ರಾಷ್ಟ್ರ ಮಟ್ಟದ ಕಿಕ್ ಬಾಕ್ಸಿoಗ್ : ಸುರತ್ಕಲ್ ದ ದುಷ್ಯಂತ್ ಗ್ ಬಂಗಾರ್ದ ಪದಕ
ಸುರತ್ಕಲ್, ಜು. 29: ವಾಕೋ ಇಂಡಿಯಾ ಕಿಕ್ ಬಾಕ್ಸಿಂಗ್ ಫೆಡರೇಷನ್ ಮುಖೇನ ಕೋಲ್ಕತಾಡ್ ಜು.23 ತಾರಿಕ್ ಮುಟ ಅಟ್ಟನೆ ಮಲ್ತಿನ ರಾಷ್ಟ್ರ ಮಟ್ಟದ ಕಿಕ್ ಬಾಕ್ಸಿಂಗ್ ಪಂಥಡ್ -32 ಕೆ.ಜಿ. ವಿಭಾಗಡ್ ಕರ್ನಾಟಕನ್ ಪ್ರತಿನಿಧಿಸಾಯಿನ ಸುರತ್ಕಲ್ ದ ದುಶ್ಯಂತ್ ಎಸ್.
ಮೇರ್ ಬಂಗಾರ್ದ ಪದಕ ಪಡೆತೆರ್ .
ಮೇರ್ ಜೂನ್ ಡ್ ಮೈಸೂರುಡು ನಡತಿನ ರಾಜ್ಯಮಟ್ಟದ ಪಂಥಡ್ ಉಂದುವೇ ವಿಭಾಗಡ್ ದಕ್ಷಿಣ ಕನ್ನಡನ್ ಪ್ರತಿನಿಧಿಸಾದ್ ಬಂಗಾರ್ದ ಪದಕದೊಟ್ಟುಗು ರಾಷ್ಟ್ರ ಮಟ್ಟಗ್ ಆಯ್ಕೆಯಾದ್ ಇತ್ತೆರ್ .
ಕರಿನ ಏಳ್ ವರ್ಷರ್ದ್ ಐ.ಕೆ.ಎಂ.ಎ. ನ ತರಬೇತುದಾರೇರಾಯಿನ ಸೆನ್ಸಾಯೀ ನಿತಿನ್ ಸುವರ್ಣ ಬೊಕ್ಕ ಸಂಪತ್ ಕುಮಾರ್ ಮೆರೆರ್ದ್ ಕರಾಟೆ, ಕಿಕ್ ಬಾಕ್ಸಿಂಗ್, ವುಷು ಬೊಕ್ಕ ಬಾಕ್ಸಿಂಗ್ ಕ್ರೀಡೆದ ತರಬೇತಿ ಪಡೆಯೊಂದು ಉಪ್ಪುನ ದುಶ್ಯಂತ್ ಕುಡ್ಲಡ್ ಜಿಲ್ಲಾ ಧಾರ್ಮಿಕ ದತ್ತಿ ಇಲಾಖೆ ಸಹಾಯಕ ಆಯುಕ್ತರ ಕಚೇರಿಡ್ ಪ್ರಥಮ ದರ್ಜೆ ಪರಿವೀಕ್ಷಕೆರಾಯಿನ ಸುಳ್ಯ ತಾಲೂಕು ಹರಿಹರ ಪಲ್ಲತ್ತಡ್ಕದ ಶ್ರೀಧರ ಎಸ್.ಪಿ. – ಪವಿತ್ರಾಕ್ಷಿ ದಂಪತಿಯಲೆನ ಮಗೆ . ಪ್ರಸ್ತುತ ಪಣಂಬೂರು ಕೇಂದ್ರೀಯ ವಿದ್ಯಾಲಯದ 8ನೇ ತರಗತಿ ವಿದ್ಯಾರ್ಥಿ.
pallavi shetty