ಬಿಜೆಪಿ ಶಾಸಕೆರ್ನ ಪುದರ್ ಬರೆದ್ ದೀದ್ ತರೆಕ್ಕ್ ಗುಂಡು ಪಾಡೊಂದು ಆತ್ಮಹತ್ಯೆ ಮಲ್ತಿನ ಜವನೆ

ಬೆಂಗ್ಲೂರು: ಬಿಜೆಪಿ ಶಾಸಕೆರ್ ಅರವಿಂದ ಲಿಂಬಾವಳಿ ಸೇರ್ದ್ 6 ಜನತ್ತ ಪುದರ್ ಬರೆದೀದ್ ಜವನೆ ಒರಿ ಆತ್ಮಹತ್ಯೆ ಮಲ್ತಿನ ಘಟನೆ ಪೇಂಟೆದ ನೆಟ್ಟಿಗೆರೆ ಗ್ರಾಮದ ಕೈತಲ್ ನಡತ್ಂಡ್.

ಹೆಚ್‌ಸಿಆರ್ ಲೇಔಟ್‌ದ 47 ವರ್ಷದ ಪ್ರದೀಪ್ ತನ್ನ ಕಾರ್‌ಡ್ ತರೆಕ್ಕ್ ಗುಂಡು ಪಾಡೊಂದು ಆತ್ಮಹತ್ಯೆ ಮಲ್ತ್‌ದೆರ್. ಮಾಜಿ ಸಚಿವೆರ್ ಅರವಿಂದ ಲಿಂಬಾವಳಿ, ಜಿ.ರಮೇಶ್ ರೆಡ್ಡಿ, ಕೆ.ಗೋಪಿ, ಜಯರಾಮ್ ರೆಡ್ಡಿ, ರಾಘವ ಭಟ್, ಸೋಮಯ್ಯ ಸೇರ್ದ್ 6 ಜನತ್ತ ಪುದರ್ ಬರೆದೀದ್ “ಯನ್ನ ಸಾವುಗ್ ನ್ಯಾಯ ಕೊರ್ಪಾಲೆ” ಪಂದ್ ಪ್ರದೀಪ್ ಡೆತ್ ನೋಟ್‌ಡ್ ಬಿನ್ನಾಪು ಮಲ್ತ್‌ದೆರ್.