ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲೆಡ್ ಗುರುವಾರ ಮಸ್ತ್ ಬರ್ಸ ಬರೊಂದಿತ್ತ್ ದ್, ಬರ್ಸರ್ದಾವರ ಇನಿಲ ಶಾಲೆಲೆಗ್ ರಜೆ ಕೊರ್ತೆರ್. ಒಂಜಿ ವಾರ ಬತ್ತಿನ ಬರ್ಸರ್ದಾವರ ಜನಕ್ಲೆನ ಜೀವನ ಚೆಲ್ಲಾಪಿಲ್ಲಿ ಆದಿತ್ತ್ ದ್, ತಗ್ಗ್ ಜಾಗೆಲೆಡ್ ನೀರ್ ಉಂತುದ್ ಅಲ್ಪದ ಜನಕ್ಲೆಗ್ ತೊಂದರೆ ಆತ್ಂಡ್.
ಸಸಿಹಿತ್ಲು ಶ್ರೀ ಭಗವತಿ ದೇವಸ್ಥಾನದ ಅಂಗಣದ ಉಲಯಿ ನೀರ್ ದಿಂಜಿದ್ಂಡ್. ಮಸ್ತ್ ಕಡೆಟ್ಟ್ ಕೃಷಿ ಕಂಡ ಬೊಕ್ಕ ತೋಟಗ್ ನೀರ್ ಪೊಗ್ಗುದು ಕೃಷಿ ನಾಶ ಆವೊಂದುಂಡು. ಕುಡ್ಲ ಪೇಂಟೆದ ಮಸ್ತ್ ಮಾರ್ಗಡ್ ನೀರ್ ಉಂತುದಿತ್ತ್ ಗಾಡಿಲು ಪೋಯರೆ ಬಂಗ ಆವೊಂದುಂಡು.
ಕುಡ್ಲದ ನಂತೂರು ಸರ್ಕಲ್ ಕೈತಲ್ ಟ್ರಾಫಿಕ್ ಜಾಮ್ ಆದಿತ್ತ್ ದ್, ಗಾಡಿಲು ಸಾಲುಡ್ ಪೋಪಿಲೆಕ್ಕ ಆತ್oಡ್. ಗುರುವಾರ ಕಾಂಡೆರ್ದಿಂಚಿ ಬರ್ಸ ಬರೊಂದೇ ಉಂಡು.
ದಕ್ಷಿಣ ಕನ್ನಡ ಜಿಲ್ಲೆಡ್ ಇನಿ ಭಾರೀ ಬರ್ಸ ಬರೊಂದಿತ್ತಿನ ಕಾರಣ ರೆಡ್ ಅಲರ್ಟ್ ಘೋಷಿಸಾದೆರ್. ಸುದೆ ಬೊಕ್ಕ ಕಡಲ ಬರಿ ಇಪ್ಪುನ ಇಲ್ಲ್ ಲೆಗ್ ಎಚ್ಚೆರ್ಗೆಡ್ ಉಪ್ಪರೆ ವಹಿಸೊನ್ಯರ ಜಿಲ್ಲಾಡಳಿತ ಸೂಚನೆ ಕೊರ್ತ್oಡ್.
ಬಂಟ್ವಾಳದ ಪಂಜಿಕಲ್ಲ್ ಶೆಡ್ ಮಿತ್ತ್ ಗುಡ್ಡ ಜರಿದಿತ್ತ್ ದ್,ಅಲ್ಪ ಬೇಲೆ ಮಲ್ತೊಂದಿತ್ತಿನ ಮೂಜಿ ಜನ ತೀರ್ ಪೋತೆರ್. ಘಟನೆ ಆಯಿನ ಜಾಗೆಗ್ ಜಿಲ್ಲಾ ಉಸ್ತುವಾರಿ ಸಚಿವೆರ್ ವಿ.ಸುನಿಲ್ಕುಮಾರ್ ಬೊಕ್ಕ ಶಾಸಕೆರ್ ರಾಜೇಶ್ ನಾಯ್ಕ್ ಉಳಿಪಾಡಿಗುತ್ತು ಮೇರ್ ಭೇಟಿ ಕೊರ್ತೆರ್.
pallavi shetty