ಕುಡ್ಲ: ಕುಕ್ಕರ್ ಬಾಂಬ್ ಪುಡಾದಿನ ಕೇಸ್ ಡ್ ಶಿವಮೊಗ್ಗರ್ದ್ ಅರೆಸ್ಟ್ ಆಯಿನ ಆರೋಪಿ ಮಾಝ್ ಮುನೀರ್ ಡ ಸಂಪರ್ಕ ದೀತಿನ ಕೊಣಾಜೆ ನಡುಪದವು ಪಿಎ ಇಂಜಿನಿಯರಿಂಗ್ ಕಾಲೇಜ್ ದ ಕಲ್ಪಾರ್ಥಿ, ಒಡಿಪು ಮೂಲದ ರಿಹಾನ್ ಶೇಖ್ ನ್ ಏಳ್ ಜನತ ಎನ್ ಐಎ ಕೂಟದಕುಲು ಕಾಲೇಜ್ ಗ್ ರೈಡ್ ಮಲ್ತ್ ದ್ ವಶಕ್ಕ್ ಪಡೆದ್ ಬೆಂಗ್ಲೂರ್ ಗ್ ಲೆತೊಂದು ಪೋತೆರ್.
ರಿಹಾನ್ ಶೇಖ್ ನ್ ಶಿವಮೊಗ್ಗದ ಪುರಲೆದ ತುಂಗಾ ತುದೆತ ಬರಿಟ್ಟ್ ಬಾಂಬ್ ಪುಡಪುನೆನ್ ಪ್ರಯೋಗ ಮಲ್ತೊಂದು ಇತ್ತಿನ ಕೇಸ್ ಡ್ ಬೊಕ್ಕ ಐಸಿಸ್ ಸಂಘಟನೆದೊಟ್ಟಿಗೆ ಸಂಪರ್ಕಡ್ ಅರೆಸ್ಟ್ ಆತಿನ ಉಗ್ರೆರಾಯಿನ ಮಾಝ್ ಮುನೀರ್ ಡ ನಿರಂತರ ಸಂಪರ್ಕ ಬೊಕ್ಕ ಬೇತೆ ಬೇತೆ ಚಟುವಟಿಕೆಲೆಡ್ ಒಟ್ಟಿಗೆ ಪಾಲ್ ಪಡೆಯಿನ ಇಚಾರದ ಮಿತ್ತ್ ವಶಕ್ ಪಡೆತೆರ್.
pallavi shetty