ತುಳುನಾಡ ಜವನೆರ್ ಬೆಂಗ್ಲೂರ್ (ರಿ.) ಸಂಘಟನೆದ ಮುತಾಲಿಕೆಡ್ ಶ್ರೀಕೃಷ್ಣ ಜನ್ಮಾಷ್ಟಮಿದ ಲೆಕ್ಕೊಡು ಅತ್ತಿಗುಪ್ಪೆ ವಿಜಯನಗರ ಬಂಟರ ಸಂಘದ ಚಾವಡಿಡ್ ಅಸ್ಟೆಮಿದ ಐಸಿರ ಪನ್ಪಿನ ಲೇಸ್ ಸೆಪ್ಟೆಂಬರ್ 24 ಐತಾರ ಬೊಲ್ಪುಗು 9 ರ್ದ್ ರಾತ್ರೆ 10 ಗಂಟೆ ಮುಟ್ಟ ನಡಪರೆ ಉಂಡು.
ಈ ಪೊರ್ತುಡು ದಕ್ಷಿಣ ಕನ್ನಡ ಜಿಲ್ಲೆದ ಬೆದ್ರ ಬೋಳ ಗುತ್ತುದ ಸತೀಶ್ ಜಗದೀಶ್ ಶೆಟ್ಟಿ ಮಾಲಿಕತ್ವಡ್ ಪುಗರ್ತೆದ ಕಂಬುಲದ ಎರ್ಲು ಧೋನಿ ಬೊಕ್ಕ ಬೊಲ್ಲೆನ್ ಸನ್ಮಾನಗ್ ಲೆತೊಂದು ಬರಿಯೆರೆ ಉಂಡು. ಅಂಚೆನೆ ಈ ಎರ್ಲೆನ ಮಾಲಿಕೆರೆಗ್ ಬಿನ್ನೆರೆನ ಎದುರುಡ್ ಚಾವಡಿಡ್ ಸನ್ಮಾನ ನಡಪರೆ ಉಂಡು.
ಕಂಬುಲ ಕ್ಷೇತ್ರದ ಪುಗರ್ತೆದ ಜೋಡಿ ಧೋನಿ ಬೊಕ್ಕ ಬೊಳ್ಳೆ ಬರೊಂದು ಇಪ್ಪುನವು ಬೆಂಗ್ಲೂರ್ ದ ಜವನೆರೆಗ್ ಭಾರೀ ಕುಸಿ ಕೊರ್ತುಂಡು.
Editorial