ಕಾಸ್ರೋಡು ಜಿಲ್ಲೆದ ಉಬ್ರಂಗಳ ಬಡಗು ಶಬರಿಮಲೆ ಪುಗರ್ತೆದ ಶ್ರೀ ಮಹಾದೇವ ಪಾರ್ವತಿ ಶ್ರೀ ಶಾಸ್ತಾರ ದೇವಲ್ಯ ಜ.2 ಕ್ ತುಳು ಲಿಪಿ ಪುದರ್ ಪಲವೆನ್ ಬುಡುಗಡೆ ಮಲ್ತೆರ್.
ದೇವಲ್ಯದ ಬ್ರಹ್ಮಕಲಶ ಉಚ್ಚಯದ ಪೊರ್ತುಡು ಈ ಲೇಸ್ ನ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಹರ್ಷೇಂದ್ರ ಕುಮಾರ್ ಉದಿಪನ ಮಲ್ತೆರ್. ಎಡನೀರು ಸ್ವಾಮೀಜಿ ಶ್ರೀ ಸಚ್ಚಿದಾನಂದ ಭಾರತೀ ಮೇರ್ ಸಾನ್ನಿಧ್ಯ ಒಯಿಸ್ ದಿತ್ತೆರ್.
ಈ ಪೊರ್ತುಡು ಜೈ ತುಲುನಾಡು (ರಿ.) ಸಂಘಟನೆದ ಉಪಾಧ್ಯಕ್ಷೆರ್ ಹರಿಕಾಂತ್ ಸಾಲ್ಯಾನ್ ಕಾಸ್ರೋಡು, ಕಾಸ್ರೋಡು ಘಟಕದ ಕಾರ್ಯದರ್ಶಿ ಕಾರ್ತಿಕ್ ಕೆ.ಎನ್, ಜತೆ ಕಾರ್ಯದರ್ಶಿ ಜಗನ್ನಾಥ್ ಕುಲಾಲ್ ಇತ್ತೆರ್. ದೇವಲ್ಯದ ಆಡಳಿತ ಮಂಡಳಿ ತುಳು ಲಿಪಿತ ನಾಮಫಲಕ ಪಾಡುನ ನಿರ್ಧಾರ ದೆತೊನ್ನಗ ಆಯಿಕ್ ಬೊಡಾಯಿನ ಅಗತ್ಯ ಸಹಕಾರ ಮಲ್ದ್ಂಡ್.
pallavi shetty