ಕೋಡಿಕಲ್ ಶ್ರೀ ನಾಗಬ್ರಹ್ಮ ಧರ್ಮದೈವಲೆನ ಸನ್ನಿಧಿಡ್ ತಂಬಿಲ, ಚೌತಿಪರ್ಬ ಬೊಕ್ಕ ಕೋಲ

ಕುಡ್ಲ: ಕೋಡಿಕಲ್ ಶ್ರೀ ನಾಗಬ್ರಹ್ಮ ಧರ್ಮದೈವಲೆನ ಸೇವಾ ಸಮಿತಿ ಮುತಾಲಿಕೆಡ್ ನಾಗಬ್ರಹ್ಮ ಸನ್ನಿಧಿಡ್ ಬೇತೆ ಬೇತೆ ರೀತಿದ ಸೇವೆಲು ಜ.13-ಜ.22 ಮುಟ್ಟ ನಡಪರೆ ಉಂಡು.

ಜ.13 ಕ್ಕ್ ಸುಕ್ರಾರ 6 ಗಂಟೆಗ್ ನಾಗಬ್ರಹ್ಮ ಸನ್ನಿಧಿಡ್ ಚೌತಿಪರ್ಬ, ರಾತ್ರೆ 8 ಗಂಟೆಗ್ ಬಂಗಾಡಿಡ್ ಧೂಮಾವತಿ ಬಂಟ ದೈವಲೆಗ್ ಚೌತಿ ಪರ್ಬ ನಡತ್ತ್‌ದ್, ರಾತ್ರೆ 12 ಗಂಟೆಗ್ ಕಲ ಏರುನವು ನಡಪರೆ ಉಂಡು. ಜ.14 ಕ್ಕ್ ನಾಗಬ್ರಹ್ಮರೆಗ್ ತಂಬಿಲ ಸೇವೆ, ಜ.15 ಕ್ಕ್ ಭಂಡಾರ ಏರ್ದ್ ರಾತ್ರೆ 8 ಗಂಟೆಗ್ ಬಂಗಾಡಿತ್ತಾಯ ದೈವದ ಚಪ್ಪರ ಬಲಿ ಸೇವೆ ನಡಪರೆ ಉಂಡು.

ಜ.16 ಕ್ಕ್ ಸೋಮಾರ ರಾತ್ರೆ 9 ಗಂಟೆಗ್ ಧೂಮಾವತಿ ಬಂಟ ದೈವಲೆನ ಚಪ್ಪರ ಬಲಿ ಸೇವೆ, ಜ.21 ಕ್ಕ್ ಕೋರ್‍ದಬ್ಬು ತನ್ನಿಮಾನಿಗ ದೈವದ ಕೋಲ, ಅಂಚನೆ ಜ. 22 ಕ್ಕ್ ಗುಳಿಗ ಪಂಜುರ್ಲಿ ಕೋಲ ಬೊಕ್ಕ ರಾಹು ಗುಳಿಗ ಕೋಲ ನಡಪರೆ ಉಂಡು.