ಕುಡ್ಲ: ಬೆಳ್ಳಾರೆಡ್ ಕೋಡೆ ಆಯಿನ ಪ್ರವೀಣ್ ಮರ್ಡರ್ ಕೇಸ್ ಗ್ ಸಂಬಂಧಿಸಾದ್ ಆರೋಪಿಲೆನ ನಾಡ್ ಪತ್ತರೆ ಬೋಡಾದ್ ಪೊಲೀಸೆರ್ 4 ವಿಶೇಷ ಕೂಟನ್ ಮಲ್ತೆರ್. ಇತ್ತೆ ಪ್ರಕರಣಗ್ ಸಂಬಂಧಿಸಾದ್ ಬೆಳ್ಳಾರೆದ 15 ಜನ ಶಂಕಿತೆರೆನ್ ಪೋಲಿಸೆರ್ ವಶಕ್ಕ್ ದೆತೊಂದೆರ್.
ಸದ್ಯ ಪ್ರಕರಣಗ್ ಸಂಬಂಧಿಸಾದ್ ಮೂಜಿ ಆಯಾಮಡ್ ತನಿಖೆ ನಡತೊಂದ್ ಉಂಡು. ರಾಜಕೀಯ, ವೈಯಕ್ತಿಕ ಅಂಚನೆ ಕೋಮುದ್ವೇಷದ ಆಯಾಮಡ್ ತನಿಖೆ ನಡತೊಂದ್ ಉಂಡು. ಅಯಿತೊಟ್ಟುಗ್ ಸಿಸಿಟಿವಿ, ಮೊಬೈಲ್ ಲೋಕೇಷನ್ ಆಧಾರಡ್ ತನಿಖೆ ನಡತೊಂದ್ ಉಂಡು.
15 ಜನ ಶಂಕಿತೆರೆನ್ ವಶಕ್ ದೆತೊoದು ವಿಚಾರಣೆ ಮಲ್ತೊಂದುಲ್ಲೆರ್. ಮುಕುಲು ಕೊಲೆಗಾರೆರೆಗ್ ಸಹಾಯ ಮಲ್ತಿನ ಶಂಕೆಡ್ ವಶಕ್ ದೆತೊಂದು ವಿಚಾರಣೆ ನಡತೊಂದ್ ಉಂಡು. ಅಯಿಟ್ ಎಚ್ಚದಕುಲು ಕೈತಲ್ ದಕುಲು ಆತೆರ್ ಎಡಿಜಿಪಿ ಅಲೋಕ್ ಕುಮಾರ್ ಮಾಹಿತಿ ಕೊರ್ತೆರ್.
ಬೈಕ್ ನಂಬರ್ 1678
ಕೋಡೆ ಕತ್ತಲೆಗ್ 8.30 ಕ್ ಕೋರಿದ ಅಂಗಡಿಗ್ ಬಾಕಿಲ್ ಪಾಡುನ ಪೊರ್ತುಡು ಅಡೆ ಬತ್ತಿನ ಕೇರಳ ನೋಂದಣಿದ 1678 ಸಂಖ್ಯೆದ ಸ್ಲೆಂಡರ್ ಬೈಕ್ ಡ್ ಬತ್ತಿನ ದುಷ್ಕರ್ಮಿಲು ಪರ್ತೆದ ಹತ್ಯಾರ್ ಡ್ ತರೆ ಬೊಕ್ಕ ಕೆಕ್ಕಿಲ್ ಗ್ ಹಾಕ್ ದೆರ್.
pallavi shetty