ಜ.8: ಕಂಬಳಕಟ್ಟ ಶ್ರೀ ಭ್ರಮರಾಂಬಿಕಾ ಭಜನಾ ಮಂಡಳಿ ಬೊಕ್ಕ ಮಹಿಳಾ ಮಂಡಳಿದ ಒಟ್ಟುಸೇರಿಗೆಡ್ ಸಾಧನಾ-2023 ಲೇಸ್

ಕೊಡವೂರು: ಕಂಬಳಕಟ್ಟ ಶ್ರೀ ಭ್ರಮರಾಂಬಿಕಾ ಭಜನಾ ಮಂಡಳಿ ಬೊಕ್ಕ ಮಹಿಳಾ ಮಂಡಳಿದ ಒಟ್ಟುಸೇರಿಗೆಡ್ ಸಾಧನಾ-2023 ಲೇಸ್ ಜ.8 ಐತಾರ ಮಧ್ವನಗರ, ಜವಣೆರಕಟ್ಟೆ ಏಕತಾ ರಂಗಮಂಟಪಡ್ ಬಯ್ಯಗ್ 6 ಗಂಟೆರ್ದ್ ನಡಪರೆ ಉಂಡು.

ಬೊಲ್ಪುಗು 10 ಗಂಟೆಗ್ ಶ್ರೀ ಸತ್ಯನಾರಾಯಣ ಪೂಜೆ, ಸಾಂಸ್ಕೃತಿಕ ಲೇಸ್, ಸಭಾ ಲೇಸ್, ಸಾಧಕೆರೆಗ್ ಬೊಕ್ಕ ಸಾಮಾಜಿಕ ಸೇವಾ ನಿರತೆರೆಗ್ ತಮ್ಮನ, ಕಲ್ಪಾರ್ಥಿಲೆಗ್ ಸ್ಕಾಲರ್ ಶಿಪ್, ಆರೋಗ್ಯದ ಸಕಾಯ, ಇಸೇಸ ಚೇತನೆರೆಗ್ ಸಕಾಯ ಕೊರಿಯೆರೆ ಉಂಡು. ಬೊಕ್ಕ ರಾತ್ರೆ 8:30 ರ್ದ್ ಕಾಪು ರಂಗತರಂಗ ಕಲಾವಿದೆರೆರ್ದ್ ಬುಡೆದಿ ತುಳು ಹಾಸ್ಯಮಯ ನಾಟಕ ನಡಪುಂಡು. ಈ ಮಾತ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಶ್ರೀ ಭ್ರಮರಾಂಬಿಕಾ ಭಜನಾ ಮಂಡಳಿ ಬೊಕ್ಕ ಮಹಿಳಾ ಮಂಡಳಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.