ್ಟ್ 14 ಕ್ಕ್ ಅತ್ತಾವರ ಕೆಎಂಸಿ ಆಸ್ಪತ್ರೆದ ಚಾವಡಿಡ್ ನೆತ್ತೆರ್ ದಾನ ಮಲ್ಪುನ ಮುಖೇನ ಆಚರಣೆ ಮಲ್ತೆರ್.
ಸಾಮಾನ್ಯವಾದ್ ಡಿಜೆನ್ ಮದಿಮೆ ಲೇಸ್, ರೋಸ್, ಮದಿರೆಂಗಿ, ಪುಟ್ಟುಪರ್ಬ ಬೊಕ್ಕ ಬೇತೆ ಸಂಗೀತ ಲೇಸ್ ಡ್ ಗಲಸುವೆರ್. ಆಂಡ ಮೊಕುಲು ನೆತ್ತೆರ್ ದಾನ ಮಲ್ಪುನ ಮುಖೇನ 77 ನೇ ಸ್ವಾತಂತ್ರ್ಯ ದಿನಾಚರಣೆನ್ ಆಚರಣೆ ಮಲ್ತ್ ದ್ ಸಮಾಜಗ್ ಎಡ್ಡೆ ಸೇವೆ ಕೊರ್ಪುನ ಬೇಲೆ ಮಲ್ದೆರ್.
ಮೊಕುಲು ಡಿಜೆ ಸರ್ಕಲ್ ಪನ್ಪುನ ಸಂಘಟನೆನ್ ಸ್ಥಾಪನೆ ಮಲ್ತ್ ದ್, ನನದ ದಿನಟ್ಟ್ ಸಮಾಜ ಸೇವೆ ಮಲ್ಪರೆ ತಯಾರ್ ಉಲ್ಲ. ಡಿಜೆ ಸದಸ್ಯೆರೆಗ್ ಕಷ್ಟದ ಪೊರ್ತುಡು ಸಕಾಯ ಆವೆರೆ ಈ ಯೋಜನೆನ್ ರೂಪಿಸಾದ್ಂಡ್ ಪಂದ್ ಪಂಡೆರ್.
pallavi shetty