ಬೆಂಗ್ಲೂರ್: ಸೈಪುನ ಸ್ಥಿತಿಡ್ ಇತ್ತಿನ ಒಡು (ಪ್ಯಾಂಗೋಲಿಯನ್) ನ್ ಕೇರ್ದ್ ಅಯಿತ್ತ ವೋಡುಲೆನು (ಚಿಪ್ಪು) ಮಾರಿಯೆರೆ ತೂಯಿನ ಒರಿ ಆರೋಪಿನ್ ಬೊಕ್ಕ ಆಯಡ ಇತ್ತಿನ 30 ಕಿಲೊ ತೂಕದ ವೋಡುನು ಪೊಲೀಸೆರ್ ವಶಕ್ಕ್ ಪಡೆತೆರ್.
ನೆಟ್ಟ್ ಕಿರಣ್ ಪನ್ಪುನ ಆರೋಪಿ ಅರೆಸ್ಟ್ ಆತೆರ್. ಈ ಚಿಪ್ಪುದ ಬಿಲೆ 30 ಲಕ್ಷ ರೂ. ಪಂದ್ ಅಂದಾಜ್ ಮಲ್ಪರೆ ಆತ್ಂಡ್. ಅಂತಾರಾಷ್ಟ್ರೀಯ ಮಾರ್ಕೆಟ್ ಡ್ ಒಡುತ್ತ ವೋಡುಗು ಮಸ್ತ್ ಬೇಡಿಕೆ ಉಂಡು. ನೆನ್ ಸೌಂದರ್ಯ ವರ್ಧಕ ಸೊತ್ತುಲೆನ ಉತ್ಪಾದನೆಡ್ ಗಲಸುವೆರ್. ಹನುಮಂತ ನಗರ ಠಾಣೆಡ್ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್ ದ್ ತನಿಖೆ ಮಲ್ತೊಂದು ಉಲ್ಲೆರ್.
pallavi shetty