ಹಳೆಯಂಗಡಿ: ತೋಕೂರು ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ (ರಿ.) ದ ಮುತಾಲಿಕೆಡ್ ಸ್ವಾತಂತ್ರ್ಯ ದಿನಾಚರಣೆ ಬೊಕ್ಕ ನಿವೃತ್ತ ಯೋಧೆರೆಗ್ ಮಾನಾದಿಗೆ ಲೇಸ್ ಆ.15 ಅಂಗಾರೆ ಬೊಲ್ಪುಗು ತೋಕೂರ್ ಸ್ಪೋರ್ಟ್ಸ್ ಕ್ಲಬ್ ಡ್ ನಡಪರೆ ಉಂಡು.
ಈ ಲೇಸ್ ದೊಟ್ಟಿಗೆ ಸರಕಾರಿ ಹಿರಿಯ ಪ್ರಾಥಮಿಕ ಹಿಂದುಸ್ಥಾನಿ ಶಾಲೆ ತೋಕೂರು ಮುಲ್ಪದ ಕಲ್ಪಾರ್ಥಿಲೆಗ್ ಸ್ಕೂಲ್ ಬ್ಯಾಗ್, ಐಡಿ ಕಾರ್ಡ್ ಬೊಕ್ಕ ಕಂಪಾಸ್ ಬಾಕ್ಸ್ ಪಟ್ಟುನ ಲೇಸ್, ಗೊಬ್ಬುಲೆನ ಪಂತೊದ ಇನಾಮು ಕೊರ್ಪುನ ಲೇಸ್ ನಡಪರೆ ಉಂಡು.
ಈ ಮಾತ ಲೇಸ್ ಯುವ ಕಾರ್ಯ ಬೊಕ್ಕ ಕ್ರೀಡಾ ಸಚಿವಾಲಯ, ನೆಹರು ಯುವ ಕೇಂದ್ರ ಕುಡ್ಲ, ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ ಕುಡ್ಲ, ಗ್ರಾಮ ಪಂಚಾಯತ್ ಪಡುಪಣಂಬೂರು, ತಾಲೂಕ್ ಬೊಕ್ಕ ಜಿಲ್ಲಾ ಯುವ ಜನ ಒಕ್ಕೂಟ ನೆತ್ತ ಮಾರ್ಗದರ್ಶನಡ್ ನಡಪುಂಡು.
ಅಂಚೆನೆ ಈ ಲೇಸ್ ದ ಗುರ್ಕಾರ್ಮೆನ್ ಕುಡ್ಲ ಆರ್ ಕೆ ಟೈಲರ್, ತುಳು ರಂಗಭೂಮಿ ನಿರ್ದೇಶಕೆರ್ ನರೇಂದ್ರ ಕಿರೋಡಿಯನ್ ಒಯಿಸೊನ್ವೆರ್. ನಿವೃತ್ತ ಯೋಧೆರ್ ಹವಾಲ್ದಾರ್ ಚಂದ್ರಶೇಖರ್ ರಾಷ್ಟ್ರದ ಕೊಡಿ ಅರಲ್ಪಾವೆರ್. ಬೊಕ್ಕ ಮೆರೆಗ್ ಸನ್ಮಾನ ನಡಪರೆ ಉಂಡು. ಈ ಲೇಸ್ ಡ್ ಸೂರ್ಯಕಾಂತಿ ಚಾರಿಟೇಬಲ್ ಫೌಂಡೇಶನ್ ದ ಅಧ್ಯಕ್ಷೆರ್, ನವನಿಧಿ ವಿವಿಧೋದ್ದೇಶ ಸಹಕಾರ ಸಂಘದ ನಿರ್ದೇಶಕೆರ್ ವಿದ್ಯಾ ರಾಕೇಶ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಕ್ಲಬ್ ದ ಅಧ್ಯಕ್ಷೆರ್ ಜಗದೀಶ್ ಕುಲಾಲ್, ಗೌರವಾಧ್ಯಕ್ಷೆರ್ ಪ್ರಶಾಂತ್ ಕುಮಾರ್ ಬೇಕಲ್, ಗೌರವ ಪ್ರಧಾನ ಕಾರ್ಯದರ್ಶಿ ದೀಪಕ್ ಸುವರ್ಣ, ಕೋಶಾಧಿಕಾರಿ ಪದ್ಮನಾಭ ಶೆಟ್ಟಿ, ಕಾರ್ಯಾಧ್ಯಕ್ಷೆರ್ ಸಂತೋಷ್ ದೇವಾಡಿಗ, ಮಹಿಳಾ ಕಾರ್ಯಾಧ್ಯಕ್ಷೆರ್ ಯಶೋಧ ದೇವಾಡಿಗ ಬೊಕ್ಕ ಗೌರವ ಮಾರ್ಗದರ್ಶಕೆರ್, ಪದಾಧಿಕಾರಿಲು, ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty