ಕಲೆ ಬೊಕ್ಕ ಸಾಹಿತ್ಯಗಾದ್ ಇಪ್ಪುನ ಅಖಿಲ ಭಾರತೀಯ ಸಂಸ್ಥೆ ಆಯಿನ ತುಳುನಾಡ್ ದ ಸಂಸ್ಕಾರ ಭಾರತಿದ ಮುತಾಲಿಕೆಡ್ ಜುಲೈ 24 ತಾರೀಕ್ ಗ್ ಐತಾರ ಕಾಂಡೆ 10.30 ರ್ದ್ ಸ್ವಾತ್ರಂತ್ರ್ಯ ಅಮೃತ ಮಹೋತ್ಸವದ ಲೆಕ್ಕಡ್ ವಂದೇ ಮಾತರಂ ಅಂಚನೆ ಗುರುವಂದನಾ ಕಾರ್ಯಕ್ರಮ ಶ್ರೀ ಮಹಾಲಕ್ಷ್ಮಿ ಕ್ಷೇತ್ರ ಶ್ರೀ ಧಾಮ ಮಾಣಿಲಡ್ ನಡಪರೆ ಉಂಡು.
ಶ್ರೀ ಮಹಾಲಕ್ಷ್ಮಿ ಕ್ಷೇತ್ರ ಶ್ರೀ ಧಾಮ ಮಾಣಿಲದ ಪರಮಪೂಜ್ಯ ಶ್ರೀ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ ಲೇಸ್ ನ್ ತುಡರ್ ಅರ್ಲಾದ್ ಉದಿಪನ ಮಲ್ತ್ ದ್, ಆಶೀರ್ವಚನ ಮಲ್ಪರೆ ಉಲ್ಲೆರ್.ಮಲ್ಲ ಬಿನ್ನೆರಾದ್ ಸರಪಾಡಿ ವೈದಿಕ ವಿದ್ವಾಂಸೆರ್ ವಿಜಯಕೃಷ್ಣ ಐತಾಳ್, ಪೂಂಜೂರು ಬೊಕ್ಕ
ಗೋಳ್ತಮಜಲ್ ಗ್ರಾಮ ಪಂಚಾಯತ್ ದ ಅಭಿವೃದ್ದಿ ಅಧಿಕಾರಿ ವಿಜಯಶಂಕರ ಆಳ್ವ ಮಿತ್ತಳಿಕೆ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್. ಪೆರಿಯ ಯಕ್ಷಗಾನ ಕಲಾವಿದೆರ್ ಪೆರುವಾಯಿ ನಾರಾಯಣ ಶೆಟ್ಟಿ, ಭಜನಾ ಸಂಕೀರ್ತನಾಕಾರೆರ್ ಅಂಚನೆ ಸಂಘಟಕೆರ್ ವೇದಮೂರ್ತಿ ವಿಜಯಕುಮಾರ್ ಭಟ್ ವಿಟ್ಲ, ಪೆರಿಯ ಜಾನಪದ ಕಲಾವಿದೆ ಶಾರದಾ ಜಿ. ಬಂಗೇರ ದೇವಸ್ಯಪಡೂರು ಗುರುವಂದನೆ ದೆತೊನರೆ ಉಲ್ಲೆರ್. ಅoಚನೆ ಮಧ್ಯಾಹ್ನ 12.15 ಕ್ಕ್ ರಾಜೇಶ್ ವಿಟ್ಲ ಕೂಟಡ್ದ್ ದೇಶಭಕ್ತಿಗೀತೆ ಅಂಚನೆ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆ ಉಂಡು.
Editorial