ಬೆದ್ರ: ಕಡಂದಲೆ ಗ್ರಾಮದ ಜೋಡಿಕಟ್ಟೆ ಮುಕ್ಕಡಪ್ಪು ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆದ ಕೈತಲ್ ಜ.1 ಐತಾರ ರಾತ್ರೆ 10 ಗಂಟೆಗ್ ಮಾರುತಿ ಕಾರ್ 15 ಅಡಿ ತಿರ್ತ್ ದ ಶಾಲೆದ ಮೈದಾನಗ್ ಪಲ್ಟಿಯಾದ್ ಬೂರ್ದು ಚಾಲಕೆ ತೀರ್ ಪೋಯಿನ ಘಟನೆ ನಡತ್ಂಡ್.
ಪಾಲಡ್ಕ ಗ್ರಾಮದ ಮಾಗಂದಾಡಿ ದಿವಾಕರ ಶೆಟ್ಟಿ (58) ತೀರ್ ಪೋಯಿನಾರ್. ಉಂದೆನ್ ಬೊಲ್ಪುಗು ನೆಲ್ಯಾಡಿಕೆದ ಯೋಗೀಶ್ ಗೌಡ ತೂದು ಬೆದ್ರ ಪೊಲೀಸೆರೆಗ್ ತೆರಿಪಾದೆರ್. ಪೊಲೀಸೆರ್ ಬತ್ತ್ ದ್ ತನಿಖೆ ಮಲ್ತ್ ದೆರ್.
ಈ ಪೊರ್ತುಡು ಪಾಲಡ್ಕ ಪಂಚಾಯತ್ ಅಧ್ಯಕ್ಷೆರ್ ದಿನೇಶ್ ಕಾಂಗ್ಲಾಯ್, ದ.ಕ. ಜಿಲ್ಲಾ ಹಾಲಿನ ಒಕ್ಕೂಟದ ಜಿಲ್ಲಾಧ್ಯೆಕ್ಷೆರ್ ಕೆ ಪಿ ಸುಚರಿತ ಶೆಟ್ಟಿ, ಗ್ರಾಮ ಪಂಚಾಯತ್ ಉಪಾಧ್ಯಕ್ಷೆರ್ ಸುಕೇಶ್ ಶೆಟ್ಟಿ, ಸದಸ್ಯೆರಾಯಿನ ಜಗದೀಶ್ ಕೋಟ್ಯಾನ್, ಅಮಿತಾ ನಾಗೇಶ್ ಪೂಜಾರಿ, ಕಾಂತಿ ಉದಯ ಶೆಟ್ಟಿ, ಸುರೇಶ್ ಪೂಜಾರಿ, ಸುಧೀರ್ ಶೆಟ್ಟಿ ಇತ್ತೆರ್.
pallavi shetty