ನಾಸಿಕ್ ರೋಡ್ ಫ್ರೆಂಡ್ಸ್ ಮೊಕ್ಲೆನ ಮುತಾಲಿಕೆಡ್ ಆಟಿಡೊಂಜಿ ದಿನ ಲೇಸ್ ಹೊಟೇಲ್ ಲ್ಯಾಂಡ್ ಮಾರ್ಕ್ ಡ್ ಗೌಜಿಡ್ ನಡತ್ಂಡ್.
ನಾಸಿಕ್ ರೋಡ್ ದ ಹಿರಿಯೆರೆನ ಮಾರ್ಗದರ್ಶನಡ್ ನಡತಿನ ಈ ಲೇಸ್ ಡ್ ತುಳುನಾಡ್ ದ ಇಸೇಸ ತೆನಸ್ ಲಾಯಿನ ಪುನರ್ಪುಳಿ ಕಡಿ, ಕೊಟ್ಟೆ (ಗುಂಡ), ಮೂಡೆ, ಪತ್ರಡ್ಡೆ, ಗೆಂಡದಡ್ಯೆ, ಉಪ್ಪಡ್ ಪಚ್ಚಿಲ್ ಸುಕ್ಕ, ತೇವುದ ಚಟ್ನಿ, ತಿಮರೆದ ಚಟ್ನಿ, ಕುಡುತ್ತ ಸಾರ್, ಉರ್ಪೆಲರಿತ್ತ ನುಪ್ಪು, ತೌತೆ ಕೊದ್ದೆಲ್, ಕೋರಿ ಸುಕ್ಕ ಇಂಚ ಸುಮಾರ್ 20 ರ್ದ್ ಎಚ್ಚ ಬಗೆತ್ತ ತೆನಸ್ ಲೆನ ಆಟಿದ ವನಸ್ ಇತ್ತ್ಂಡ್. ಮಾತ ಶುಚಿರುಚಿಯಾಯಿನ ಆಟಿದ ತೆನಸ್ ಲೆನ್ ನಾಸಿಕ್ ರೋಡ್ ಫ್ರೆಂಡ್ಸ್ ದ ಪೊಂಜೋವ್ ನಕ್ಲೇ ತಯಾರ್ ಮಲ್ತ್ ದ್ ಮೆಚ್ಚಿಗೆಗ್ ಪಡೆಯೆರ್.
✍️ ವರದಿ : ಸಂತೋಷ್ ಶೆಟ್ಟಿ ಕುಚ್ಚೂರು
Editorial