ಜ.14-16: ದೇರಳಕಟ್ಟೆ ಶ್ರೀ ವೈದ್ಯನಾಥೇಶ್ವರ ಭಜನಾ ಮಂದಿರದ 15 ನೇ ವರ್ಷದ ಉಚ್ಚಯ

ದೇರಳಕಟ್ಟೆ ಶ್ರೀ ವೈದ್ಯನಾಥ ಸೇವಾ ಸಮಿತಿದ ಲೆಕ್ಕೊಡು ಶ್ರೀ ವೈದ್ಯನಾಥೇಶ್ವರ ಭಜನಾ ಮಂದಿರದ 15 ನೇ ವರ್ಷದ ಉಚ್ಚಯ ಜ.14 ರ್ದ್ 16 ಮುಟ್ಟ ನಡಪರೆ ಉಂಡು.

ಜ.14 ಸನಿಯಾರ ಭಜನೆ ಸಂಕೀರ್ತನೆ, ಶ್ರೀ ಶನಿಮಹಾತ್ಮೆ ಪೂಜೆ ಯಕ್ಷಗಾನ ತಾಳಮದ್ದಳೆ, ಸಭಾ ಲೇಸ್ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಜ.15 ಐತಾರ ಏಕಾಹ ಭಜನೆ ಸುರು ಆಪುಂಡು. ಜ. 16 ಸೋಮಾರ ಭಜನೆ ಸಂಕೀರ್ತನೆ, ಅನ್ನಸಂತರ್ಪಣೆ, ಸಾಮೂಹಿಕ ಶಿವ ಕಲ್ಪೋಕ್ತ ಪೂಜೆ, ದುರ್ಗಾನಮಸ್ಕಾರ ಪೂಜೆ ಬೊಕ್ಕ ವೈವಿಧ್ಯಮಯ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ‌ಈ ಮಾತ ಲೇಸ್ ಡ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಅಧ್ಯಕ್ಷೆರ್ ಪುರುಷೋತ್ತಮ ಅಂಚನ್, ವೈದ್ಯನಾಥ ನಗರ, ಉಪಾಧ್ಯಕ್ಷೆರ್ ಬಾಲಕೃಷ್ಣ ಶೆಟ್ಟಿ, ಗೌರವಾಧ್ಯಕ್ಷೆರ್ ಮೋನಪ್ಪ ಗೌಡ, ಕೋಶಾಧಿಕಾರಿ ಸುರೇಶ್ ಆಚಾರ್ಯ, ಕಾರ್ಯದರ್ಶಿ ಪುಷ್ಪಲತಾ ಬಾಲಕೃಷ್ಣ ಶೆಟ್ಟಿ, ಉಪ ಕಾರ್ಯದರ್ಶಿ ಶ್ವೇತ ವಿ, ಅರ್ಚಕೆರ್ ವೆಂಕಟರಮಣ ಭಟ್, ಭಜನಾ ಮಂಡಳಿದ ಪ್ರಧಾನ ಸಂಚಾಲಕೆರ್ ಶೇಖರ್ ಸಾಲ್ಯಾನ್, ಸಹ ಸಂಚಾಲಕೆರ್ ಶ್ರವಣ್ ಕುಮಾರ್, ಕೃಷ್ಣ ನಾಯ್ಕ್, ಶಾಲಿನಿ ನಾಗರಾಜ್ ಲೆಪ್ಪೋಲೆಡ್ ತೆರಿಪಾದೆರ್.