ಪುತ್ತೂರ್: ತಮಿಳ್ ನಾಡ್ ದ ಮೈಲಾಡುತುರೈಡ್ ಇಪ್ಪುನ ಧರ್ಮಪುರಂ ಅಧೀನಂ 27ನೇ ಗುರು ಮಹಾ ಸನ್ನಿಧಾನಂ ತಿರುಪ್ಪಾನಂದಲ್ ಕುಂಭಾಭಿಷೇಕಡ್ ನಡತಿನ ಸಂಗೀತ ಕಚೇರಿಡ್ ಪುತ್ತೂರ್ ದ ಸ್ಯಾಕ್ಸೋಫೋನ್ ವಾದಕೆರ್ ಡಾ.ಪಿ.ಕೆ ಗಣೇಶ್ ಮೆರೆಗ್ ಕಲಾನಿಧಿ ಪ್ರಶಸ್ತಿ ತಿಕ್ ದ್ಂಡ್.
ಜುಲೈ 7 ಕ್ಕ್ ನಡತಿನ ಸಂಗೀತ ಕಛೇರಿಡ್ ಪುತ್ತೂರ್ ದ ಇತಿಹಾಸ ಪುಗರ್ತೆದ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಪ್ರಧಾನ ಸ್ಯಾಕ್ಸೋಫೋನ್ ವಾದಕೆರ್ ಡಾ.ಪಿ.ಕೆ ಗಣೇಶ್ ಮೆರೆಗ್ ಬಂಗಾರ್ ದ ಪದಕ ಬೊಕ್ಕ ಸ್ಯಾಕ್ಸೋಫೋನ್ ಕಲಾನಿಧಿ ಪ್ರಶಸ್ತಿನ್ ಕೊರ್ದು ಮಾನಾದಿಗೆ ಮಲ್ತೆರ್.
ಡಾ.ಪಿ.ಕೆ ಗಣೇಶ್ ಮೇರ್ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿದೊಟ್ಟಿಗೆ ಸುಮಾರ್ ಪ್ರಶಸ್ತಿನ್ ಪಡೆತೆರ್.
ಇತಿಹಾಸಡೇ ಸುರುತ್ತ ಸರ್ತಿ ತಮಿಳ್ ನಾಡ್ ದ ಧರ್ಮಪುರಂ ಅಧೀನಂ (ಮಠ) ಸ್ಯಾಕ್ಸೋಫೋನ್ ಕ್ಷೇತ್ರಗ್ ಕೊರ್ನ ಪ್ರಶಸ್ತಿ ಬೊಕ್ಕ ಬಂಗಾರ್ ದ ಪದಕ ಉಂದಾತ್ಂಡ್.
Editorial