29 ಅಡಿ ಎತ್ತರದ ಮೊಬೈಲ್ ಟವರ್‌ನೇ ಕಂಡಿನ ಕಲ್ವೆರ್!

ಪಾಟ್ನಾ: ಕಲ್ವೆರ್ ಟೆಲಿಕಾಮ್ ಕಂಪನಿದ ತಂತ್ರಜ್ಞೆರ್ನ ಲೆಕ ಬತ್ತ್‌ದ್ 29 ಅಡಿ ಎತ್ತರದ ಮೊಬೈಲ್ ಟವರ್‌ನ್ ಕಂಡಿನ ಘಟನೆ ಬಿಹಾರದ ಸಬ್ಜಿಬಾಘ್‌ಡ್ ನಡತ್ಂಡ್.

ಕಲ್ವೆರ್ ಕಂಡಿನ ಈ ಟವರ್ ಜಿಟಿಎಲ್ ಕಂಪೆನಿಗ್ ಸೇರ್ದ್ಂಡ್. ಕಂಪೆನಿದ ತಂತ್ರೆಜ್ಞೆರ್ ಕಂಪೆನಿದ ಸಾಧನ ಒಲ್ಪ ಉಂಡು ಪಂದ್ ಸಮೀಕ್ಷೆ ಮಲ್ಪುನಗ ಈ ಟವರ್ ತೋಜಿದಿಜಿ. ಈ ಟವರ್‌ನ್ ಶಹೀನ್ ಖಯೂಮ್ ಪನ್ಪಿನರೆಗ್ ಸೇರ್ದಿನ ನಾಲ್ ಮಾಳಿಗೆದ ಇಲ್ಲದ ಮಿತ್ತ್ ಸ್ಥಾಪನೆ ಮಲ್ತ್‌ದಿತ್ತೆರ್. “ಎಂಕುಲು ಟೆಲಿಕಾಮ್ ಕಂಪೆನಿದ ತಂತ್ರಜ್ಞೆರ್. ಟವರ್‌ಡ್ ಸಮಸ್ಯೆ ಉಂಡು. ಪೊಸತ್ತೆನ್ ಪಾಡುವ” ಪಂದ್ ಕೆಲವೆರ್ ಬತ್ತ್‌ದ್ ಟವರ್ ದೆತೊಂದು ಪೋತೆರ್. ಜಿಟಿಎಲ್‌ದ ನೈಜ ತಂತ್ರಜ್ಞೆರ್ ಈ ಸಂಬಂಧ ಪೊಲೀಸೆರೆಗ್ ದೂರು ಕೊರ್ತೆರ್.